news-inner
clock09:30 calendar-gray 14 İyul 2018 view-gray361 dəfə oxunub
view-gray361 dəfə oxunub

Gənc qadını aborta məcbur edən keşiş

Kulis.az “Əsl kino” layihəsində Karlos Karreranın “Amaro atanın cinayəti” (2002) və Jak Odiyarın “Peyğəmbər”(2009) filmlərini təqdim edir.

Meksika istehsalı olan “Amaro atanın cinayəti” filmi “Ən yaxşı xarici film” nominsiyasında Oskara namizəd olub.

Süjet: Hadisələr Meksikanın kiçik şəhəri Los Reyesdə baş verir. Gənc və yaraşıqlı Amaro (Qael Qarsiya Bernal) bu şəhərdə yerləşən kilsəyə baş keşişin yardımçısı təyin olunur və xidməti vəzifəsini yerinə yetirmək üçün ora gedir.

Image result for The Crime Of Father Amaro

Amaro ilk günlərdən hiss edir ki, kilsədə hər şey göründüyü kimi deyil. O, kilsədə çalışan keşiş Benitonun (Sanço Qrasiya) restoran sahibəsi Sanxuanera (Anxelika Araqon) ilə sevgi macərasının şahidi olur. Benito şəhərdə iri bir hospitalın tikintisi ilə məşğuldur. Tikintinin xərcinin böyük hissəsini bir narkobaron ödəyir. Başqa bir keşiş Natalio isə sol qüvvələri dəstəklədiyinə görə günahlandırılır. Natalio və Benito arasında bu səbəbdən konflikt yaşanır. Və Natalio (Damian Alkasar) Benitonun narkobaronla isti münasibətlərini əks etdirən fotolarını mətbuata yayır. Üstəlik, Natalio bu fotoları əldə etmək üçün fotoqrafı qətlə yetirməyi sifariş verir.

Restoran sahibəsi Sanxuaneranın gənc qızı Ameliya (Ana Klaudiya Talankon) jurnalist Rubenlə (Andres Montyel) nişanlıdır. Amma o Amaroya vurulur. Amaro ilə eşq macərası yaşayan Ameliya uşağa qalır. Keşiş öz nüfuzunu düşünərək qadını aborta məcbur edir. Və abort zamanı Ameliya qan itirdiyindən ölür. Şəhərdə uşağın Rubendən olması və qızın onun üzündən ölməsi xəbəri yayılır. Final səhnəsi kilsədə Ameliya üçün dua oxuyan Amaronun günahkar üzüylə bitir.

Film portuqal yazıçısı Joze Mariya Esa de Keyroşun eyni adlı romanının motivləri əsasında çəkilib.

“Amaro atanın cinayəti” dramı günümüzün aktual problemlərinin - korrupsiya, kilsə xadimlərinin çirkli pulların yuyulmasında iştirakı, dövlət adamlarının cinayətlərə göz yumması, sosial bərabərsizlik və s. bədii dillə təsviridir. Bu gün də kilsələrin, ümumiyyətlə dinin siyasi hakimiyyətlə, korrupsiya ilə birbaşa əlaqəsi haqda faktlar üzə çıxmaqda, mühüm araşdırmalar edilməkdədir.

Filmdə siyasi, dini hakimiyyətin riyakarlığını real boyalarla göstərən təsirli əhvalat danışılır.

“Amaro atanın cinayəti” həm də kilsə qanunlarını pozan Amaronun timsalında ruhla bədənin, başqa cür desək, nəfslə mübarizənin təsviridir. İlk baxışdan prinsipial görünən qəhrəmanın özü də günahla dolu şəhərdə günaha batır.

Qeyd edək ki, film katoliklərin narazılığına səbəb olmuşdu, dindarlar filmin nümayişinə qadağa qoymaq istəsələr də, buna nail olmamışdılar. Və bu ekran əsəri ölkədə rekord həddə seyri kütləsi toplayib.

***

Fransız rejissoru Jak Odiyarın “Peyğəmbər” kriminal dramı Fransa və İtaliyanın birgə istehsalıdır. Və 62-ci Kann festivalında Qran Pri alıb.

Süjet: Əhvalatın qəhrəmanı Fransada yaşayan gənc ərəb Malikdir (Tahar Rahim). O, polisə müqavimət göstərdiyinə görə həbsxanaya düşür və burada qəliz şəraitdə yaşamalı olur. Nə yaxın qohumu, nə dostu olan Malik savadsızdır, yazıb oxumağı belə bacarmır.

O, həbsxananı idarə edən korsikalı cinayətkar dəstənin lideri Luçani üçün qəhvə hazırlayır, sonra onun xırda-para, daha sonra təhlükəli tapşırıqlarını yerinə yetirməyə məcbur olur, yazıb oxumağı öyrənir. Luçianinin (Nils Arestrup) etibarını qazanan Malik onun sağ əlinə çevrilir. Hadisələrin axarında Malik böyük təcrübə toplayır, vəziyyətdən baş çıxara bilir. Və öz planlarını həyata keçirir...

“Peyğəmbər” sırf kişi filmidir. Məsələ burda yalnız məhz kişi personajlarının iştirakında deyil. Əhvalatda kişilərin sərt, amansız dünyası, xarakterləri, rəqabəti ilə tanış oluruq.

Malik yaşamaq uğrunda mübarizə aparır, əvvəlki epizodlarda gözüqıpıq, özünə inamsız olan Malikin kadrbakadr dəyişdiyini, gücləndiyini görürük. Odiyarın qəhrəmanı rəğbət hissi oyadır. Və tamaşaçı onu qınamır.

Film həbsxana interyerində çəkilib. Həbsxana leksikonundan çox istifadə olunması reallıq hissini artırır. Rejissor çəkiliş zamanı keçmiş məhbusların məsləhətlərindən istifadə edib.

Oxşar xəbərlər

Xəbər lenti

Türkiyəli şair vəfat etdi
18:30 12 Avqust 2020
Məhəllə futbolu - Hekayə
17:58 12 Avqust 2020
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
17:04 12 Avqust 2020
Məşhur "20th Century Fox" fəaliyyətini sona çatdırır
16:14 12 Avqust 2020
İtaliyada vəfat edən müğənnimizin nəşi vətənə gətiriləcək? - Açıqlama
15:30 12 Avqust 2020
Səfər Alışarlının "İşıq" hekayəsi
14:42 12 Avqust 2020
Kinematoqrafiya şöbəsinə yeni müdir təyin olundu
13:53 12 Avqust 2020
Manaf Ağayevin döydüyü model sevgili – “Ay canı yanmış” rəzaləti
13:49 12 Avqust 2020
Nazir Afaq Bəşirqızının gəlininə vəzifə verdi
13:12 12 Avqust 2020
Özündən 45 yaş kiçik şagirdini hamilə qoyan müəllim
12:53 12 Avqust 2020
Azərbaycanlı yazarın kitabı Türkiyədə nəşr olundu
12:09 12 Avqust 2020
Mədəniyyət Nazirliyinin mətbuat katibi işindən ayrıldığını açıqladı
11:23 12 Avqust 2020
Əfsanəvi müğənninin gitarası rekord qiymətə satıldı
11:10 12 Avqust 2020
Namazı ana dilimizdə qılsaq, daha səmimi olarıq
10:31 12 Avqust 2020
Azərbaycan Kinematoqrafçılar İttifaqı ssenari müsabiqəsi elan edir
09:57 12 Avqust 2020
Yollar bağışlamır gecikənləri - Könül Arifin şeirləri
09:00 12 Avqust 2020
Türkiyəni Avroviziyada təmsil edən qrupun solisti vəfat etdi
19:07 11 Avqust 2020
Azərbaycanda doğulmuş yəhudi rəssamın sərgisi olacaq
18:46 11 Avqust 2020
Tarantino filmdən imtina etdi
18:15 11 Avqust 2020
Nəşriyyat yeni müsabiqə elan etdi - Şərtlər
17:39 11 Avqust 2020