news-inner
clock16:20 calendar-gray 27 İyun 2018 view-gray328 dəfə oxunub
view-gray328 dəfə oxunub

Nənəsi yaşda sevgilisi olan gənc

Orxan Saffari

Məktəbdə oxuduğum dönəmlər idi.

11-ci sinfin axırları.

Qanımın qaynayan, ürəyimin gündə birini sevən vaxtlarından danışıram.

O ərəfələrdə bir dostum hərbi xidmətə yollanacaqdı. Elimizin-obamızın adətlərindədir, bilirsiniz. Əsgər gedən mütləq yaxşı bir qonaqlıq təşkil etməli, qohum-əqrəbanı, qonum-qonşunu, tanış-tunuşu (yeri gəlmişkən, əqrəba, qonum, tunuş adları çox maraqlıdır. Hərçənd, nə üçün, niyə deyildiyini belə bilmirəm) yığmalıdır ora.

Artıq məktəb bağlanmışdı. Mən universitet imtahanına hazırlaşırdım. Yadımdadır, həmin dostum da iyulun ortalarında hərbi xidmətə yollandı.

Getməmişdən bir-iki həftə əvvəl isə əsgər məclisini təşkil etdi.

Şəhərdə çox da böyük olmayan, balaca həyət və iki VİP otağı olan bir yerdə idi qonaqlıq. Təxminən, 20-25 nəfər də dostlar gəlmişdi. Yaxşıca içkilər düzülmüşdü masaya. Sözsüz, içkisiz olmazdı.

Biz məclis başlayandan yüksək səslə musiqilər dinləyir, dostumuza sağlıqlarda vətənə-millətə xeyirli övlad olmasını arzu edirdik. O da abu-havaya köklənib, “şəhid olmaq ən böyük arzumdur” kimi söhbətlər edirdi.

Həmin restoranda da ofisiant xadimə işləyən yaşlı bir qadın idi. İçəri ilk girəndə ona baxıb kövrəlmişdim hətta. Ki, bu yaşlı, saçlarını dən bürümüş qadın ehtiyac üzündən burada içkili adamların hər cür sözünü eşidir, onlara xidmət edir. İndi bilmirəm o qadın sağdır, ya yox. Çünki üstündən illər keçib. Mən isə onu sonuncu dəfə həmin gündən bir il sonra görmüşdüm. Onda da o qədər gümrah deyildi. Həmin qonaqlıqda da 67 yaşının olduğunu öyrənmişdim.

Sözümün canına sağlıq.

Həddindən artıq çox, daha doğrusu, ömrümdə ilk dəfə idi ki, o qədər çox içmişdim. Sözlər ağzımdan çıxmamışdan əvvəl qəzaya uğrayır, əlaqəsiz cümlələri bir-birinin ardınca düzüb-qoşurdum elə.

Anlamışdım ki, içki içəndə dünyanın ən çirkin qadını belə gözlərimdə dünya gözəli olur.

Açığı, dumanlı xatırlayıram, bilmirəm necə oldu, niyə oldu, amma bir də onda ayıldım ki, o 67 yaşlı qadınla gözdən iraq bir otaqda lüt vəziyyətdəyəm.

Qadın gözəlliyi paltarını soyunana qədər imiş. Hərçənd, bu yaşda qadında gözəllik də axtarmazlar. Dərisi büzüşmüş, gəncliyi alma boyda olan sallaq döşlərinə sığışmışdı.

İlk təklifi o etmişdi, ya mənmi etmişdim, dəqiq bilmirəm. Heç cür yadıma sala bilmirəm ki, biz bu yerə necə gəldik? Həqiqət isə o idi ki, nənəm yaşında biri ilə intim münasibəti qurmuşdum.

Mənə elə gəlirdi ki, onun da könlünə xoş idi, ürəyindən imiş.

Heç vaxt xatirimdən çıxmaz. Hətta hər dəfə xatırladıqca içimə qəribə bir üşütmə də düşür.

Nənənin birdən-birə protezlərini çıxartması. Kədərli anlar idi. Tam təsvir etməkdə də çətinlik çəkirəm.

O, yaşlı qadını bir il sonra həmin restoranın yanında mindiyi avtobusda görmüşdüm. O da qalxıb, “buyurun nənə” deyə yer verdiyimə görə. Məni tanımasa da, mən görən kimi tanıdım. Həm belə bir hadisəni necə yadımdan çıxarda bilərdim ki?

İndi hərdən dostlarla yığışanda da o hadisə yada düşür, hamı bir ağızdan ən azı o hadisə qədər iyrənc zarafatlar edir.

Mən isə düşünürəm...

...Unuda bilmədiyim tək qadın, o nənə olacaq....

news-inner-user

18708 məqalə

Oxşar xəbərlər

Xəbər lenti

Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021
İntəhasız acı nəğmə - Qorki haqqında esse
13:25 11 May 2021
Sevgiliyə gül uzadan əllərin tənhalığı - Ramil Əhməddən yeni şeirlər
12:00 11 May 2021
Tom Kruz mükafatlarından imtina etdi - Qalmaqal
11:30 11 May 2021
“Qarabağa sülh, sevgi və ümid” adlı xeyriyyə konserti keçiriləcək
10:26 11 May 2021
II Nikolayın qızı onun şəklini istədi, çar öz sarayına qonaqlığa çağırdı - Azərbaycanlı qaçağın film kimi həyatı
09:00 11 May 2021
Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında - Fərid Hüseyn yazır...
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021
Leonardo da Vinçinin çəkdiyi rəsm hərraca çıxarılacaq
13:45 10 May 2021
Məşhur yazıçı vəfat etdi
12:30 10 May 2021
Allah üçün bənna kimdir? - Şəhriyar Del Gerani yazır...
11:30 10 May 2021
Türkiyəli bəstəkar Qarabağ Zəfərinə mahnı bəstələdi - Video
10:20 10 May 2021
Kimi Kreml xəstəxanasına müalicəyə göndərdi, kimi "KQB"-nin qəzəbindən qorudu? – Heydər Əliyevin ədəbiyyatımıza verdiyi töhfələr
09:30 10 May 2021
Zöhrə Abdullayeva xəstəxanaya yerləşdirildi
19:45 09 May 2021
Ədəbiyyatımızın ən gözəl müharibə şeirləri - Mətnlər
14:28 09 May 2021
9 May qələbəsində rus arağının rolu - “Tamamilə məxfi” sənədlər
10:30 09 May 2021
Paşinyan Cıdır düzündə “Yallı” gedəndə – Bircə yazır...
09:01 09 May 2021