news-inner
clock16:35 calendar-gray 16 May 2018 view-gray395 dəfə oxunub
view-gray395 dəfə oxunub

Buratinonun sehrli açarı - Bir tamaşadan qeydlər

Mayın 15-də Dövlət Uşaq Filarmoniyası tamaşaçılara “Buratinonun sərguzəştləri” uşaq tamaşasını təqdim etdi.A.Şaiq adına kukla teatrının binasında baş tutan premyera A.M.Tolstoyun “Qızıl açar və Buratinonun macəraları” əsərinin motivləri əsasında hazırlanıb.

Tamaşa həmişə bayramdır. “Buratino”sa balacaların təqdim etdiyi nağıl bayramıdır. Teatrın özəlliyi budur: Tanış əhvalata, tanış qəhrəmana yenidən baxmaq istəyirsən. Hər tamaşada bir sehr var. Həm bəlkə, məhz bu tamaşa filarmoniyanın balaca aktyorları və ya tamaşaçıları üçün unudulmaz, əhəmiyyətli olacaq?

Uşaqlar üçün tamaşa hazırlayan rejissorların işi bəlkə də ən çətinidir. Kuklalarla, hiyləgər tülkülərlə, küpəgirən qarılarla, quyruqlu şeytanlarla hər şeyin yaxşı olacağına, Xeyrin Şərə qalib gələcəyinə inandırmalıdırlar. Bunun üçün özləri buna inanmalıdırlar. Bəlkə bu sonuncu daha çətindir.

Teatr onsuz da şərtidir. Səhnədə baş verənlərə inanırıqsa, Cüzeppenin gətirdiyi taxtanın danışdığına da inanmalıyıq. Buratinonun əhvalatı balacaların yerinə düşən, əsaslandırılmış, ölçülü mizanlarla qurulmuş rəqsləri ilə müşayiət olunur. Bu rəqslər tamaşanın temporitmini artırır, vizual həllinə görə rəngarənglik gətirir, çoxplanlılıq gətirir. Çanaqlı bağa ilə qurbağaların dialoqu kimi ikiplanlı səhnələr vizual olaraq epizodları dərinləşdirir.

Tülkü və pişik obrazlarının plastik həlli də gözoxşayandır.

Qurbağaların, kəpənəklərin, kuklaların rəqsi xüsusilə seçilsə də, rəqslər Kukla teatrının dar səhnəsində sıxılmış təsir bağışlayır.Nağılçının statikliyi, əzbərçi intonasiyası balaca tamaşaçıların hövsələsini daraldır. Hərçənd bu mətnlər çox deyil.

Bunları yazmaq nə üçündür?

İnsan şüuru olduqca spesifikdir, bəzən tamaşanın sehrini qaçıran xırdalıqlara diqqət edir, bəzənsə sehrə aludə olub xırdalıqları görmür.

Rejissor Ceyhun Dadaşovun quruluş verdiyi “Buratino”nun bir üstünlüyü var: məlum filmi unutdurur, bütün zəifliklərinə rəğmən, işıq, musiqi, canlı ifa kimi komponentlərin hesabına əhvalata bir sirr, bir sehr örtüyü çəkə bilir.

Zəif, güclü, yaxşı alınan, alınmayan səhnələr var. Amma finaldakı bir anlıq səssizlik – Buratinonun qızıl açarla sehrli qapını açması anındakı gözlənti - tamaşanın arzu olunan sirliliyə nail olması deməkdir.

O qapının ardında nə varmış? Doğrudan da bu qədər əziyyətlə əldə olunan açarın açdığı qapı hara aparır?- Uşaqların indi içində olduğu teatra. Teatr sehrli yerdir!

news-inner-user
Aliyə

999 məqalə

Oxşar xəbərlər

Xəbər lenti

“Ulduz” jurnalının yeni nömrəsi işıq üzü görüb
19:20 26 Yanvar 2021
Nizami ilə bağlı müsabiqə elan olundu - Şərtlər
18:42 26 Yanvar 2021
Dəlisov yellərə məndən salam de - Natiq Əlisoyun şeirləri
17:29 26 Yanvar 2021
O, çayxana filosofudur - Nabokovdan Sartr haqqında sərt sözlər
16:44 26 Yanvar 2021
Harri Potter serial olur
16:08 26 Yanvar 2021
Miri Yusif "Yaşat" fondu üçün konsert verəcək
15:29 26 Yanvar 2021
Zeynəb Xanlarova ilə oxumaqdan imtina etdi, yoldaşı ilə 55 il nikahsız yaşadı, qızının dəfninə getmədi – Xalq artistindən maraqlı faktlar
14:50 26 Yanvar 2021
Fellininin prodüseri vəfat etdi
14:02 26 Yanvar 2021
Akif İslamzadənin albomu yeni onlayn platformada - Foto
13:20 26 Yanvar 2021
Nazirliyin yeni komandası film çəkilişlərinə qarışacaqmı? – Gənc rejissor yazır
12:40 26 Yanvar 2021
Müharibədə iştirak edən ilk qadın müğənni: O, ilk konsertindən cəmi bircə manat qazanmışdı – Aygün haqda bilmədiklərimiz
12:01 26 Yanvar 2021
İsa Hüseynovun hekayəsi "Dünya novellası antalogiyası"nda
11:35 26 Yanvar 2021
Rasim Balayev: “Çəkildiyim filmlərə baxanda pis oluram”
10:26 26 Yanvar 2021
Aygün 50 yaşını yeni kliplə qeyd etdi - Video
10:00 26 Yanvar 2021
İncəsənət Muzeyinin direktoru "Qızıl ulduz" medalı ilə təltif edildi
09:30 26 Yanvar 2021
Ölən uşaqlar Kürün quru yatağında ora-bura qaçırdılar – İlham Əzizdən yeni hekayə
09:00 26 Yanvar 2021
Dayısı oğlu onu zorladı, bacısı ilə sevgili oldu, özünü göldə boğdu...
21:00 25 Yanvar 2021
Venesiya karnavalı ilk dəfə onlayn formatda keçiriləcək
19:03 25 Yanvar 2021
Şuşa Teatrı haqqında film çəkildi
18:38 25 Yanvar 2021
Brilliant, Faiq, Aygün, Röya... - Onları belə görmədiniz
17:47 25 Yanvar 2021