Azərbaycan Yazıçılar Birliyi (AYB) və Gənc Şairlər Birliyinin təşkilatçılığı, Türkiyə Elm və Ədəbi Əsər Sahibləri Birliyi, Türkdilli Ölkələrin Parlament Assambleyası, Mədəniyyət Nazirliyi, Milli Kitabxana, TİKA, “Azərkitab” Kitab Təbliğatı Mərkəzi, Dünya Gənc Türk Yazarlar Birliyinin təşkilati dəstəyilə may-iyun aylarında VIII Beynəlxalq Şairlər Günü qeyd olunacaq.

Kulis.azın AYB-yə istinadən verdiyi məlmata görə VIII Şairlər Günü bölgələrdə də qeyd ediləcək. Bölgələrdə təşkil ediləcək Şairlər Günü ölkəmizlə yanaşı, Türkiyə, Türkmənistan, Özbəkistan, Qazaxıstan, Qırğızıstandan olan şairlərin də xatirəsinə həsr ediləcək.

Şairlər Günü mayın 29-da Tbilisidə Zəlimxan Yaqub və Alıkul Osmanovun, mayın 30-da Şamaxıda Fikrət Sadıq və Rauf Parfinin (Sabir poeziya günləri çərçivəsində), mayın 31-də Gəncədə Nigar Rəfibəyli və Nigar Binti Osmanın, iyunun 1-də Şəmkirdə Əhməd Cavad və Mehmet Akif Ersoyun, iyunun 2-də Tovuzda Mikayıl Azaflı və Cambul Cabayevin, iyunun 4-də Sumqayıtda Əli Kərim, Qabil və Abdurrahman Karakoçun, iyunun 5-də Bakıda Mikayıl Müşfiqin (Xəzərə gülsəpmə mərasimi), iyunun 6-da Bakıda Mükayil Müşfiqin (110 illiyi), iyunun 7-də Beyləqanda Mücirəddin Beyləqani və Abdulhamid Süleyman Çolpan, iyunun 8-də Şabranda Xaqani Şirvaninin (Xaqani poeziya günləri çərçivəsində) xatirəsinə həsr ediləcək.

Şairlər Günü bütövlükdə poeziyaya, həm də milli şeirimizin çox sevilən nümayəndələrinə olan hörmətin təzahürüdür.

Tədbirlər çərçivəsində Türkiyədən gətiriləcək 15 min kitab da bölgələrdə kitabxanalara hədiyyə ediləcək.

• Kor musiqiçi, Qanlı Yanvar və susmayan fırça - Vaşinqtonu "fəth edən" ilk azərbaycanlı
• Tablolarında erməni vandalizmini çəkən rəssam - Azərbaycan rəngkarlığında hansı janrlar onun adı ilə bağlıdır?
• Sovet ekranlarının sehrli gecələri - Brejnev “Taleyin ironiyası"na niyə eyham vurmuşdu?