news-inner
clock09:00 calendar-gray 11 İyul 2018 view-gray326 dəfə oxunub
view-gray326 dəfə oxunub

Gördüyün hər şeyin üstünə qışqırır gözlərin - Malik Atilaydan Yeni Şeirlər

Kulis.az gənc şair Malik Atilayın yeni şeirərini təqdim edir.

Heçliyin ağzında

Bir sərxoş qadın gəzir küçələri

Gözləri içkidən deyil

Həyatın yalnızlıq acısından yaşarmış

Gecə qədər gözəl qadın

Qadın qədər gözəl gecə

Bir-birində əriyir

Havalı-havalı gəzən qadın

Bu şəhərin neçə adamlıq yalnızlığı var deyə

Ölçür küçələri

Bir az sevgiyə

Bir az darıxmağa yer saxlayıb sol yanında

Hər gecə bir az daha sərxoş,

Bir az daha heçliyin ağzında görür özünü

Çiynindəki qanad döyməsi belə atlada bilmir uçurumlardan

Çiliklənir sükutun aynası

Sən bu həngamədə

Necə susmusan

Söz-söz susub dodaqların

Səs-səs səsin kiriyib

İndi susqunluğun oxuyur

Ayrılığın ən yanıqlı nəğməsini...

Gördüyün hər şeyin üstünə qışqırır gözlərin

Dilsiz şəkillərlə dil tapmaq çətindi

Belindən tutası əl tapmağa nə var

Gözlərini qurutmağa əl tapmaq çətindi

Yenə də öz gözündən itirsən

Bu dəfə də göz yaşlarınla çiliklənir sükutun aynası

Ayrılığın ağırlığı

Salıb itiririk gözəl nə varsa

Dərd çəkib

Köks ötürüb

Özümüzdən qat-qat ağır "yük" götürüb

Yaşayırıq

Buna da yaşamaq demək olarsa

Qanadı qırılmış sığırçın kimi

Qısılırıq öz yuvamıza

Həyat da nadinc uşaqlar kimi

Daş atır bizə

Boğuluruq sevdiklərimizin ayrılığında

Əzilirik ayrılığın ağırlığından

Gecələr ümidlərimizin işığında

İçki şüşəsinin boğazından tuturuq

Həyatın ətəyindən yapışa bilmirik deyə...

Yuxularımda gəzdiyim şəhər

Yuxularımda gəzdiyim şəhərsən

Yoruldum demədən gəzirəm səndə

Küçələrin dolaşıqdı

Dönə-dönə yol tapıram

Dönə-dönə azıram səndə

Yenidən başlayır hər şey

Tanış oluram yenə səninlə

Ürəyimdə çevriliş olacaq

Bədənim asi bir sevgiyə ocaqdı

Azadlıq eşqiylə çırpınır ruhum.

news-inner-user

18702 məqalə

Oxşar xəbərlər

Xəbər lenti

Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında - Fərid Hüseyn yazır...
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021
Leonardo da Vinçinin çəkdiyi rəsm hərraca çıxarılacaq
13:45 10 May 2021
Məşhur yazıçı vəfat etdi
12:30 10 May 2021
Allah üçün bənna kimdir? - Şəhriyar Del Gerani yazır...
11:30 10 May 2021
Türkiyəli bəstəkar Qarabağ Zəfərinə mahnı bəstələdi - Video
10:20 10 May 2021
Kimi Kreml xəstəxanasına müalicəyə göndərdi, kimi "KQB"-nin qəzəbindən qorudu? – Heydər Əliyevin ədəbiyyatımıza verdiyi töhfələr
09:30 10 May 2021
Zöhrə Abdullayeva xəstəxanaya yerləşdirildi
19:45 09 May 2021
Ədəbiyyatımızın ən gözəl müharibə şeirləri - Mətnlər
14:28 09 May 2021
9 May qələbəsində rus arağının rolu - “Tamamilə məxfi” sənədlər
10:30 09 May 2021
Paşinyan Cıdır düzündə “Yallı” gedəndə – Bircə yazır...
09:01 09 May 2021
Şuşa haqda məşhur şeirin müəllifindən Qələbə Şeiri
08:01 09 May 2021
Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021