news-inner
clock13:37 calendar-gray 16 May 2018 view-gray446 dəfə oxunub
view-gray446 dəfə oxunub

Aqiyə Naxçıvanlı düzmü deyir? – Aliyə yazır…

Dövlət sifariş vermişdi ki, üç uşaq dünyaya gətirəsən?”

Günün sitatıdır. Milli Məclisin Ailə, qadın və uşaq komitəsinin sədri Aqiyə Naxçıvanlı ailələrin dağılması mövzusunda danışarkən söyləyib.

Kontekstdən çıxarmayaq: Qadınlar komitəyə müraciət edirlər, dinləyəndə, görürsən ki, bunun savadı yoxdur. Sual verirsən ki, necə ailə qurmusan? Deyir, valideynlərin razılığı ilə olub. Deyirəm, bəs ailə qurduğun şəxs qonşun olubsa, əvvəlcədən onun necə birisi olduğunu bilmirdin? Ailə qurmaq, sonradan dağıtmaq o qədər sadələşib ki... Deyirəm, ilk gündən döyülmüsənsə, söyülmüsənsə, niyə üç uşaq dünyaya gətirmisən? Deyir, uşaqları siz götürün saxlayın. Uşaqlara dövlətin baxmasını tələb edir. Dövlət sifariş vermişdi ki, üç uşaq dünyaya gətirəsən? Əvvəllər belə şeylər olmayıb, müharibə dövründə 18-19 yaşında dul qadınlarımız olub, uşaqlarını təkbaşına böyüdüblər, heç yenidən ailə qurmaq haqqında düşünməyiblər. İndi bəs nə baş verir?

Ola bilsin, Aqiyə xanım, qadınların ailədə, uşaq dünyaya gətirməkdə məsuliyyətini vurğulamaq istəyir, istəyir ki, qadın deyilən məxluq öz məsuliyyətini anlasın. Bəlkə bu fikirləri başqası desə, belə qıcıq doğurmazdı. Qıcıq doğuran odur ki, bunu bu məsələlərdə dövlətin məsuliyyətini artırmalı olan şəxs deyir. O şəxs ki, birbaşa qadının vəziyyətini, problemini açmaqda, ortaya qoymaqda, həllinə diqqət çəkməkdə sorumludur.

Və o şəxs problemi yaradan səbəbləri ortaya çıxarmaq yerinə qadının özünü günahlandırır. Bu gün üç uşaq dünyaya gətirdiyinə görə qınanan qadın, sabah oğlunu əsgərə göndərib bəlkə də şəhid anası olacaq.

Daha qəribəsi odur ki, təhsildə, maariflənmədə, sosial təminatda, işlə təmin olunmaqda dövlətin vəzifəsini xatırladıb, qadına ayaq üstə durmağa kömək etməli ikən nicatı ağsaqqal-ağbirçək məsləhətində, mentalitetdə axtarır.

“Hazırda boşananların sayı artıb. Rahatlıqla boşanırlar, ailə dağılır. Çünki ictimai qınaq yoxdur. Toydan iki ay öncə rəqsə gedirlər. Rəqsə getməkdənsə, ağsaqqalın, ağbirçəyin yanına getsinlər, ailə necə olur, onu öyrənsinlər. Ailələrdə dözümlülük yoxdur”.

Halbuki, o döyülüb söyülən qadına elçiliyi ağbirçəklər edirlər. Döyülüb söyülməyin normal olduğunu (normalsa uşaq da dünyaya gətirmək normaldır) o ağbirçəklər ötürür. Dövlətin mübarizə apardığı selektiv abortlara da rəvac verən Aqiyə xanımın nicat umduğu ağsaqqal-ağbirçək institutudur. Hansı ki, bir toy rəqsini gənclərə çox görməklə, Aqiyə xanım o ağbirçəklərə qoşulur. O ağbirçəklərə ki, küçədə durduğu yerdə adama “İndi aparat var, yoxlat, oğlandırsa saxla. Biz o vaxt bir oğlana görə, 10 dənə qız dünyaya gətirirdik” - deyirlər.

Ağbirçəklər və gənclər davası deyil, problem və onun səbəbləri var. Hansı ki, bu səbəbləri araşdırmağa, öyrənməyə və həllini axtarmağa, proqramlar irəli sürməyə hörmətli Aqiyə xanım bir komitə sədri kimi borcludur.

Qız uşaqlarını niyə istəmir bu cəmiyyət?

Qadınlar niyə tanımadan ərə getməyə razıdır?

Qızların təhsili və işlə təminatında göstəricilər niyə aşağıdır?

Nə qədər ailə iqtisadi sosial baxımdan müstəqil yaşaya və bir ailə olaraq öz qaydalarını müəyyən edə bilir?

Boşanma faciə kimi bədbəxtlik kimi qəbul olunursa, niyə dözüb ailəni qoruya bilmirlər?

Ümumiyyətlə, nəyə və niyə dözməlidirlər?

Əlbəttə yetkin insan (yalnız qadın deyil, kişi də) uşaq dünyaya gətirməyin məsuliyyətini anlamalıdır. Amma özünü şəxsiyyət olaraq önəmli hiss etməyən, ayaqları üstündə durmağı bacarmayan qadın ailə və uşaq məsuliyyətini də hiss edə bilməz. Bəlkə elə o qadın yalnız bir dəfə özünü önəmli, diqqətəlayiq hiss edir: Toy günü ağ gəlinlik geyinib həyat yoldaşı ilə rəqs edəndə!

Boşanma problem yox, problemin ortaya çıxmasıdır, göstəricisidir. Müasir dünyada müasir ola bilməyən qadınların və kişilərin qarşılaşdığı problemlərin…

Azərbaycan efirində fərdlərin sosial və ailə problemini ortaya qoyub məsələdə onun özünü, yaxınlarını ittiham etmək ənənəsi var. Televiziya proqramları məsələni bacardıqca fərdiləşdirib, sosial analiz-filan olmadan, şəxsin faciəsi kimi qələmə verməyə meyllidirlər. Bunu hardasa qəbul etmək olar. Medianın 99 adından biri də Reytinq olan Allahı var. Amma və lakin biz sadəlövhcə Ailə, qadın və uşaq problemləri komitəsindən daha dərin, daha əhatəli və daha sosial-analitik bir yanaşma umuruq. Bəlkə də umurduq. Sən demə, problemin sadə və hikmətli bir izahı var imiş: günah öləndədir!

news-inner-user
Aliyə

997 məqalə

Oxşar xəbərlər

Xəbər lenti

Azad olunan daha bir mədəniyyət abidəsi: Laləzar körpüsü
14:36 31 Oktyabr 2020
Yazıçı psixologiyası sirri-xudadır - Elçin yazır...
13:27 31 Oktyabr 2020
Xoş xəbəri elan olunacaq növbəti rayon hansıdır?
12:28 31 Oktyabr 2020
Məşhur müəğənninin iştirakı ilə Gəncədə törədilən erməni terroruna klip çəkildi - Video
11:32 31 Oktyabr 2020
Mədəniyyət Nazirliyi yeni islahat strategiyasını açıqladı
10:29 31 Oktyabr 2020
Oğlu ermənilər tərəfdən döyüşən muzdlu rus snayperin anası: O, Bakıda kimi axtarırdı?
09:00 31 Oktyabr 2020
Vətənpərvərlik mövzusunda şeir müsabiqəsi elan olunub
18:43 30 Oktyabr 2020
“YARAT”da sərgi davam edir
18:09 30 Oktyabr 2020
Səngərdəki səs - Kamal Abdulladan yeni hekayə
17:15 30 Oktyabr 2020
Gəzən kinoteatr dövrü geri qayıtdı
16:29 30 Oktyabr 2020
Kukla Teatrının noyabr repertuarı
15:42 30 Oktyabr 2020
Bred Pitt yeni filmə çəkilir
15:01 30 Oktyabr 2020
Dinini dəyişdi, dəlixanaya düşdü, milyonçu ola-ola acından öldü - "Təbrizim" mahnısının müəllifinin dəhşətli həyatı
14:20 30 Oktyabr 2020
Məşhur tarixi əsərin komiksi hazırlanır
13:30 30 Oktyabr 2020
"Yazıq" ermənilərlə necə davranaq? - Sərdar Amin yazır...
12:49 30 Oktyabr 2020
Qadınlar paltarlı yatır ki, ölsələr ayıb olmasın - Gəncəli jurnalist yazır...
12:10 30 Oktyabr 2020
İstanbulda əxlaqsız erməni yuvası - Aqşin yazır...
11:36 30 Oktyabr 2020
Günün şeiri: Salam, Şuşam!
11:01 30 Oktyabr 2020
Nəzakət Teymurova: "Pandemiya ilə mübarizə də müharibədir"
10:27 30 Oktyabr 2020
Misirli rejissor Kann festivalının qalibi oldu
09:59 30 Oktyabr 2020