news-inner
clock16:20 calendar-gray 16 İyul 2018 view-gray878 dəfə oxunub
view-gray878 dəfə oxunub

Kitab müqabilində görüşən fahişə

Kulis.az Orxan Saffarinin “Kitab üçün yatan fahişə” hekayəsini təqdim edir.

Gecə klublarının birinin yaxınlığında olan restoranda işləyirdim. Demək olar ki, bu ərazidə hamını tanıyırdım. Əsasən də fahişələri. Çünki gecə yarısından sonra əsas müştərilərim onlar olurdu.

Ümumiyyətlə, saat 12-dən sonra necə adam istəsən tapmaq olur şəhərdə. Evdən qaçıb sevgilisi ilə görüşən yeniyetmə oğlan və qızlardan tutmuş, "işim çoxdu, gələ bilməyəcəm bu gün" - deyib, məşuqu ilə gəzən kişilərə qədər.

Nələr var nələr.....

Fahişələrin çoxu ilə dostlaşmışdım. Hər gün bir ərəblə gəlib, hörmətimi də edirdilər, sağ olsunlar.

Açığı, bir dəfə ingilis dilini bilməyən qız üçün ərəblə qiymət də danışmışdım. Neyləyim? fahişə xahiş eləmişdi, keçə bilmədim!

Amma biri var idi, heç fahişəyə oxşamırdı. Sakit, dinməz-söyləməz adam idi. Danışanda da həddən artıq mehriban danışardı. Digərlərindən fərqli olaraq, bir dəfə də olsun "sən" deməmişdi mənə. "Siz"lə danışardı.

Müştəriləri ilə belə...

Nə o mənim adımı soruşmuşdu, nə də mən onun. Bircə dəfə əlini ehmalca qaldırıb güləndə yanına gedirdim.

Hərdən bir də ətrafda olanlara baxıb deyib-gülürdük də.

Digər fahişələrdən fərqli olaraq heç vaxt onun ağzından söyüş eşitmədim. Elə həmişə tək gəlib oturardı, sifarişlərini verib ətrafa göz gəzdirirdi, telefonu ilə oynayardı.

Arabir də yan masalardan müştərilər qazanırdı, nömrələşirdilər.

Sonrasını görməmişəm, nə yalan deyim...

Həm elə bil onu kimsə balaca uşaq kimi əli ilə bura qoymuşdu ki, gözlə gəlirəm iki dəqiqəyə, amma gəlib çıxmamışdı. Bu da saf-saf gəlməyəni gözləyirdi...

Açığı, son vaxtlar içimdə bir az qısqanclıq yaranmışdı ona qarşı. Kimsə ona söz atanda, nömrə verəndə əsəbiləşirdim. Bəlkə də pulum çox olsaydı, hər dəfə müştərilərin əvəzinə pulu özüm verərdim ki, heç kimlə yatmasın.

İstəyirdim, onunla tək qalıb söhbətləşim. Mənə elə gəlirdi ki, onunla söhbətləşsəm yolundan çəkindirə biləcəm. Lap filmlərdəki kimi hiss edirdim özümü. Guya mən fərqli adamam, fahişə ilə evlənəcəm, çəkindirəcəm onu bu yoldan. Amma nə yalan deyim, mən bacarmaram.

Həm fahişələrə yaxşı bələdəm. Beş-altı dəfə üç-dörd qədəh içmişliyim olub. Adamı təmiz bezdirirlər. Zırıldıyırlar ancaq ki, mən onu sevdim, o mənə xəyanət etdi, daha heç kimi sevə bilmədim. Hamısının da taleyi eyni. Yarı real, yarı uydurma. Amma yox, bu fərqli idi.

Nəhayət ki, sevişməli havaların birində görüşəsi olmuşduq bununla. Daha doğrusu, xahiş etmişdim. Fahişə olsa gəlməzdi, fahişə deyildi o.

Başqa bir məkanda görüşdük. İçki sifariş verib ordan-burdan söhbət etməyə başladıq. Ara-sıra da söz atırdım ki, məlum söhbətləri eləməsin.

Sağ olsun, eləmədi də.

Birdən söhbət əsnasında dayan deyib, çantasından kitab çıxartmışdı. Nazim Hikmətin kitabını. Bir-iki şeir oxudu anidən. Dondum qaldım. Sonra başladı özünü hansı yazıçıların yaratdığı obrazlarda gördüyündən danışmağa. Yavaş-yavaş donum açılırdı. Qəribədi, savadlı qız idi, həm də başa düşürdü içimdən keçənləri. Ailəsindən danışdı, ətrafından, təhsilindən, hər şeydən. O danışa-danışa istəyirdim cibimdən əlli manat çıxardıb verim ki, susmasın. Başa düşürsüz?

Deyirəm ki, bu fahişə deyildi!

Yalan-gerçək nə dedisə hamısına inandım. Bir sözünü də qoymadım boşa gedə.

Dedi ki, Hüqonun bir sözü var, sevmədiyi işdə çalışanların fahişədən fərqi yoxdu. Dedi ki, o, bu, işi sevmir. Dedi ki, fahişədi. Mən də onu inandırmağa çalışırdım ki, elə deyil. Qəribədi, o, həqiqətən fahişə deyildi.

Şeir oxuyurdu.

Mən də özümü tərifləyib gözə soxurdum arada. Kitablardan danışırdım, şeirlərimdən oxuyurdum. O, oxuyanda diqqətlə dodaqlarına baxırdım.

Söhbətimiz elə şirin olmuşdu ki, vaxtın necə keçdiyindən xəbərimiz olmamışdı heç.

Gec idi.

Qalxmalı olduq. Hesabı ödəyib restoranı tərk edəndə, qapının ağzında sağollaşmaq üçün əl uzadıb:

- Mən burdan gedəcəm evə, sağ ollaşaq. - deyə dilləndi.

Sonra qayıtdı ki, kitablarım qurtarıb, oxumağa təzə kitab yoxumdu. Əgər mənimlə yatmaq istəyirsənsə, 10 kitab ver, yataq. Güldü və getdi.

Qəribədi, o, həqiqətən fahişə deyildi.

news-inner-user

19996 məqalə

Oxşar xəbərlər

Xəbər lenti

"Aysel adını Azərbaycanda ilk dəfə mən qızıma qoymuşam" - Zahid Xəlillə müsahibə
21:01 22 Sentyabr 2021
Kitab və film eyni anda: “Rəngləri danışdıran adam”
18:59 22 Sentyabr 2021
Dünya şöhrətli rejissor komadan çıxdı
18:28 22 Sentyabr 2021
“Soyuq Günəş”in ssenaristi: “Yeni filmin çəkilişini başa çatdırdıq”
17:52 22 Sentyabr 2021
Fırlanmalısan - Hekayə-esse
17:22 22 Sentyabr 2021
İlk dərs günü məktəbdə necə biabır oldum?
16:36 22 Sentyabr 2021
Kiçik mətnə "böyük hesabla" uduzmaq - Kəramətin yeni romanını tənqid etdilər
16:01 22 Sentyabr 2021
Seymur Baycandan zəif olan gürcü yazarın dünya şöhrəti
15:10 22 Sentyabr 2021
Yeni poeziya almanaxı çap ediləcək - Əsər qəbulu başladı
14:25 22 Sentyabr 2021
Anamı ağlatdığım gün – Sərdar Amin yazır...
13:30 22 Sentyabr 2021
Məktəbə gəlməyə peşman olan əkiztayı, müəllimləri üçün darıxmayan uşaq, nəvəsindən bezmiş nənə – İlk dərs günündən reportaj
12:40 22 Sentyabr 2021
“Son günlər işdən qanıqara gəlirdi” - Qızı Fikrət Qocanın ölüm səbəbindən danışdı
11:49 22 Sentyabr 2021
Oğul, oğul, amandır! - Günün şeiri
11:14 22 Sentyabr 2021
Dərsin ortasında fıştırıq çalan şagird: Distant təhsildən reallığa
10:38 22 Sentyabr 2021
Məşhur aktyor vəfat etdi
10:18 22 Sentyabr 2021
Aktyor Elcan Rəsulov: “Afaq Bəşirqızı mənə dedi, çıx get burdan” – Müsahibə
09:00 22 Sentyabr 2021
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
21:00 21 Sentyabr 2021
Pekində beynəlxalq film festivalı başlayıb
18:55 21 Sentyabr 2021
Gənc yazarın ilk şeirlər kitabı nəşr edildi
18:15 21 Sentyabr 2021
Aqşin Yenisey: “Bu, milli biabırçılıqdır” – Müsahibə
17:47 21 Sentyabr 2021