news-inner
clock11:47 calendar-gray 12 İyul 2018 view-gray522 dəfə oxunub
view-gray522 dəfə oxunub

Kişiyə bir qadın bəs eləmir – Ayxan Ayvaz Adnan Oktardan yazır...

Adnan Oktarın həbsi də bizim gündəmimizə gəlib “kurs” oldu. Şəkillərinə baxanda açığı deyim ki, xeyli təəssüfləndim. Mən Adnan Oktarı heç vaxt bu qədər əlacsız görməmişdim. İki polisin qollarında üzündə çarəsizliyin rəsmi gedirdi həbsxana divarlarının arasına.

Hələ “kediciklər”i demirəm. Onlar da bir gecəyə toplanıb bölməyə aparıldı. Türk arkadaşlardan biri yumorunu işə salmışdı. Deyirdi ki, baş aça bilmirəm, makiyajsız “kediciklər”i polis necə tanıyıb. Həqiqətən də baş açılan məsələ deyil. Şəkilləri görəndə siz də təəccüb edərsiniz. Yəni o makiyajlı qadınlarla o tutulan qızlar eynidirmi? Doğurdanmı Adnan Oktarın “kedicikləri” bu qədər çirkindir? İnanmağım gəlmir. Ola bilsin, türk polisi gedib səhv qadınları tutub. Amma yox, görünən odur ki, tutduqları “pişiklər” Adnan Oktarın “pişikləridir”. Bu başarıya görə türk polisimizə təşəkkür edib keçirəm növbəti abzasa.

Vaxt var idi, Adnan Oktar ekranlarda xanımlarla dəm-dəsgah qurur, bizim də boz həyatımıza rəng qatırdı. Düzdü, hələ də tilovuna bir qız keçirə bilməyən milli qaqaşlarımız bu görüntülərdən xeyli pəjmürdə olurdular. Amma mən qətiyyən incimirdim. Hətta “din hara getdi” deyənləri də eynimə almırdım.

Adnan Oktardan müsahibə alacaq və sonra da yazıçı kimi onun təriqətinə qoşulacaqdım. Hətta bunun üçün xeyli hazırlaşmışdım da. Saçımı, saqqalımı eynən Adnan Oktara bənzədəcək, onun kitablarını oxuyacaq, sonra da qarşısına çıxacaqdım. Bu fani dünyada qəmgin bir Azərbaycan yazıçısı “kediciklər”lə firavan həyat keçirməsinmi? Niyə də olmasın?

Bu nə gözəl təriqət və dindir deyə düşünürdüm. Adnan bəy deyirdi ki, hər şey gözəllikdən ibarətdir, sən o gözəlliyi bu dünyada yaşamalısan. Yəni cənnətin bizə təqdim edəcəyi (hələ bunun da real olub-olmayacağı sual altındaykən) gözəllikləri Adnan bəy bəri-başdan sənə “büllur tepsidə sunacaqdı.”

O “kediciklər” mənim ilham mənbəyim olacaqdı. Biri ilə şəhərdə çıxıb gəzəcəkdim, birini yanımda otuzdurub yazı yazdıracaqdım, o biri boynumu masaj eləcəkdi, başqa biri mənə yemək gətirəcəkdi.

Vallah, sizi əmin edirəm, bir kişiyə bir qadın bəs eləmir. Mən şair dostumuzun fikrini bir az dəyişdirmək istəyirəm: bir qadın kişiyə ziyandır. Yəni nə qədər qadın varsa, o qədər kişi böyük zirvələri fəth edə bilər. Bəs Osmanlı necə üç qitənin sahibi oldu? Sizə elə-belə gəlməsin. Bizimkilər deyir ki, elə kişi ömrü boyu bir qadınla yaşasın. Niyə axı? Bu haqsızlığa dünya birliyi hələ də susmaqdadır.

Mən Adnan Oktarın təriqətinə qoşulmağa tam hazır olarkən...

Bir dəqiqə!

Siz elə bilirsiniz ki, hər yoldan ötən o mübarək təriqətə qoşula bilər? Bu asan məsələ deyil. Gərək bunun üçün xeyli çalışasan, əziyyət çəkəsən.

Nə başınızı ağrıdım, Adnan Oktarı polislərin əllərində görəndə qüssə məni boğdu. İndi heç bir kedisi belə yoxdu, anlıyormusunuz? Heç olmasa, ona hörmət əlaməti olaraq qolundan tutmağa qadın polislər göndərərdilər. Bunu da ona qıymadılar. Adnan Oktarın qadınsız halını video-rolikdə görəndə gözümün qabağına şeytan gəldi. İlk dəfə ondan çox qorxdum və düşündüm ki, o “kedicikler” mələk imiş, bu da şeytan. Xeyr və şəri bir araya gətiriblərmiş. İndi həbsxana divarlarında da Adnan Oktarın “hərəmxanası”nı özünə qaytarsalar, ürəyi rahat olardı.

Mən isə onun təriqətinə qoşulmaq fikrindən vaz keçdim artıq. Səbəb isə arvad qorxusudur. Arvad yoxdur, amma qorxusu var.

news-inner-user
Ayxan Ayvaz

542 məqalə

Oxşar xəbərlər

Xəbər lenti

Anar: “Məndən Təhminənin telefonunu istəyirlər”
13:30 04 Avqust 2021
Belarus qızı ovlamaq istəyirdim, dənizdə boğuldum – Gənc yazarın Antalya xatirəsi
12:30 04 Avqust 2021
Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021