news-inner
clock09:00 calendar-gray 10 İyul 2018 view-gray156 dəfə oxunub
view-gray156 dəfə oxunub

Analarımızın bizdən gizlətdiyi 10 gerçək

Dünyada hər ana şəfqətin, özünü fəda etmənin və sevginin mükəmməl bir nümunəsidir. Analıq təcrübəsi bütün məntiq anlayışlarını və açıqlamalarını rədd edir. Ana olmayan qadının bu hisləri dərk etməsi mümkün deyil. Ananız yəqin ki, aşağıda bəhs edəcəklərimiz barədə sizə heç nə demədi. Ancaq bu onun bunları yaşamadığı, təcrübədən keçirtmədiyi mənasını daşımır.

Çox ağladı...

Hamilə olduğunu anladığında ağladı. Sizi dünyaya gətirərkən də ağladı, sevinc göz yaşları axıtdı. Qorxuyla və sizə dəyər verdiyi üçün ağladı. Siz fərqində olmasanız belə əzabınızı və xoşbəxtliyinizi hiss edərək bunu sizinlə bölüşdü.

Sonuncu keks dilimini yemək istədi

Sizi böyümüş gözlərlə masa üzərindəki keksə baxarkən görəndə o, həmin keksdən yemədi. Çünki öz mədəsinin yerinə sizin mədənizin dolu olduğunu, tox olduğunuzu biləndə daha xoşbəxt olacaqdı.

Canı yandı

Saçını yolduğunuzda, iti dırnaqlarınızla qolundan tutanda, döşünü əmərkən dişlədiyinizdə bədəni incindi. Doqquz ay onun qarnında əsnədiniz. Siz dünyaya gələrkən onun vücudunun əzabla qıvrılmasına səbəb oldunuz.

Hər zaman qorxdu

Bətninə düşdüyünüz andan etibarən sizi qoruya bilmək üçün bütün gücündən istifadə etdi. Sizi özündən başqa heç kimə etibar etmədi. İlk addımlarınızı atdığınız zaman sanki ürəyi dayanacaqdı. Evə gəldiyinizə əmin olana qədər yatmadı. Ertəsi gün məktəbə vaxtında gedə bilməyiniz üçün yuxudan çox tez oyandı. Özünüzü təhlükəsiz hiss etməyiniz üçün həmişə yanınızda oldu.

Mükəmməl olmadığını da bilirdi

Xasiyyətinə aid olan bütün qüsurları bilir və bəzən də özündən nifrət edirdi. Söhbət sizdən gedirsə, özünə yer tapa bilmirdi. Hər şeyi yerinə yetirən mükəmməl ana olmaq istəsə də insan olduğundan müəyyən səhvlər də etdi. Yəqin ki, hələ də özünü əfv etməyə çalışır.

Siz yatdığınız zaman sizi seyr etdi

Bəzən gecələr yatmağınız üçün dua edərək gecə yarısına qədər oyaq qaldı. Layla deyərkən gözlərini güclə açıq saxlayırdı. Amma siz yuxuya gedəndən sonra yanınıza uzanıb sizi seyr edər və bütün yorğunluğu bir andaca yox olardı.

Sizi doqquz aydan da çox gəzdirdi

Hələ ayaq açıb yeriyə bilmədiyiniz, qucağa ehtiyacınız olan zaman sizi qucağında gəzdirdi. İş görəndə, yemək yeyəndə, hətta yatanda belə sizi gəzdirməyi öyrəndi. Bəzən başqa cür mümkün olmurdu. Əlləri yorulsa da, kürəyi ağrısa da, sizi hər zaman özü ilə gəzdirdi. Çünki siz ona yaxın olmaq istəyirdiniz.

Siz ağlayan zaman ürəyi ağrıdı

Onun üçün sizin ağlamağınız qədər kədərli bir səs, gözəl simanızdan axan göz yaşları qədər dəhşətli heç nə yox idi. Ağlamamağınız üçün əlindən gələn hər şeyi etdi. Göz yaşlarınızın qarşısını ala bilməyəndə isə qəlbi milyon hissəyə bölündü.

Sizi hər zaman birinci etdi

Yeməksiz, yuxusuz qaldı. Bəzən günlərlə duş qəbul etməyə, təmizlənməyə imkan tapmadı. Gün ərzində bütün vaxtını sizin tələbatlarınızı qarşılamağa həsr etdiyindən özü üçün ayrılan zamana heç bir enerjisi qalmazdı. Çünki siz onun bütün varlığıydınız.

Hər şeyi yenidən başlaya bilərdi

Analıq bir qadının bacaracağı ən çətin işlərdən biridir. Bəzən adamın əsəbləri belə sıradan çıxa bilər. Amma bütün iztirablara, fəlakətlərə, uzun və yuxusuz gecələrə, erkən açılan sabahlara baxmayaraq, o, sizin üçün etdiyi cəfakeşlikləri təkrarlamaqdan heç bir vaxt çəkinməz. Çünki siz ananız üçün hər şeyi ifadə edirsiniz.

news-inner-user

15793 məqalə

Oxşar xəbərlər

Xəbər lenti

Notr-Dam kilsəsi yenidən bərpa ediləcək
10:01 10 İyul 2020
Dodağının altında məni söyüb qarğıyırdı - Bircənin romanı
09:00 10 İyul 2020
Xalq artistinin oğlu vəfat etdi
01:53 10 İyul 2020
Azərbaycanlı alimin kitabı Avropa dillərində nəşr olunacaq
18:37 09 İyul 2020
Uşaqlar üçün tamaşa
17:56 09 İyul 2020
Təranə Vahidin Türkiyədə çap olunan hekayəsi: "Durna adam"
17:15 09 İyul 2020
Qızını ərə verən atanın ölümü
16:26 09 İyul 2020
İspaniyada Haqverdiyevə həsr olunmuş poçt markaları buraxıldı
15:47 09 İyul 2020
Qadına görə başına bəla gələn məşhurlar: onların arasında Müşfiq də var
15:08 09 İyul 2020
Məşhur sənətçi prezidentliyə namizəd olacaq
14:19 09 İyul 2020
Yaltaqlıq ən perspektivli valyutadır
13:30 09 İyul 2020
Uşaq təbəssümü
12:53 09 İyul 2020
Qorxu və təşviş insanı necə formalaşdırır? – Nazlı Əmirova ekzistensializmdən yazır...
12:30 09 İyul 2020
Bəhram Bağırzadənin həyat yoldaşı: "Hələ danışa bilmir"
11:48 09 İyul 2020
Cinsi yanğısını Facebookda söyüşlə soyudanlar
11:19 09 İyul 2020
Son 200 ilin ən yaxşı qəzəli – Mətn
10:46 09 İyul 2020
Elton Conun şərəfinə sikkə hazırlandı
10:09 09 İyul 2020
Sovet ordusunda üsyan edib almanlar tərəfə keçən azərbaycanlı - Amerikadan yazırlar...
09:01 09 İyul 2020
Moskvada teatrlar avqustun 1-dən açılır
18:54 08 İyul 2020
Uşaq tabutunda basdırılan kişi - Günel Natiqdən yeni hekayə
18:22 08 İyul 2020