Şəki beynəlxalq festivala ev sahibliyi edir

Şəki beynəlxalq festivala ev sahibliyi edir
14 may 2018
# 10:31

Şəki Dövlət Dram Teatrında Azərbaycan Respublikaсынын Mədəniyyət Nazirliyi, Şəki Şəhər İcra Hakimiyyəti və Azərbaycan Teatr Xadimləri İttifaqının birgə təşkilatçılığıyla “Sərhədsiz Teatr” III Şəki Beynəlxalq Teatr Festifalının açılış mərasimi keçirilib.

Şəki Dövlət Dram Teatrının baş rejissoru, Əməkdar İncəsənət Xadimi Mirbala Səlimli, festivalın direktoru Şaiq Səfərov, Əməkdar İncəsənət Xadimi, teatrşünas professor Aydın Talıbzadə mərasimdən əvvəl təşkil olunan mətbuat konfransında festival haqqında ətraflı məlumat verib, jurnalistlərin suallarını cavablandırıblar.

Verilən məlumata görə Festival ümummilli lider Heydər Əliyevin anadan olmasının 95, müsəlman Şərqində ilk parlamentli respublikanın – Azərbaycan Xalq Cümhuriyyətinin yaranmasının 100 və milli peşəkar teatrın yaradılmasının 145 illiyinə həsr olunub.

Respublikamızda artıq üçüncü dəfə keçirilən və teatr ənənələrimizdən birinə çevrilən festivalın Təşkilat Komitəsinə dünyanın müxtəlif ölkələrindən 60-dan yuxarı təklif daxil olmuş, onlardan ən yaxşılar seçilərək dəvət olunublar. “Sərhədsiz Teatr“ festifalının iki istiqamətdə, milli və beynəlxalq mərhələdə keçirilməsi qərara alınıb.

Daha sonra açılış mərasimində çıxış edən Azərbaycan Respublikası Mədəniyyət Nazirinin müavini Ədalət Vəliyev və Şəki Şəhər İcra Hakimiyyətinin başçısı Elxan Usubov qonaqları salamlamış, festival iştirakçılarına uğurlar arzu ediblər.

Mərasimdən sonra İran İslam Respublikasının Titovak teatrının hazırladığı “Maqbet-Zar” tamaşası təqdim olunub, tamaşadan sonra qonaqlara xatirə hədiyyələri təqdim edilib.

Festivalın açılışında Şəki ictimaiyyətinin nümayəndələri, Azərbaycanın aparıcı teatr və mədəniyyət işçiləri, xarici və yerli qonaqlar iştirak ediblər. Qonaqlar həmçinin Şəki Teatrında fəaliyyət göstərən Teatr Studiyasının tələbələrinin ifasında kiçik proqramla tanış olublar.

Qeyd edək ki, festival çərçivəsində Şəki Dövlət Dram Teatrının səhnəsində Gürcüstan, İran, Rusiya, Meksika, Azərbaycandan isə Şəki və Şuşa teatrlarının tamaşalarının oynanılması nəzərdə tutulub.

# 1992 dəfə oxunub

Oxşar xəbərlər

"Mənə yazığın gəlməsin..." - Sveyq intiharından əvvəl keçmiş arvadına nə yazmışdı?

"Mənə yazığın gəlməsin..." - Sveyq intiharından əvvəl keçmiş arvadına nə yazmışdı?

13:30 28 noyabr 2025
Qızı Çaplinlə evləndi, oğlu intihar etdi... - Dördqat Pulitser və Nobel mükafatçısı

Qızı Çaplinlə evləndi, oğlu intihar etdi... - Dördqat Pulitser və Nobel mükafatçısı

16:55 27 noyabr 2025
Avropa simvolizminin siması - Onu niyə “müasir Dante” adlandırırdılar?

Avropa simvolizminin siması - Onu niyə “müasir Dante” adlandırırdılar?

15:11 27 noyabr 2025
"Alman romantizminin son cəngavəri"  adlandırılan yazıçı

"Alman romantizminin son cəngavəri" adlandırılan yazıçı

18:18 26 noyabr 2025
Macar modernist poeziyasının rəmzi - Ona niyə alim-şair deyirdilər?

Macar modernist poeziyasının rəmzi - Ona niyə alim-şair deyirdilər?

17:23 26 noyabr 2025
İngilis dilini öyrənmək istəyirdi, dramaturq oldu - Ejen İonesko qurtuluşu nədə görürdü?

İngilis dilini öyrənmək istəyirdi, dramaturq oldu - Ejen İonesko qurtuluşu nədə görürdü?

14:00 26 noyabr 2025
#
#
Ana səhifə Yazarlar Bütün xəbərlər