news-inner
clock13:35 calendar-gray 04 İyul 2018 view-gray489 dəfə oxunub
view-gray489 dəfə oxunub

Məni adam bilir uzaqdan hamı - Elvin Bakiroğlunun yeni şeirləri

Kulis.az gənc şair Elvin Bakiroğlunun yeni şeirləini təqdim edir.

***

göldə qurbağalar, ağacda quşlar,

yağışlar islanır bu may axşamı.

qohum-əqrabalar, dostlar, tanışlar,

məni təbrik edir uzaqdan hamı.

düşür otuz iki yaş damcıları,

qarışır yağışın yaş səslərinə.

hələ də aldanır qulaqcıqlarım

dolu ürəklərin boş səslərinə.

məni axmaq bilir uzaqdan hamı.

məni sevənlərin gözləri qarı,

uzaqdan heç nəyi görmür elə bil.

düşür otuz iki yaş damcıları,

dişini ağardır ömür elə bil.

məni yaxın bilir uzaqdan hamı.

bir taksi üşüyür sifəti sarı,

saxlayıb deyəsən sür ötən günə.

düşür otuz iki yaş damcıları

yağışın, ağacın, gölün üstünə.

mən göləm, ağacam, bir də yağışam,

məni adam bilir uzaqdan hamı.

***

nə əcəb görmədin, gör nə qədər var

yaramın üstündə hələ duz yeri.

Onsuz da çoxdandı dünya zəhrimar

fırıldaq yeridi, dələduz yeri.

ayrılıq oğrudu – eşqin soyğunu,

küsdürər iştahı, pozar uyğunu.

sevginin, vicdanın, hissin, duyğunun

sinəndə tapılıb ən ucuz yeri.

günəşi aparıb küncə qoymuşam.

yorğun bir axşamı dincə qoymuşam.

heyf ki adını Gecə qoymuşam,

nə ay yeri qalıb, nə ulduz yeri.

hərdən təpinirəm “uşaqlarıma”

həyatda ən böyük dayaqlarıma,

sənsiz iməkləyən ayaqlarıma

deyirəm kişi ol, dur onsuz yeri!

***

gəlib ömrümüzü yeyən adamlar,
belimizi yerə əyən adamlar,
hər gün başımıza döyən adamlar
yenə sinəmizdə döyünəcəklər.

durmaz ruhumuzun qanaxmaları,
içinin, çölünün darıxmaları,
dünən aldığımız travmaları,
sabah şeir kimi bəyənəcəklər.

üz verib tanıma sevdanı, yarı,
sevdiyin hər kəsin çıxar astarı,
sən arzuladığın o ağ paltarı
ümidin öləndə geyinəcəkər...

Image result for elvin bakiroğlu

Oxşar xəbərlər

Xəbər lenti

İşğaldan azad olunan 700 yaşlı abidəmiz
18:52 25 Noyabr 2020
“Can Qarabağ” deyən uşaqlar
18:10 25 Noyabr 2020
Erməniyə zorla ərə verilən qızın Xocalıdan qaçış planı - Yeni hekayə
17:29 25 Noyabr 2020
Azərbaycanlı yazarın pyesi Batumidə tamaşaya qoyulacaq
16:49 25 Noyabr 2020
Azərbaycanlı yazıçı dünyasını dəyişdi
16:04 25 Noyabr 2020
"Yetim qızsan, qıvrıl, yat!" - Seymur Baycandan Aqşin Yeniseyə sərt tənqid
15:20 25 Noyabr 2020
Kəlbəcərli şair Sücaətin qardaşı: “Onun baş daşına ölüm tarixi yazılmayıb” – Müsahibə
14:40 25 Noyabr 2020
Məşhur aktrisa vəfat etdi
13:57 25 Noyabr 2020
“Qırmızı papaq” tamaşası onlayn nümayiş etdiriləcək
13:15 25 Noyabr 2020
“Qapımıza dizin-dizin gedəcəm” – Kəlbəcərlilər Qələbə sevincini bölüşür
12:34 25 Noyabr 2020
Tərəf müqabili ilə üçaylıq sevgi yaşadı, evi olmadığı üçün qarajda qaldı, iki dəfə intihara cəhd etdi – Ötən gün vəfat edən Xalq artisti
12:08 25 Noyabr 2020
Məşhur rəssam 101 yaşında vəfat edib
11:30 25 Noyabr 2020
Mıxı mismara döndərən Kəlbəcər – Şərif Ağayar yazır...
11:04 25 Noyabr 2020
Hadisə koronavirusa yoluxdu
10:21 25 Noyabr 2020
Elşən Xəzər: “Anam dedi, südümü sənə halal eləmərəm” – Müsahibə
09:00 25 Noyabr 2020
Tank lüləsində striptiz- Dahiyanə filmlər
21:00 24 Noyabr 2020
“Zorla erməniləşdirmə” sənədli filmi təqdim olunub
19:40 24 Noyabr 2020
Bakı Kitab Mərkəzinə 100-dən çox ərəb dilində kitab hədiyyə olunub
19:37 24 Noyabr 2020
Xalq artisti Əjdər Həmidov vəfat etdi
18:50 24 Noyabr 2020
Xocalı haqda film Tehran festivalının əsas müsabiqəsində
18:21 24 Noyabr 2020