news-inner
clock10:30 calendar-gray 21 İyun 2018 view-gray796 dəfə oxunub
view-gray796 dəfə oxunub

Müəllimlər qaçqın şagirdlərə həqarətlə baxırdı - XATİRƏ

Kulis.az Faiq Xudanlının “Mənim velosiped həsrətim” yazısını təqdim edir.

Uşaq vaxtı mən də velosiped həsrəti ilə yaşamışam. Səbəb bəlkə də uşaqlıq illərimin bitməyən Qarabağ müharibəsi dövrünə düşməsi idi. Bütün çətinliklərə baxmayaraq velosiped arzusu ilə yaşayırdım. Ancaq maddi durumumuz və demək olar hər il bir rayonda yaşamağımız bu arzumu dilə gətirməyə imkan verməyib.

Hələ də unutmamışam, unuda bilməmişəm. 1992-ci ildə şəhərdə məktəbləri bağladılar, məktəbə top düşmüşdü. Horadiz qəsəbəsində qohum evinə yerləşdik və burada məktəbə getdim. Anam və atam rayonda poçtda işlədiklərindən yanımızda qala bilmirdi. Axı poçt strateji obyekt idi. Beləcə Nənəm baxardı bizə. Mən məktəbdən qalmağı heç xoşlamazdım. Vəziyyət hər necə olur olsun mütləq məktəbə gedərdim. Qaçqın olduğum üçün yolda yolumu kəsib döymək istəyən kim, söz atan kim. Görün nə vəziyyət idi ki, müəllimlər də məktəbə gələn qaçqın uşaqlarına təhqiredici nəzərlərlə baxır, aşağılayırdı. Bir sözlə yağış yağsın, xəstə olum fərqi yox idi, mütləq getməli idim. Doğuluşdan tərs olmuşam. Qış ayları idi ayaqqabım cırılmışdı. Bu cırıq ayaqqabını hər gün ya babam, ya özüm tikib geyinərdim.

Evdə yəqin elə tərsliyimə görə çörək almaq kimi ağır və məsuliyyətli bir vəzifəni mənə həvalə etmişdilər. Xatırlayanlar bilər, o illərdə çörək almaq ən ağır iş hesab olunurdu. Çörək alıb evə gələn adamı az qala milli qəhrəman kimi qarşılayardılar. Və mən bu qarşılanmadan qürurlanardım. Nənəmin, babamın üzündəki təbəssümü, uşaqların (əmim və mamam uşaqlarına da nənəm bu evdə baxardı) sevincini görmək məni xoşbəxt edərdi. Bəlkə də nə zamansa bu haqda daha geniş yazacam.

Nəsə mətləbdən uzaqlaşmayım. Bu cırıq ayaqqabı ilə yağışlı gündə çörək növbəsində durmuşdum. Amma bu dəfəki növbə əvvəlkilərdən çox fərqlənirdi. O qədər adam vardı, elə bil mitinq idi. Adamların arasında nəfəsim tıxanmışdı. Bir anlıq huşumu itirdim və “Qərib çinlər diyarında” filmində olduğu kimi qulağıma bu səslər gəlirdi “Qərib bizə çörək ver, Qərib bizə çörək ver... ver... ver... ver”.

Bir də hiss etdim ki, kimsə məni qucağına alıb qaldırmaq istəyir, ancaq nafilə. Qəfil necə itələdilərsə insanların ayaqlarının altına düşdüm. Mənim işimə yaramışdı ki, ayaqlar arasından keçərək lap ön sıradan çörək ala bildim. Evə qayıdanda maykam cırıq, ayaqlarımsa yalın idi. İndiki zamanda heç kəsin yeməyəcəyi çörəyi nənəmə verəndə özümü əsl qəhrəman sansam da nədənsə mənə elə gəldi ki, nənəm kövrəlib və məni qucaqlayıb “ay mənə oxşamış köpəyöğlu” dedi.

Ən çox burnum onun burnuna oxşayırdı. Deyəsən, həmin gün anamla atam gəldi. Çox sevincli idim. Düz bir həftə idi ki, onları görmürdüm. Uşaq vaxtı atamın qollarını qucaqlamadan yata bilmirdim. Artıq onun qolları olmadan da yatırdım, böyümüşdüm yəqin.

Anam məni o vəziyyətdə görəndə bəlkə də ağlamışdı, bilmirəm. Bircə onu bilirəm ki, sabahı tam bir aylıq maaşına məna təzə ayaqqabı aldı. Bir aylıq maaşına...

Belə vəziyyətdə mən necə velosiped istəyə bilərdim.

Sonra Horadiz də işğal olundu. Biz Beyləqana, sonra İmişliyə və nəhayət Bakıya köçdük. Bakıda qəpik-qəpik pul yığdım, kiçik uşaq işləri ilə pul qazandım və nəhayət 8-ci sinifdə oxuyanda köhnə bir velosiped aldım, beləcə arzuma çatdım.

Mamam oğlu (bibim oğlu) Rüstəmlə bu köhnə velosipedi Dərnəgül yataqxanalarından Yasamal yataqxanalarına kimi demək olar belimizdə gətirdik. Amma çox xoşbəxt idim... Özüm onu başdan təmir edib sürdüm. Həmin vaxtlar atam evdə çox az olardı, ancaq ən çətin vaxtlarda bizi çörəksiz qoymadı.

İndi özüm valideynəm uşaqların arzularını reallaşdırmaq indi də asan deyil. O qədər söz verirəm, sonra bilmirəm, verdiyim sözləri necə yerinə yetirim.

Allah hər valideynə övladlarının arzularına çatdırmağı qismət etsin.

news-inner-user

19967 məqalə

Oxşar xəbərlər

Xəbər lenti

"Emmy" mükafatının qalibləri bəlli olub - Siyahı
13:49 20 Sentyabr 2021
Tanınmış şairin Cıdır düzündə yazdığı şeir – Mətn
13:25 20 Sentyabr 2021
Atasını həbsxanada öldürdülər, haqqında Stalinə məruzə edildi, rus qızlara görə Sofi Loreni rədd etdi - Tolstoyun qohumu olan azərbaycanlı
12:28 20 Sentyabr 2021
Elçin Hüseynbəyli haqqında kitab nəşr olunub
11:27 20 Sentyabr 2021
Qəbrinin üstündə kitab rəfi yaradılan Nərminin hekayəsi
11:00 20 Sentyabr 2021
Çinarənin mahnısı qalmaqal yaratdı - Oğru kimdir?
10:31 20 Sentyabr 2021
Güllü Muradova: “Məni efirdə görüb, deyib, bu qızı alacam” – Müsahibə
09:00 20 Sentyabr 2021
Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021