news-inner
clock17:32 calendar-gray 04 May 2018 view-gray235 dəfə oxunub
view-gray235 dəfə oxunub

Qalmadı yatmadığım hücrə - Müasir Türk Şeiri

Kulis.az Azad qaradərəlinin uyğunlaşdırmasında müasir türk şeirindən seçmələri təqdim edir.

Hüseyn Fərhad

İmrul Kays

Atların dilini bilirəm

itin dəyəsini tanıyıram

qadınların gizlinlərini

məhəbbət dəllallarına görə

Qalmadı yatmadığım hücrə

üryan girmədiyim bağça

İmrul Kaysı öldürən zəhər*

mənə də verildi neçə dəfə

Dəli-dolu keçdim Yasribdən

Məkkəyə enəm qalxam

görmək üçün şairin yurdunu

endim qədim Yəmənə.

Yəmən: Misirə

nəqş edilmiş heroqlif

yüz min sağmal dəvə

bir o qədər də sual işarəsi

Yəmən: çölün ətəyinə

sərilmiş cılxa dəri

yüz minlərlə çini kasa

o qədər də cırcırama

Qəhvənin yaşılını sevirəm

südün indiqo rənglisini

həyatda anlamazın biriyəm

həyat tacirlərinə görə

Nəcid* bir kök-köməci

bir dəfnə budağı

gözüm kəlləmə çıxır

günəş batarkən Qırmızı dənizdə

Neçə kərə dodağımda gəzinir

Cemal Süreyyanın iki misrası:

“iki şey: eşq və şeir

şübhəylə qoşadır”

Boynunda parlayan gümüş zəncir

sol qulağında pagan* sırğa

yenə Kaysı ələ verər

dünyaya təkrar geri dönsə

Hər eşq bir şəhər kimi

şeirin bozunda gizlənər

bir gün mənim də qəlbim

Ankarada dara çəkilər

Metafizika

Səni bir kilsə həyətində aramalıyam artıq

xaçlarla gərilmiş ovuclarımda bir səssiz zəng

- Mən deyilmiyəm bu uçqunların üzərində uzanan

saçlarım pərişan

Səni bir sinaqoq həyətində aramalıyam artıq

çılpaq ayaqlarına sürtməliyəm lənətli üzümü

- Mən deyilmiydim maddənin birinciliyini gəmirən

ağlım darmadağın

Səni bir məsçid həyətində aramalıyam artıq

kirli bir dəsmal kimi sərməliyəm ürəyini önünə.

- Nə var içimi qanadan bu əzan səsində

mehrabım darmadağınıq.

Vida

Dünən günəşi paramparça gördüm pəncərəmdən pərdələri çəkdiyimdə

siyah bir səccadə kimi önünə sərdim üzümü mən də.

Əyildim çayından kuzəmi dolduram məlhəm suyunla

gördüm aşiq surətimi əlimdəki fənərin qırıq şüşəsində.

Ürpəndim başımdan barmaqlarımadək

baxdım şirə dolu küpünə batırılmışcasına saralmış bədr.

Ehram kimi təvaf etdimsə ayaq izlərini qibləm sayıb

qaraldı yenə sol məməmin ucundakı cəvahir.

Torpağı dinlədim, cığırlarda yürüdüm, ayaqyalın keçdim qoruqları

o tanış işarətini yenə duymadım vəd etdiyin cənnətin.

Fərrux Tunc

Sözcüklər

“Alkazar”*, “Qəsri-Şirin”dəki qəsr.

Ahibe* bildiyin bəxşiş arvad anlamıdır.

“Karavan”mı?*

O da bir “karvan” çınqısıdır.

Flaminqo

Titrəyən onlar, fəqət ölən bizik

Qızdırmalı ölüm döşəyində.

Düzdə

Artıq dəfinənin balığa yanaşdığı yerlərdə dolaşıram

O yüksək yaylalardan sürərək gəlmiş olsam da atımı.

Eşqin sonu ölümdür

Dağılan bir ömrü misralar sararmı?

Mahnılarla ovunarmı gözləntilər?

Tənhalığa yansıyıb yağarmı yağışlar?

Rənglər necə əmizdirər rəngsiz gözləri?

Göy bu qədər geniş olmasa deyərdi o

sona varmaz yolçular yolları

cavablarımız olurdu bizim də

sorulunca

qəlsəmələrimiz

dalınca dərin sulara.

Qarışqalar götürməsə qismətimizi

Quşlar çiynimizə qonmasa ibrət kimi

Şeir yazmaz

bir məslək alardıq

gündüz

gecə çapardıq

yorğa atımızın tərkində.

Necə şəhər olduğunu soruşardı

nə zaman şəhərlərdən söz düşəndə

şəhərlərdə neçə küçə

neçə yetkin sifət küçələrdə.

Və necə anladılırdı

sehri eşq ağacının

büründüyümüz

hər bir yarpağıyla

O ağacların uğultusuyla

parçalanır ürəyim

dedi gedərkən

Mənsə kar bir qaya

bilirdim eşqi...

gercekedebiyyat.com

*İmrul Kays – miladın 520-ci ilində Ərəbistan yarımadasının Nəcid bölgəsində doğulmuş ərəb şairi. Öz dövrü üçün şeirdə yenilikçi sayılır. Hökmdar oğlu olduğundan düşmənləri ilə döyüşdə yardım üçün İstanbula (Konstantipola) gəlmiş, lakin buranın hökmdarı ona zəhərli libas vermiş, şair zəhərlənərək ölmüşdür. Qəbiri Ankaradadır. (Tərcüməçinin qeydi)

*Pagan – dini deyil, təbiətə tapınan, təbiətlə iç-içə olan inanc.

*Alkazar – İspaniyanın Əndəlüs şəhərində ərəblərin tikdiyi qalın divarlı müdafiə qəsrlərinə verilən ad. Ərəbcə “əl-qəsr” kəlməsindəndir. (Tərcüməçinin qeydi)

*Ahibe - ərəbcə “əl-hibə” sözündəndir, ispancaya “ahibə” şəklində keçib. “Hədiyyə”, “bəxşiş” arvad, qadın anlamındadır.

*Karavan – səyyar ev, qoşqu evi.

news-inner-user

16131 məqalə

Oxşar xəbərlər

Xəbər lenti

Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020
Xalq rəssamı vəfat etdi
15:09 13 Avqust 2020
Nazirlikdən gedənlər və gələnlər – Sərdar Amin yazır...
14:11 13 Avqust 2020
Mədəniyyət Nazirliyinin aparat rəhbəri vəzifəsindən azad olundu
13:24 13 Avqust 2020
Mahnılarını Niyaməddin Musayev oğurladı, rayonu işğal olunanda beyninə qan sızıb öldü – Bu gözəl musiqilərin müəllifini siz də tanıyın
13:19 13 Avqust 2020
Mühacirətdə olan yazıçı vəfat etdi
12:34 13 Avqust 2020
Sərdarın atası və əlləri
11:52 13 Avqust 2020
Bizə əl atan qoca müəllim
11:07 13 Avqust 2020
Britaniyalı jurnalistin Xocalıdan yazdığı ssenariyə film çəkildi
10:43 13 Avqust 2020
"Qarabağ hekayələri" özbək dilində nəşr olundu
10:04 13 Avqust 2020
Stalin Rəsulzadəni bu yolla qaçırdı, Səməd Vurğun yaralıları apardı – Ayxan Ayvazın reportajı
09:00 13 Avqust 2020
Türkiyəli şair vəfat etdi
18:30 12 Avqust 2020
Məhəllə futbolu - Hekayə
17:58 12 Avqust 2020
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
17:04 12 Avqust 2020
Məşhur "20th Century Fox" fəaliyyətini sona çatdırır
16:14 12 Avqust 2020
İtaliyada vəfat edən müğənnimizin nəşi vətənə gətiriləcək? - Açıqlama
15:30 12 Avqust 2020
Səfər Alışarlının "İşıq" hekayəsi
14:42 12 Avqust 2020