news-inner
clock11:41 calendar-gray 16 Dekabr 2019 view-gray5662 dəfə oxunub
view-gray5662 dəfə oxunub

Bığına görə AzTv-yə buraxılmayan, gürcü qızıyla məcbur evlənən dahi

Bu gün Azərbaycanın böyük cazmeni, dünya şöhrətli musiqiçi Vaqif Mustafazadənin anım günüdür. Kulis.az bu münasibətlə onun haqqında maraqlı faktları təqdim edir.

Caz-muğamın banisi Vaqif Mustafazadə 16 mart 1940-ci ildə Bakı şəhərində İçəri şəhərdə anadan olmuşdur. Atasının ölümündən sonra, anası Vaqifin tərbiyəsi ilə məşğul olmağa başlayır.

***

Musiqiyə həvəsi anası Zivər xanımdan keçib. Zivər xanım dahi Üzeyir bəyin tələbəsi olub.

***

Gallery

Vaqif Mustafazadə birinci evliliyini hamıdan gizlədirmiş. Gənc yaşlarında tez-tez Azərbaycan Dövlət Neft Akademiyasına gedir və gecələr orada təşkil edilən konsertlərdə musiqilər ifa edərdi. Akademiyanın bütün tələbələri Vaqifi çox sevirmiş.

Vaqifin gələcək həyat yoldaşı ləzgi qızı Nərminə xanım da burda təhsil alırdı. Onları Rüstəm İbrahimbəyov tanış etmişdi.

Vaqiflə Nərminə evləndilər. Həmin nikahdan Lalə Mustafazadə dünyaya gəldi. Amma Vaqiflə Nərminənin evliliyi uzun sürmədi. Onlar anlaşa bilmirdilər. Biri musiqiçi, o biri mühəndis. Bəlkə də Nərminə necə bir insanla ailə həyatı qurduğunun fərqində deyildi. Nəticədə onların münasibəti pozuldu. Nərminə xanım Laləni də götürüb getdi.

***

Vaqifin ifasını Vaxtanq Kikabidze bəyənir və onu “Orero” ansamblının rəhbərliyinə dəvət edir. O vaxt Bakıda caza maraq çox deyildi. İkinci həyat yoldaşı Elza ilə Tiflisdə tanış olur. Gürcü qızı özünü Vaqifə sevdirə bilir.

Gallery

***

1966-1967-ci illərdə Tallində keçirilən festivalda Vaqif Mustafazadə Gürcüstanı təmsil etdi. O festivaldan sonra Vaqifi bütün dünyada tanıdılar. Azərbaycanın o vaxtkı mədəniyyət naziri Rauf Hacıyev bundan sonra dedi ki, Vaqif ölkəsinə qayıdıb, Azərbaycanı təmsil etsin. Vaqif də Elza ilə birlikdə Azərbaycan qayıdır.

***

Elza hamilə idi. Amma Vaqif Mustafazadə ilə hələ evli deyildi. O zaman Vaqifin anası oğluna dedi ki, bala, ayıbdır, gərək sən Elza uşağı dünyaya gətirməmiş onunla evlənəsən. Və beləliklə, onlar ailə həyatı qurdular və Əzizə Mustafazadə dünyaya gəldi. Anası deyirmiş ki, Vaqif Elzayla məcbur evləndi. Əslində evlənmək istəmirdi onunla.

***

Gallery

Vaqif, Azərbaycan musiqisinin, muğamın klassik Amerikan caz musiqisi ilə sintezini yaradıb. Onun yeni devizi Caz-Muğam adlanır. Azərbaycan Muğam Caz Hərəkatının memarıdır. Onun həyat yoldaşı Eliza Mustafazadə Azərbaycanın peşəkar caz-muğam tərzində oxuyan ilk qadınıdır.

***

Çox adam onu qəbul etmədi. Əsasən də sovetin düşüncə, zövq bozluğunda batanlar, bu bozluğun çərçivəsində qərar tutanlar Mustafazadəni görmək istəmirdilər. Musiqi məktəbini bitirəndən sonra Tahir Atakişiyev adlı direktor şəxsi antipatiyası səbəbindən onu ixtisasa yararsız kimi qiymətləndirir. Şəhərin ən güclü pionisti güc-bəla ilə musiqi texnikumuna daxil olur. Konservatoriyaya imtahan verərkən rektor Cövdət Hacıyevin tərsliyi ilə rastlaşır. Belə ki, Raxmaninovdan ifa zamanı son akkordu özü kimi vurur. Yəni Raxmanindən Vaqifə keçid edir. C. Hacıyevin də bu özünə əminlik xoşuna gəlmir və mübahisələrdən sonra ona yağlı bir “iki” yazır.

***

Gallery

Onun bığı başına bəla olmuşdu. Hara gedirdisə, bığına görə sərt reaksiya görürdü. Hətta AzTv-nin efirinə buraxılmayıb. Amma Vaqifin inqilabçı ruhu heç bir qaydaya uymurdu.

***

Bir nəfər Vaqif Mustafazadədən soruşur:

- O bığla necə yemək yeyirsiniz?

Vaqif Mustafazadə bığına sığal çəkib divardan asılmış Karl Marksın şəklini göstərir:

- O necə yeyirdi, mən də elə...

***

Gallery

Vaqif Mustafazadə 16 dekabr 1979-cu ildə Daşkənddə qastrol zamanı ürək tutmasından vəfat etmişdir. 39 il ömür sürdü...

news-inner-user

19131 məqalə

Oxşar xəbərlər

Xəbər lenti

Onu repressiyadan Mirzə İbrahimov xilas etdi – Abdulla Şaiq haqqında maraqlı faktlar
21:00 24 İyun 2021
BMT-nin nümayəndəsi Bakıdakı erməni kilsəsində olub
19:02 24 İyun 2021
Nişanını qaytarıb qohumu ilə evləndi, sevgilisi damarlarını doğradı, arvadı ona görə özünü öldürdü – Video
18:15 24 İyun 2021
Nüsrət Kəsəmənlinin oğlu Şuşaya görə medal aldı
17:40 24 İyun 2021
Cinsi yolla çoxalma sona çatır: Seksdən qurtuluş
17:30 24 İyun 2021
Azərbaycanlı prodüser iş yerində öldü
16:47 24 İyun 2021
Xalq şairinin kitabı təqdim edildi
16:44 24 İyun 2021
Kann festivalının münsiflərinin çoxu qadınlar olacaq
16:04 24 İyun 2021
Qasımın metamorfozu – Yeni hekayə
15:37 24 İyun 2021
Nizami haqda musiqi albomu təqdim olunub
14:55 24 İyun 2021
Cem Yılmazdan peyvənd açıqlaması: Bunun üçün axmaq olmaq lazımdır
14:12 24 İyun 2021
Azərbaycan-İraq mədəni əlaqələri müzakirə olundu
13:36 24 İyun 2021
Kəlbəcərli şair ata ocağına getdi, şeirlər yazdı - Fotolar
12:50 24 İyun 2021
Həkim olmaq istədi, 18 ay daş daşıdı, namaz qıldı – Elçibəy haqda 10 inanılmaz fakt
12:11 24 İyun 2021
Bütün azərbaycanlıların əzbər bildiyi şeir – Mətn
11:30 24 İyun 2021
Uyuşdurucudan çürüyən 16 yaşlı Aykalar - Tarqovıda, Neftçilərdə, Qaraçuxurda...
11:01 24 İyun 2021
Gənc şairimizin kitabı Özbəkistanda çap olunub
10:37 24 İyun 2021
Tanınmış yazıçımızın xanımı vəfat etdi
10:05 24 İyun 2021
Ayaz Salayevin başına bəla olan qadın – Zamin Hacı yazır...
09:01 24 İyun 2021
7 yaşında atasını güllələdilər, Rəsul Rza onun xəstələnməsinə dözməyib dünyasını dəyişdi, ərinin öldüyünü axıracan bilmədi – Nigar Rəfibəylinin film kimi həyatı
21:00 23 İyun 2021