Kulis.az dünyanın ən qəribə 9 hadisəsini təqdim edir.

1. 1985-ci ildə Yeni Orleanlı xilasedicilər həmin il şəhərin hovuzunda heç kimin boğulmaması münasibəti ilə böyük bir məclis təşkil edirlər, həmin məclisdə bir nəfər hovuzda boğulur.

2. 1975-ci ildə ingilis cütlük komediya proqramına baxarkən kişi o qədər ürəkdən gülür ki, infarkt keçirərək dünyasını dəyişir. Kişinin xanımı televiziyaya məktub yazır: “Ərimi ömrünün son anlarında xoşbəxt etdiyiniz üçün sizə təşəkkür edirəm!”

3. Hindistanın Assam əyalətində düyü pivəsi içib sərxoş olan 12 fil üç nəfəri əzərək öldürüb, iki nəfəri isə yaralayıb.

4. Kambocada iki nəfər partlamamış mina ilə futbol oynayarkən partlayış nəticəsində həlak olublar. Qəribəsi budur ki, parçalanaraq ölən hər iki adam Kamboca ordusunun ən yaxşı mina mütəxəssisi olub.

5. ABŞ-ın Alabama ştatında bir gənc hündür binadan tüpürərkən tüpürcəyini küçədəki iri lampaya tuşlamağa çalışarkən tarazlığını itirib və 11-ci mərtəbədən yıxılaraq ölüb.

6. Fransız ordusu mina basdırılan ərazilərdə addımlamaq üçün partlayışa davamlı çəkmələr istehsal edib. Lakin çəkmələr o qədər ağır olub ki, əsgərlər qaça bilmədikləri üçün düşmən gülləsinin hədəfinə tuş gəliblər və minalara çatmamış həlak olublar.

7. 1971-ci ildə torpaq sürüşmələrini tədqiq etmək istəyən yapon alimləri yağış fırtınası effekti yaratmaq üçün bir təpəni yanğınsöndürən borularla o ki var isladıblar. Təpə çöküb, 4 alim, 11 tamaşaçı həlak olub.

8. Arizonalı bir adam qandalla oynadığı yerdə bilmədən özünü qandallayır və açarları tapa bilmir. O, çilingər çağırmaq əvəzinə polisə zəng edir. Polis gəlib onu qandaldan azad edəndən sonra adamın vergi borcu olduğu üzə çıxır və onu təzədən qandallayırlar.

9. 1902-ci ildə “Gillette” üzqırxan şirkəti ilk etibarlı mallarını satarkən onlardan çoxlu şikayət olub. Müştərilər alətlərin saqqallarını kəsmədiyini dilə gətiriblər. Araşdırma nəticəsində məlun olub ki, şikayətçilər üzqırxanların ağzındakı qoruyucu kağızları çıxarmayıblar.

• Məşhur rejissor xəbərdarlıq etdi - Süni intellektlə bağlı
• Şəfiqə Məmmədova sədrliyə yeganə namizəd olacaq - Əli İsa Cabbarovun istefası qəbul edildi
• Estrada ilə yanaşı elmi də "ağladan" müğənnilərimiz