news-inner
clock11:22 calendar-gray 03 May 2018 view-gray236 dəfə oxunub
view-gray236 dəfə oxunub

Qadın əynindəki köhnə kişi pencəyi... – Narıngüldən Yeni Şeirlər

Kulis.az Narıngülün yeni şeirlərini təqdim edir.

Əl vurma öldürəcək

Kimdir pozan tanrının

Əlifba sırasını?

Kim çəkdi saman çöpünü,

Dağıtdı yuvasını?

Ölüb pəncərə gözləri

Bu evin gəlmir nəfəsi,

Ay qonşu, bağla bu ömrü,

Qapıya kilid əvəzi.

Bu evdən bir tin o yana,

Tutubdur tanrı qarğışı,

Kəpənək qanadlarıyla

Saxlayır yağan yağışı.

Yolunda elan lövhəsi:

Bu sevdadan əl çək!

Bu həsrət açıq qalıbdır,

Əl vurma, öldürəcək!

Yağış

Bu yağış

Yerin beynini döyəcləyir.

Hava su dadır.

Qulağı tutulub kənd evlərinin

Tüstüsündən yaş damır.

Yola doğru yerimir

Ayaqlarına doğru yeriyir

İslanmış qadın.

Dumana bürünüb

Bu kəndin hər yeri

Dumana bürünüb

Qadının əynindəki

köhnə kişi pencəyi.

Qapqaynar, ipisti

Həyat var hardasa.

Burdasa...

Bir qarış uzanır

Göbələk ömrü,

Yağış ömrü,

Yaz ömrü.

***

Əllərin də öldü bir may səhəri,

Sənin nə vecinə dünya kiçildi.

Sonuncu məktubdur mənim ürəyim...

Əllərin açmayan yaz çiçəyidir,

Çıxart əllərini qarın altından.

Qar da soyutmadı ürəyimizi.

Yenə günəş doğar bir may səhəri,

Gəzib axtararıq kəpənəkləri

Yaddaşı olmaz ki kəpənəklərin...

Eh! Biz də düşərik bizdən uzağa,

Oxu uzaqlarda, oxuya bilsən

Sonuncu məktubdur mənim ürəyim...

Ürəkdə qalan var

Bu sevgi baş qatmaq üçündür, mübarək olsun!
Bir gözəl nağıldı ki, içində yalan var...

Unudub gedən qayıtmaz, kürəyi ağaran yoldu,
Nə bilsin arxada saralıb solan var...

Ayrılıq qapısız evdi, naxışı, bəzəyi yerində,
Ən dəhşətlisi odur ki qəlbində talan var...

Dərdin canı yox, cüssəsi yox, çəkisi yox ki,
Dərdi dağ edib, gətirib ürəyə salan var...

Göyü bir topa buludla, payızla imtahan etmə,
Arxanda buluddan betər gözləri dolan var...

Hər gecə qəlbini yu, hər gecə unut deyirsən,
Unutmaq çətin deyil ki, heyf ürəkdə qalan var...

Müharibə

Müharibə

iri, tor zənbillərlə gətirildi

hamıya çatdı.

Güllələr

əvvəlcə havalı-havalı oynadı

sonra sevdiklərini tapdı.

Geriyə

nəm torpaq ətirli

məktublar qayıtdı.

Bağışla

Eşq dediyin nədir ki, bir az qəm, bir az həvəsdi

Özünə başqa həvəs tap, burax getsin bu eşqi bəsdi.

Sıxılsan, sevgini də at ruhun azad olsun,

Kimsə yox ki, sevib atdığın qədər yad olsun.

Qorxma ayrılıqdan, sevgi gəlişdi-gedişdi,

Unut məni, onsuz da unutmaq köhnə işdi.

Hər ayrılıqda bir az eşq, bir az darıxmaq ətri var,

Ayrılaq dost kimi, aramızda sevgi xətri var.

Biz sevgini atdıq, çöldə qaldı qarla, yağışla

Məni o çöldə qalmış qərib sevgiyə bağışla.

Oxşar xəbərlər

Xəbər lenti

Tanınmış şairə vəfat etdi
21:10 26 Noyabr 2020
Pənahəli xanın dağıdılmış imarəti
18:37 26 Noyabr 2020
Müvəqqəti komendantlıqlar üzrə iclas keçirildi
17:49 26 Noyabr 2020
Nə yaxşı görüşdük, nə yaxşı yenə - Ən gözəl Kəlbəcər şeirləri
17:01 26 Noyabr 2020
Döyüşçü oğlunu ağladan səbəb - Hekayə
16:17 26 Noyabr 2020
“Qarabağ”ın Qarabağ qələbəsi – Ulucay yazır...
15:34 26 Noyabr 2020
İstedadı ilə hamını heyrətləndirən, iki dəqiqəyə qızların sevimlisinə çevrilən, gənc yaşında “yüksək doza”dan ölən azərbaycanlı şair – Maraqlı faktlar
14:53 26 Noyabr 2020
"Can Azərbaycan" adlı müsabiqə elan olundu
14:10 26 Noyabr 2020
Qəriblik - Əli Şirindən şeir-esse
13:32 26 Noyabr 2020
Xalq artistindən sürpriz Şuşa açıqlaması
12:53 26 Noyabr 2020
Cavanşir Quliyev: "Bakıda lazım olduğuma əmin deyiləm" - Müsahibə
12:11 26 Noyabr 2020
Əməkdar artist vəfat etdi
11:39 26 Noyabr 2020
Aqşindən Seymur Baycana reaksiya: "Onu oxumuram"
11:09 26 Noyabr 2020
Xəlil Rza Ulutürkün bacısı dünyasını dəyişdi
10:17 26 Noyabr 2020
Maradonanın ən böyük peşmanlığı - Ayxan Ayvaz yazır...
10:00 26 Noyabr 2020
Bombardmandan Azərbaycan bayrağını çıxaran gəncəli Xəyyam: “Gördüm, qızımın başından qan axır”
09:00 26 Noyabr 2020
İşğaldan azad olunan 700 yaşlı abidəmiz
18:52 25 Noyabr 2020
“Can Qarabağ” deyən uşaqlar
18:10 25 Noyabr 2020
Erməniyə zorla ərə verilən qızın Xocalıdan qaçış planı - Yeni hekayə
17:29 25 Noyabr 2020
Azərbaycanlı yazarın pyesi Batumidə tamaşaya qoyulacaq
16:49 25 Noyabr 2020