news-inner
clock12:00 calendar-gray 12 May 2018 view-gray677 dəfə oxunub
view-gray677 dəfə oxunub

Həyat yoldaşına pomada çəkməyi qadağan edən dahi rus yazıçı

Kulis.az “Fyodor Dostoyevski - əsas xüsusiyyətləri” adlı yazını təqdim edir.

1. Boyu

169 sm.

2. Saqqal

Müasirləri arasında belə bir lətifə yayılıbmış ki, guya Dostoyevski Fransadan xüsusi maz sifariş edib. Mazı yaxanda saqqal daha sıx olur.

3. Sevimli mahnısı

Tez-Tez “Na zare tı yeyo ne budi...” adlı romans oxuyarmış.

4. Danışıq tərzi

Nitq söyləməyi xoşlasa da yaxşı natiq deyilmiş. Çox vaxt fısıltıyla danışırmış. Buna görə də onu yalnız ən yaxın adamları yaxşı anlayırmış.

5. Epilepsiya tutmaları

Epilepsiyadan əziyyət çəkirdi. Yazıçı V.Solovyov yazır: “Hər dəfə epilepsiya tutması yaşayandan sonra dözülməz olurdu. Əsəbləri o qədər gərilirdi ki, özünü idarə edə bilmir, adamları qıcıqlandırırdı.”

6. Hərbi mühəndis

Peterburq hərbi mühəndislik məktəbini bitirsə də sirkul və xətkeşlə işləməyi heç sevməzmiş. Deyilənə bir dəfə Dostoyevskinin çəkdiyi çertyojlardan biri I Nikolayın əlinə keçir. “Bunu hansı axmaq çəkib?” – imperator soruşur. Bu hadisədən sonra gələcəyin yazıçısı işdən çıxır.

7. Səhvlərini etiraf etmək bacarığı

Petraşevçilər dərnəyinə üzvü olduğuna görə haqqında edam hökmü çıxarılmış, lakin son anda edam 4 illik katorqa cəzası ilə əvəzlənmişdi. Bundan sonra dünyagörüşünü dəyişən Dostoyevski inqilabçıları Rusiyanın ən böyük düşməni kimi qələmə verməyə başladı.

8. Özünə əzab vermək

Müasirlərinin dediklərinə görə Dostoyevskinin özünə əzab verməkdən xoşu gəlirmiş. Özünü “Kvazimodo” adlandıran yazıçı belibükük olduğuna görə bədən quruluşunu bəyənmirdi. Buna görə də paltarları əynində gödək qalırdı. Və bu eybini hər yerdə dilə gətirirdi.

9. Narahat adam

Demək olar ki, hər zaman gərgin görünür, söhbət zamanı bir də gördün pıçıltıyla danışmağa başlayır, birdən də bağırırdı. Qadınlar ona rədd cavabı verəndə əsəb gərginliyindən ürəkkeçməsi tuturdu.

10. Oyunçu

Qumara böyük marağı olan yazıçı kart oyunları və ruletkada xeyli pul uduzurdu. Buna görə də həmişə borclanır, borclarını ödəmək üçün isə nəşriyyatlarla birtərəfli müqavilələr bağlamağa məcbur olurdu.

11. Həyatının məhəbbəti

“Oyunçu” romanını rekord müddətə, 26 günə yazıb. Əgər vaxtında çatdırmasaydı nəşriyyatla müqaviləyə əsasən 8 il müddətinə bir qəpiksiz roman yazmalı idi. Buna görə də yazıçı romanı dedlayna yetişdirmək üçün Anna Snitkina adlı stenoqraf götürür. Fyodor və Anna sonradan evlənirlər, Anna onu borc bataqlığından qurtarır, Fyodor isə ruletka oynamaq vərdişini yerə qoyur.

12. Qısqanclıq

Dostoyevski olduqca qısqanc adam olub. Hətta xanımı üçün ciddi qaydalar müəyyənləşdirmiş, həyat yoldaşı da ona əməl edirmiş. Belə ki, o, dodaqlarına pomada, gözlərinə sürmə çəkə bilməzmiş. Ən əsası başqa kişilərin üzünə gülümsəmək də qadağan imiş.

13. Təmizkarlıq

Pintiliyi heç sevməz, paltarda ləkə görəndə özündən çıxarmış. Gələcək həyat yoldaşının paltarında və şlyapasında balaca bir ləkə gördüyünə onu iki dəfə evə yollayıbmış ki, özünü qaydaya salıb qayıtsın.

14. Dəqiqlik

Həmişə görüşün dəqiq vaxtını müəyyənləşdirər, ardınca da əlavə edərmiş: “Nə gec, nə də tez”. Bir dəqiqə gecikən olsa belə qəbul etməzmiş.

15. Tələskənlik

Vaxtında yetişdirmək üçün əsərlərinin çoxunu olduqca tələsik yazıb. Buna görə də əsərlərində belə cümlələrə rast gəlmək olar: “Qonaq otağında oval formada yumru stol var idi.”

16. Sevimli içkisi

Çay sevimli içkisi idi.

17. Sevimli yeməyi

Suda bişirilmiş toyuq və pendirli buterbrodları sevirdi.

18. Bayquş

Adətən gecələr yazmağı xoşlayırdı.

19. Alkoqollu içkilərə münasibəti

Demək olar ki, spirtli içki qəbul etmirdi. Belə hesab edirdi ki, spirtli içki insanı heyvaniləşdirir, qəddarlaşdırır, ağlını əlindən alır və işıqlı fikirlərdən uzaqlaşdırır.

20. Dünya görüşü

Sürgündən qayıtdıqdan sonra patriot və dövlətçilik tərəfdarına çevrildi. Rusiyanın xilasını pravoslavlıqda görür və Qərb dəyərlərinə nifrət edirdi.

Oxşar xəbərlər

Xəbər lenti

Rejissor öz ölümündən film çəkdi
15:10 21 Sentyabr 2021
Məktəb oxumayan yazıçı Nobeli necə aldı?
14:12 21 Sentyabr 2021
Fotoqraflar arasında müsabiqə elan olundu
13:02 21 Sentyabr 2021
Qardaşının ölümünü ondan gizlədilər, həkimlər övlad qadağası qoydu, “Ağlama, Zaur” şeirini yazdı - Anar Təhminəni onun həyatından götürmüşdü?
12:10 21 Sentyabr 2021
Şəhid anasının əli ilə veriliş bağlayan Tolik
11:33 21 Sentyabr 2021
Səməd Vurğuna görə ianə toplanır – Foto
11:01 21 Sentyabr 2021
Laçında teatr açmaq istəyən aktyor – Müzakirə
10:33 21 Sentyabr 2021
Çingiz Abdullayev Vətən müharibəsindən hekayə yazdı – Mətn
10:05 21 Sentyabr 2021
Məşhur müğənni əməliyyat olundu
09:31 21 Sentyabr 2021
Toy gecəsi mahnıya görə döyülən gəlin – Yeni hekayə
09:01 21 Sentyabr 2021
Vyetnam prezidenti ilə dostluq edən, 4 qardaşını vaxtsız itirən, Türkan Şorayı filmə çəkən Xalq artistimiz - Maraqlı faktlar
21:00 20 Sentyabr 2021
Qarabağda 15 tarix-memarlıq abidəsi pasportlaşdırılıb
18:59 20 Sentyabr 2021
Pikassonun əsərləri Fransa hökumətinə bağışlanacaq
18:31 20 Sentyabr 2021
Britaniya filmi beynəlxalq müsabiqədinin qalibi oldu
18:00 20 Sentyabr 2021
Uşaqları sevməyimizin sirri - Sahib Altay yazır...
17:16 20 Sentyabr 2021
Məmməd Əmin Rəsulzadənin nəvəsinin ölüm anı lentə alınıbmış - İlk dəfə - Video
16:38 20 Sentyabr 2021
Soyuq burnunla toxunursan üzümə - Rasim Qaracadan şeirlər
16:17 20 Sentyabr 2021
Səyyad Əlizadədən xəbər var
15:30 20 Sentyabr 2021
Ölkəmiz Tallində keçirilən festivalda təmsil olunub -Fotolar
15:20 20 Sentyabr 2021
Ramiz, Əkrəm, Seymur... – Oxucular kimi görmək istəyir? - Sorğu
14:41 20 Sentyabr 2021