"Vaqif müəllimin səhhəti gözlədiyimiz kimi çox sürətlə yaxşılaşmadı. Düzdü, həkimlər söyləmişdilər ki, beynindəki problem 6 ay və ya 2 il arasında aradan qalxmalı idi. İki il də bu ilin avqust ayında tamam olur.”

Bu sözləri olaylar.aza açıqlamasında şair Vaqif Bayatlı Odərin həyat yoldaşı Tamam Bayatlı bildirib.

O daha sonra əlavə edib: “2016-cı il avqustun 10-da beynində əməliyyat olunmuşdu. Hər halda avqusta kimi vaxtımız var. Ümid edirik ki, müalicə avqust ayına kimi daha da yaxşı nəticə verəcək. Yaxşılığa doğru proses gedir, amma elə də sürətli getmir. Yayda yenidən həkim nəzarətindən keçəcək. İnşallah, ona qədər tam sağalacağına ümid edirik. Əgər beynindəki problem aradan qalxarsa, o zaman biz həkimlərdən xahiş edəcəyik ki, ürəyinə də müdaxilə etsinlər. Ürəyindəki problem də aradan qalxsın.”

Tamam xanım qeyd edib ki, Vaqif müəllim hazırda Bakı şəhərində dincəlir. "Düşünürdüm ki, Vaqif müəllim iki il tamam olana yaxın artıq bayıra çıxacaq, gəzəcək. Amma hələ, o vəziyyətdə deyil ki, tam sərbəst çıxıb gəzsin."

Vaqif Bayatlı Odərin sözlərinə görə, müalicəni belə gec nəticə verməsinə səbəb şairin şeirləri üzərində işləməsidir:

“Çox istəyir ki, bu il yeni kitabı işıq üzü görsün. Yaradıcılığını davam elətdirir. Çoxdandı artıq şeirlər yazırdı, yığılırdı. Səhhətinə görə tam yekunlaşdıra bilmirdi. Biz tam sağalandan sonra davam etməsini təklif etdik. Amma özü qərar gəldi ki, bu il kitabı nəşr olunsun. Artıq kitabın səhifələnmə prosesi gedir. Demək olar ki, kitab artıq hazırdır. Kitabda şeirlərin səhifələnməsinə də özü şəxsən nəzarət edir."

• Gilyermo del Torodan süni intellektə sərt reaksiya - "Panın labirinti" yenidən nümayiş olunacaq
• Mağavızın “kiçik Allahı” sayılan Sultan bəy Sultanov – Xalq qəhrəmanı, yoxsa təcavüzkar ağa?
• Amerikalı aktrisa Hayden Panettiere vəfat edib