news-inner
clock15:30 calendar-gray 01 May 2018 view-gray198 dəfə oxunub
view-gray198 dəfə oxunub

Ömür tualet kağızı kimi uzanır hələ - Yeni İmza

Kulis.az "Yeni imza" layihəsindən Məhəmməd Tanhunun şeirlərini təqdim edir.

Fasilə

(Sərdar Amin üçün)

uşaqlar, şeirləridir tanrının,

cavanlar, hekayələri, qocalarsa, romanıdır.

insanı janr olmaq yorur,

məsələn, o yazılmaya da bilərdi..

adamlar da tanrıdan geri qalan deyil

lirik növdə sevirlərsə, epik növdə ayrılırlar

dramatik növdə unudurlar yer adamları

şairlər adamların ağrısında gəzinərlər

Bu söz dərziləri kağıza tikərlər kəlimələri

heca şeirlərindən köynək üçün cib, məsələn

Və bütün şairlər bilir ki,

insan bəzən itirdiyini axtaranda tapır unutduqlarını

qadınlar şairlərin tayı deyil

mürəkkəb qoxan barmaqdansa

ətir püskürdülmüş bədəndir

boya qoxan divardır

özündənqaçma cəhdləridir bunlar

yəni, özünə daha az oxşamaq

bax bu, ilahi ədalətsizlikdir

qadın, tanrının yazıb yarımçıq saxladığı

və bir daha qayıtmadığı şedevridir.

o yarımçıqlığa adamlar doluşur

həyatı yenidən təkrarlamaqçün

və yerdə qalan bütün digər canlılar

adını qoymadığım metaforam olsun

dünya, "özündən böyük mənasından" yox

mənasızlığından yaranıb.

İlbizvari

Qapananda ilbiz kimi içinə qapana insan

Yapışıb daşlara, elə daşa dönə ki, utandıra daşları

İnsan boyda yaşamağa yer kürəsi bəs etməz

İlbiz olub gedəsən çuxurda yaşlanmağa

Yaşamasan da insantək, ilbiz kimi yaşayasan.

"Şərq Ekspressi"ndə qətl

Dostum, ömür tualet kağızı kimi uzanır hələ

Qızılı günəşdən sonra nimdaş qaranlıq düşür gecəyə

Nəhayətsiz suların xətkeşi üfüq xətti qeybə çəkilir

Dan yerində Xəzər əsnəyir dalğa səsləriylə

Hər vaxt yarıyuxulu oyanır bu şəhər

Damda göyərçinlərə qəfəs düzəldir məktəbli

Qəfəs, quşlara vətəndirsə, azadlıqlar qürbətdir

Nə vaxtsa yazıb qaralamışdım:

Balıqçının bir damcı göz yaşı, bir ovuc torpaqdır

torda çırpınan balıqlara.

Evsizlik, sevgisizlikdən əzəldir həmişə

Hamı bir dəfə yaraladığından bilinməz qatilimiz

Ən vicdanlısı gözlərimizə baxıb tətiyi sıxandır

öləriksə, üzülməyə dəyməz

ölmək, bir addım həyatdan öndə olmaqdır

İnsan, hər şeylə barışan, deməkdir.

İnsana ölüm deyil, öldürən

Gedən deyil, aparan maraqlıdır

Qara saçlarına and olsun,

Günəşin işıq və istilikdən başqa

ümid funksiyası da var.

Ümid, bəzən darağın dolu olmasına arxayınlıqdır.

Yerin bətnində insan

insanın bətnində sevgi

sevginin bətnində tənhalıq mövhumatdır.

İnsan heç vaxt torpağa bağlılığını izah edə bilməyəcək.

news-inner-user

16068 məqalə

Oxşar xəbərlər

Xəbər lenti

Türklər Nəsimi və Füzulinin həyatından film çəkir
18:12 06 Avqust 2020
Bizimki kimi özgələrin kefinə əsir olan heç bir dil yoxdur - Çağdaş türkcəmizə görə borclu olduğumuz esse
17:08 06 Avqust 2020
Qremmi mükafatçısı həbs olundu
16:41 06 Avqust 2020
Azərbaycanlı gənclərin Gürcüstanda yaratdığı teatrın açılışı oldu
15:57 06 Avqust 2020
Həsrətin gizli öpüşlərində güzgüləndi - Şeir
15:02 06 Avqust 2020
Məşhur musiqiçi Trampı məhkəməyə verdi
14:21 06 Avqust 2020
Türkiyədə nazir olan, övladına Atatürkün adını qoyan, ömürlük həbs cəzasına məhkum edilən azərbaycanlı yazıçı – Maraqlı faktlar
13:32 06 Avqust 2020
Vladimr Sorokindən yeni kitab
12:44 06 Avqust 2020
Çörək, dərman, kitab... - Operativ Qərargaha təklif
11:58 06 Avqust 2020
Ziyalılar karantinlə bağlı müraciət etdi
11:16 06 Avqust 2020
Məşhur rejissordan yeni film gəlir - Treyler
10:38 06 Avqust 2020
"Min bir gecə" Vyanada nümayiş olundu
10:04 06 Avqust 2020
İtin kolbasasını uşağına verdiyi üçün villadan qovulan fəhlə - Varisin yeni hekayəsi
08:59 06 Avqust 2020
Kinematoqrafçılar İttifaqı Ayaz Salayevi mükafatlandırdı
18:57 05 Avqust 2020
Masaya dağılmış qırmızı şərab - Mehriban Ələkbərzadəyə...
18:12 05 Avqust 2020
Şamaxıda antik dövrə aid nekropol tapıldı - Fotolar
17:41 05 Avqust 2020
Plastik əməliyyat zamanı dünyasını dəyişdi, bir il sonra səbəbkar həkim də stressdən öldü - Cahandar ağanın qızının faciəvi sonu
17:11 05 Avqust 2020
Məşhur yazıçı həbs olundu
16:28 05 Avqust 2020
Stiven Kinqdən yeni roman
14:50 05 Avqust 2020
Nə düşünürsən, Günel? - Orxan Həsəni yazır...
14:21 05 Avqust 2020