Məni adam bilir uzaqdan hamı - Elvin Bakiroğlunun yeni şeirləri

Məni adam bilir uzaqdan hamı - <span style="color:red;">Elvin Bakiroğlunun yeni şeirləri
4 iyul 2018
# 13:35

Kulis.az gənc şair Elvin Bakiroğlunun yeni şeirləini təqdim edir.

***

göldə qurbağalar, ağacda quşlar,

yağışlar islanır bu may axşamı.

qohum-əqrabalar, dostlar, tanışlar,

məni təbrik edir uzaqdan hamı.

düşür otuz iki yaş damcıları,

qarışır yağışın yaş səslərinə.

hələ də aldanır qulaqcıqlarım

dolu ürəklərin boş səslərinə.

məni axmaq bilir uzaqdan hamı.

məni sevənlərin gözləri qarı,

uzaqdan heç nəyi görmür elə bil.

düşür otuz iki yaş damcıları,

dişini ağardır ömür elə bil.

məni yaxın bilir uzaqdan hamı.

bir taksi üşüyür sifəti sarı,

saxlayıb deyəsən sür ötən günə.

düşür otuz iki yaş damcıları

yağışın, ağacın, gölün üstünə.

mən göləm, ağacam, bir də yağışam,

məni adam bilir uzaqdan hamı.

***

nə əcəb görmədin, gör nə qədər var

yaramın üstündə hələ duz yeri.

Onsuz da çoxdandı dünya zəhrimar

fırıldaq yeridi, dələduz yeri.

ayrılıq oğrudu – eşqin soyğunu,

küsdürər iştahı, pozar uyğunu.

sevginin, vicdanın, hissin, duyğunun

sinəndə tapılıb ən ucuz yeri.

günəşi aparıb küncə qoymuşam.

yorğun bir axşamı dincə qoymuşam.

heyf ki adını Gecə qoymuşam,

nə ay yeri qalıb, nə ulduz yeri.

hərdən təpinirəm “uşaqlarıma”

həyatda ən böyük dayaqlarıma,

sənsiz iməkləyən ayaqlarıma

deyirəm kişi ol, dur onsuz yeri!

***

gəlib ömrümüzü yeyən adamlar,
belimizi yerə əyən adamlar,
hər gün başımıza döyən adamlar
yenə sinəmizdə döyünəcəklər.

durmaz ruhumuzun qanaxmaları,
içinin, çölünün darıxmaları,
dünən aldığımız travmaları,
sabah şeir kimi bəyənəcəklər.

üz verib tanıma sevdanı, yarı,
sevdiyin hər kəsin çıxar astarı,
sən arzuladığın o ağ paltarı
ümidin öləndə geyinəcəkər...

Image result for elvin bakiroğlu

# 3414 dəfə oxunub

Oxşar xəbərlər

"Yaslarda yemək verməkdən imtina etmək lazımdır" - İlham Əziz

"Yaslarda yemək verməkdən imtina etmək lazımdır" - İlham Əziz

18:39 15 iyul 2025
Fraqmentar təfəkkür - Nizami Bayramlı

Fraqmentar təfəkkür - Nizami Bayramlı

19:00 14 iyul 2025
"Manipulyasiya halları özünü çox gözlətmədi..." - Elnarə Akimova

"Manipulyasiya halları özünü çox gözlətmədi..." - Elnarə Akimova

10:00 13 iyul 2025
Nizaminin "Sirlər xəzinəsi"ndə  ölüm məqamları - Fərid Hüseyn

Nizaminin "Sirlər xəzinəsi"ndə ölüm məqamları - Fərid Hüseyn

09:00 11 iyul 2025
Cenifer Lopezin konsert turu başlanıb

Cenifer Lopezin konsert turu başlanıb

17:30 10 iyul 2025
"Bu hekayə qarpız alverçilərinin etdiyi söhbətləri xatırlatdı mənə" – MÜZAKİRƏ

"Bu hekayə qarpız alverçilərinin etdiyi söhbətləri xatırlatdı mənə" – MÜZAKİRƏ

15:03 9 iyul 2025
#
#
# # #