Estoniyanın Baltik Film, Media, İncəsənət və Kommunikasiya Məktəbində Azərbaycan Kinosu Günü təşkil olunub.
Sənəm Əliyevanın və Baltik Məktəbinin rəhbəri Elari Lendin təşəbbüsü ilə reallaşdırılan bu layihə gənc istedadları dəstəkləməyə yönəlib.
S.Əliyeva çıxışında bu ilin avqustunda özünün 120 illiyini qeyd edəcək Azərbaycan kinematoqrafiyasının tarixindən danışıb. O, Azərbaycan kinosunun tanınmış prodüser, rejissor və aktyorlarının adlarını sadalayıb.
Tədbirdə Azərbaycanın Xalq Artisti Fuad Poladovun xatirəsi bir dəqiqəlik sükutla yad edilib. Mərhum aktyorun ifasında “Ağla heyranım, ağla” şeiri səsləndirilib.
Azərbaycan Kinosu Gününün təşkili iki dost ölkə - Estoniya və Azərbaycanın müstəqilliklərinin 100-cü ildönümünün qeyd olunduğu əlamətdar tarixə təsadüf edir. “İkinci pərdə” filminin rejissoru Emil Quliyev və baş rolun ifaçısı Hikmət Rəhimov tədbirdə iştirak ediblər.
Sonda “İkinci pərdə” filmi nümayiş olunub./azertag.az/
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər