news-inner
clock11:30 calendar-gray 14 İyun 2018 view-gray574 dəfə oxunub
view-gray574 dəfə oxunub

“Hitler qələbə çalsa, intihar edəcəm” deyən yazıçı - FAKTLAR

İngilis yazıçısı Virciniya Vulf bütün həyatı boyu nədənsə qorxub- ya cinsi təcavüzdən, ya kişilərdən, ya tanımadığı insanlarla ünsiyyətdən, ya öz xəstəliyindən, ya da ki, həyatın özündən. Ümumiyyətlə, onun həyatı maraqlı faktlar və sirlərlə doludur. Kulis.az bu faktların bəzilərini təqdim edir.

Virciniya Vulf bir müddət əsərlərini ayaq üstə, çox hündür masanın arxasında yazıb. Ona görə belə edib ki, lazım gələndə rəssamlar kimi arxaya çəkilib öz şedevrinə kənardan tamaşa edə bilsin.

Virciniya 22 yaşında pəncərədən tullanıb intihar etməyə cəhd edib. Amma hündürlük yetərli olmadığından ciddi xəsarət almayıb.

Virciniya Vulf həmişə deyirmiş ki, mənim ölümüm böyük bir hadisə olacaq, amma təəssüf ki, mən bu hadisəni görüb təsvir edə bilməyəcəyəm.

Virciniya Vulf psixoloji pozğunluq keçirdiyi vaxtlarda təsadüfən köhnə gündəliyini tapır. Yazıçı psixoloji cəhətdən stabil olduğu vaxtlarda, aydın məntiqlə yazdığı gündəliyi oxuyub qəhqəhə çəkir.

Deyilənə görə, Vulf nahar masası arxasında dostlarının davranışını müzakirə edib onlara irad bildirməyi xoşlayırmış.

Uşaq vaxtı Vulf əla boulinq oynayırmış.

Gənclik illərində böyük bacısı Vanessa ilə yola getməyən Virciniya onu həmişə ələ salırmış. Amma sonralar yolları ayrılanda, Virciniya bacısına hər gün məktub yazıb.

Virciniya yeniyetmə olanda adamlardan çox çəkinib. Yad adamlarla danışanda qızarar, nəzərlərini yayındırarmış.

Virciniya Vulf bir ara Litton Streyçiyə ərə getməyə hazırlaşırmış, hərçənd Streyçi homoseksual idi.

Şəkil çəkdirməkdən zəhləsi gedən Virciniyanı ona tuşlanan fotokameralar qıcıqlandırırmış.

Konsert və operaları çox sevirmiş.

Ərə getdikdən sonra Virciniya yaxşı evdar qadın olmaq fikrinə düşür və kulinariya kurslarına yazılır. Kursu bitirən yazıçının bişirdiyi pudinqin içindən özünün nişan üzüyü çıxır.

Virciniya çox pis alıcı imiş, satıcılarla dava edir, onlara göstərişlər verir, qiymətdə endirim etmələrini tələb edirmiş.

Virciniya 27 yaşında etiraf edir ki, seksdən qorxur.

Deyilənə görə, Virciniya Vulfun qeyri-ənənəvi seksual oriyentasiyası olub. Onun həm qadınlardan, həm kişilərdən xoşu gəlib.

30 yaşında ərə gedən Virciniyanın frigid olduğu ortaya çıxır. Əri Leonard nə qədər cəhd etsə də, onunla fiziki yaxınlığa nail ola bilmir. Nəhayət, qərara alırlar ki, nikahda sərbəst münasibətlərə üstünlük versinlər.

İkinci dünya müharibəsində, Hitlerin qələbə qazanacağı təqdirdə Virciniya əri Leonard ilə intihar edəcəklərini planlaşdırırdılar. Bunun üçün qarajda həmişə ehtiyatda içində benzin olan çoxlu kanistr saxlayırdılar.

Virciniya ali təhsilli olmadığını kompensasiya etmək üçün çoxlu mütaliə edirmiş.

Virciniya Vulfun dəbdən başı çıxmırmış və hər hansı tədbirə gedəndə geyindiyi libasın həmin məkana uyğun olub-olmaması ilə bağlı təlaş keçirirmiş.

Vulf belə hesab edirmiş ki, Ceyms Coys yaradıcılığa məhəbbət duyduğu üçün deyil, reputasiya və puldan ötrü yazır.

Səhərlər Virciniya 12 km qaçırmış, bu zaman tikanlı hasarların və xəndəklərin üzərindən tullanmaqdan çəkinmirmiş.

Virciniya psixoloji pozğunluqla bağlı olan anoreksiyadan əziyyət çəkib. Öz bədəni ona dəhşətli görünürmüş, xörəklərdən isə iyrənirmiş.

Bir dəfə Virciniya bildirib ki, yaşlı qadınların spirtli içki içməsinə dözə bilmir.

Virciniya Vulf hər dəfə növbəti kitabını yazıb bitirəndə kədərlənirmiş.

news-inner-user
Günel Natiq

161 məqalə

Oxşar xəbərlər

Xəbər lenti

Xalq artisti Rafiq Hüseynovun film kimi həyatı - Maraqlı faktlar
21:00 04 Avqust 2021
Amerikalı vokalçının “Qarabağ Azərbaycandır” klipinin təqdimatı keçirilib
18:45 04 Avqust 2021
Yanğın “Rəcəb İvedik”in evinə yaxınlaşdı – Qalmaqal düşdü
18:01 04 Avqust 2021
Onda mən də doyunca ağlaram - Güneydən hekayə
17:20 04 Avqust 2021
Könül Kərimova gileyləndi: "Nəfəsimiz kəsildi”
16:37 04 Avqust 2021
Varisin romanı Türkiyədə çap olundu
15:55 04 Avqust 2021
Valideynlərindən icazəsiz evləndi, içki ailəsini dağıtdı, intim videosu yayıldı – Anar Nağılbazdan 10 fakt
15:00 04 Avqust 2021
41 yaşını qeyd edən kəlbəcərli şair: “Elə ən çətini də budur” - Müsahibə
14:20 04 Avqust 2021
Anar: “Məndən Təhminənin telefonunu istəyirlər”
13:30 04 Avqust 2021
Belarus qızı ovlamaq istəyirdim, dənizdə boğuldum – Gənc yazarın Antalya xatirəsi
12:30 04 Avqust 2021
Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021