Bakıda vokalçıların müsabiqəsi keçiriləcək

Bakıda vokalçıların müsabiqəsi keçiriləcək
31 may 2018
# 16:50

Bakıda Azərbaycan professional vokal məktəbinin banisi, xalq artisti Bülbülün adına Vokalçıların VII Beynəlxalq müsabiqəsi keçiriləcək. Mədəniyyət Nazirliyinin informasiya və ictimaiyyətlə əlaqələr şöbəsindən APA-ya verilən məlumata görə, müsabiqə iyunun 4-dən 7-dək keçiriləcək.

Müsabiqə iştirakçılarını münsiflər heyətinin sədri, Rusiyanın xalq artisti, professor Sergey Leyferkus, xalq artisti Fərhad Bədəlbəyli, Gürcüstanın Xalq artisti Teymuraz Ququşvili, Ukraynadan xalq artisti Mariya Stefyuk, Rusiya Akademik Böyük Teatrının gənclər proqramının rəhbəri, əməkdar incəsənət xadimi Dmitri Vdovin, Almaniyadan Beynəlxalq opera müsabiqələrinin prezidenti Hans-Yoahim Fray kimi musiqi mədəniyyətinin görkəmli nümayəndələri qiymətləndirəcəklər.

Müsabiqədə Azərbaycan, Rusiya, Türkiyə, Ukrayna, Qazaxıstan, Moldova, Monqolustan, Özbəkistan, Gürcüstandan gənc istedadlı vokalçılar iştirak edəcəklər. Eyni zamanda dünya şöhrətli menecer və prodüserlərin fəxri qonaq qismində iştirakı da nəzərdə tutulub.

Müsabiqənin seçim turları 4-7 iyun tarixində Azərbaycan Dövlət Akademik Filarmoniyasında keçiriləcək. 4-6 iyun tarixində müsabiqənin I və II turları, 7 iyun tarixində isə Ü.Hacıbəyli adına Azərbaycan Dövlət Simfonik Orkestrinin müşayiəti ilə III tur keçiriləcək.

Bülbülün anadan olmasının 120 illiyinə həsr olunmuş yubiley gecəsi iyunun 8-də saat 19.00-da Heydər Əliyev Sarayında, iyunun 9-da saat 19.00-da isə Gəncə Dövlət Filarmoniyasında baş tutacaq.

# 3413 dəfə oxunub

Oxşar xəbərlər

AzTV dəyişikliklərlə bağlı yayılan iddialara münasibət bildirib - Format dəyişikliyi olacaq

AzTV dəyişikliklərlə bağlı yayılan iddialara münasibət bildirib - Format dəyişikliyi olacaq

13:36 19 noyabr 2026
Məşhur aktyor vəfat etdi

Məşhur aktyor vəfat etdi

13:14 19 noyabr 2026
Xalq artisti Mehriban Zəki:  "Həmin insanlardan üzr istəməyə, halallıq almağa hazıram..." - MÜSAHİBƏ

Xalq artisti Mehriban Zəki: "Həmin insanlardan üzr istəməyə, halallıq almağa hazıram..." - MÜSAHİBƏ

12:50 19 noyabr 2026
Nüvə silahının əleyhdarı qolsuz rəssamın avtobioqrafiyası nəşr olundu

Nüvə silahının əleyhdarı qolsuz rəssamın avtobioqrafiyası nəşr olundu

12:32 19 noyabr 2026
Fuad Əbdürrəhmanov “Xalq Əmanəti”  layihəsinin 27-ci nəşrində

Fuad Əbdürrəhmanov “Xalq Əmanəti” layihəsinin 27-ci nəşrində

12:00 19 noyabr 2026
Süni intellekt əsrindəki soyuqluq... - “Azəristiliktəchizat” nə vaxtacan sovetdənqalma təqvimlə işləyəcək?

Süni intellekt əsrindəki soyuqluq... - “Azəristiliktəchizat” nə vaxtacan sovetdənqalma təqvimlə işləyəcək?

12:00 19 noyabr 2026
#
#
Ana səhifə Reels Yazarlar Xəbərlər