news-inner
clock16:40 calendar-gray 18 İyul 2018 view-gray488 dəfə oxunub
view-gray488 dəfə oxunub

Allah ölməyib, qocalıb – Aqil Abbas yazır

Kulis.az millət vəkili, yazıçı Aqil Abbasın "Təkcə söz qocalmır" yazısını təqdim edir.

(Mahir Qarayevin 60 yaşına)

Dünyada nə varsa hamısı hər gün qocalır. Təbiət də, Ay da, Günəş də, planetimizin özü də, insanlar da. Təbiət hətta o qədər qocalıb ki, başını itirib. Bilmir nə vaxt yağış yağdırsın, nə vaxt gün çıxartsın və ya yağışı harda yağdırsın, günü harda çıxartsın.

Nitsşe deyir ki, “Allah ölüb”. Mən onu deyə bilmərəm, ağzım əyilər. Amma mənə elə gəlir ki, Allah da qocalıb, artıq bəşəriyyəti istədiyi kimi idarə edə bilmir. Bu boyda dünya dağılır, nə yeni bir Peyğəmbər göndərir, nə yeni bir Kitab. Bu boyda dünya qalıb iki güc dövlətin əlində, girinc olub. Az qalmışdım yazam, iki gic dövlətin əlində, qorxdum yazmadım, adamı çarmıxa çəkərlər.

Bəli, dünyada hər şey qocalır, hətta sonra yox olub da gedir.

Təkcə Sözdən savayı. Söz nəinki qocalmır, hətta hər gün gəncləşir, cavanlaşır. Homerdən tutmuş üzü bəri. Nizamidən, Firdovsidən, Nəsimidən, Füzulidən tutmuş üzü bəri. Şah İsmayıldan, Vaqifdən, Mövlanadan, Yunus Əmrədən, Nazim Hikmətdən tutmuş üzü bəri.

Axundovdan, Caviddən, Cəfərdən, Müşfiqdən, Səməd Vurğundan, Rəsul Rzadan, Bəxtiyar Vahabzadədən, Əli Kərimdən, Əliağa Kürçaylıdan, Məmməd Arazdan, Qabildən, Cabir Novruzdan, Nusrət Kəsəmənlidən, Hüseyn Kürdoğludan, Ağa Laçınlıdan,Vahid Əlifoğlundan üzü bəri.

Fikrət Qoca, Nəriman Həsənzadə ona görə qocalmırlar ki, Sözü qoymurlar qocalmağa.

Qocalmır Söz. Vaqif Səmədoğlu qoymadı qocala Söz. Eldar Baxış, Siyavuş Sərxanlı, Tofiq Abdin qoymadı qocala Söz. Akif Səməd qoymadı qocala Söz. Mehdi Bəyazid də qoymadı qocala Söz. Yazıçı Şahmar da qoymadı, şair Şahmar Əkbərzadə də. Baba Pünhanı unutmaq olmaz.

İsa Hüseynov, İsmayıl Şıxlı, Sabir Əhmədov, İsi Məlikzadə, Fərman Kərimzadə, İsmayıl Qarayev, Cəmil Əlibəyov qoymadı qocala Söz.

Anar, Elçin, Kamal Abdulla, Seyran Səxavət, Çingiz Abdullayev, Afaq Məsud, Elçin Hüseynbəyli, Nəriman Əbdürrəhmanlı, Yunus Oğuz qoymur qocala Söz. Elə bir az da mən.

Musa Yaqub, Ramiz Rövşən, Vaqif Cəbrayılzadə, Ənvər Əhməd, Zakir Fəxri, Xanım İsmayılqızı, Maarif Soltan, Salam Sarvan, Səlim Babullaoğlu, Rəşad Məcid, Şərif Ağayar, Aqşin Yenisey, Seymur Baycan, Vəli Xramçaylı, Əbülfət Mədətoğlu qoymur qocala Söz.

Bu gün Sözü qocalmağa qoymayan istedadlı şairimiz Mahir Qarayevin 60 yaşı tamam olur. Maşallah, heç özü də qocalmır. Elə 40 il bundan əvvəl tanıdığım Mahir Qarayevdi.

Təbrik edirəm, qardaş! Bu dünyada hər şey qocalır və qocalaq, bircə Sözdən savayı. O Sözdən ki sən onun keşiyində durmusan.

Və bir də bu dünyada hamı ölür, təkcə Sözə qulluq edənlər və Sözün işığında yaşayanlardan başqa.

Hətta imperatorlar, sultanlar, şahlar da gücləri çatdığı qədər Sözə qulluq edirdilər ki, bəlkə o Söz onları da yaşada.

Mahir, sən həmişə yadıma düşəndə nədənsə Sabir Adil də yadıma düşür. O da Sözə qulluq edirdi.

Adları deyəsən çox yazdım, eləmi? Əksinə, hələ nə qədər Sözə qulluq edənlərin, Sözü yaşadanların, Sözü qocalmağa, ölməyə qoymayanların adlarını da yaza bilərəm.

Bu gün dilimiz yaşayırsa, bu gün bu millət kökündən ayrılmayıbsa və bu millət az-çox qocalmaqdan qaça bilirsə, yuxarıda adlarını çəkdiyim və adlarını çəkmədiklərim Sözü qocalmağa qoymayanlara borcludur.

Mahir Qarayev, şənbə nömrəsində sənin Fəxri Uğurla beş il bundan qabaqkı söhbətini də təkrar çap edəcəm. Çünki o müsahibə də Sözdü və heç vaxt qocalmaz. Çünki o müsahibəni alan Fəxri Uğurlu da Sözü qocalmağa qoymayan əmioğullardandı./adalet.az/

news-inner-user
Aqil Abbas

13 məqalə

Oxşar xəbərlər

Xəbər lenti

Kişilərə qarşı terror törədən feministlər – Sevda Sultanova yazır...
09:01 06 Mart 2021
“Baku” jurnalı “Yandeks dzen” platformasında təqdim olunur
18:55 05 Mart 2021
Qadınlar Gününə həsr olunmuş sərgi keçiriləcək
18:01 05 Mart 2021
Qadına görə özünü yandıran məşhur meyxanaçı - Məşədibaba Elçini niyə öldürmüşdü? - Video
17:09 05 Mart 2021
“Oyaq gözəl” tamaşası onlayn nümayiş ediləcək
16:22 05 Mart 2021
Yanlış tanıdığımız Amerika – Cavid Ramazanov yazır
15:30 05 Mart 2021
Qodar kinodan gedir
14:40 05 Mart 2021
Türkiyəli yazıçı vəfat etdi
13:50 05 Mart 2021
Dahi şairin çap olunmamış şeiri tapıldı
13:01 05 Mart 2021
Ona qarşı “vnimatelni” olmadılar - Yaşar Nurinin fəxri ada həsrət qalan atası - Maraqlı faktlar
12:30 05 Mart 2021
Nənəsi şal örtən, qızı şort geyinən dostum – Şərif Ağayar yazır...
11:44 05 Mart 2021
Lal deyil, amma ömrü boyu danışmır...
11:01 05 Mart 2021
Berlin Film Festivalında Azərbaycan düzəlişi
10:14 05 Mart 2021
Erməni generalını boğan şəhid haqqında roman - İlk hissə
09:00 05 Mart 2021
Acından kirpikləri tökülən, evlənməkdən qorxan, mənzilində yiyəsiz ölən Əməkdar artist
21:00 04 Mart 2021
O, ölümə qaçdığının fərqində deyildi – Cavanşir Yusifli yazır…
18:11 04 Mart 2021
İsa peyğəmbər öldürülməyib: Bunu Quran da təsdiq edir
17:34 04 Mart 2021
Xalça Muzeyi fəaliyyətini dayandırır
16:47 04 Mart 2021
Milli Dram Teatrının mart repertuarı
16:08 04 Mart 2021
Tağıyevin gənc arvadının soyadını götürdü, Nağıyev evini əlindən aldı, bığını qırxdığı üçün nəsli ilə düşmən oldu - Ərəblinskini kim güllələyib?
15:02 04 Mart 2021