Gənc şair Fərid Hüseyn 26-27 aprel tarixlərində Kazanda keçirilən, böyük tatar şairi Abdulla Tukayın doğum gününə təsadüf edən Ana Dili Bayramında ölkəmizi təmsil edir.

Bu gün başlayan tədbirə dünyanın müxtəlif ölkələrindən şairlər, yazıçılar qatılıblar.

Açılış mərasimi Abdulla Tukayın heykəli önündə baş tutacaq. Daha sonra şairlər Musa Cəlilin adına Tatarıstan Dövlət Opera və Balet Teatrında şeirlərini səsləndirəcək, ədəbiyyatşünaslar isə ədibin həyat və yaradıcılığı haqqında məruzə ilə çıxış edəcəklər. Bu gün həm də Abdulla Tukay adına Dövlət Mükafatının təntənəli təqdimat mərasimi keçiriləcək.

• Kəlbəcər rayonunun Zar kəndində yeni həyat başlayır - Səxavət Kəlbəcərli
• Mərakeşdə Azərbaycanı tanıtım tədbiri keçirilib
• "Bu hekayə AYB-dəki hadisələrə və şəxslərə etiraz ruhunda yazılmışdısa..." - Müzakirə

Bayramın ikinci günündə tədbir iştirakçıları Abdulla Tukayın dünyaya göz açdığı vilayətə – Ətnə rayonuna (keçmiş Quşlavıc) səfər edəcək, orada ədibin muzeyi ziyarət olunacaq və ədəbi-bədii gecə keçiriləcək.

F.Hüseyn şeir gecəsində “Abdulla Tukay və ölümün möcüzəsi” adlı məruzəylə çıxış edəcək və şeirlərini oxuyacaq./artkaspi.az/

• Kəlbəcər rayonunun Zar kəndində yeni həyat başlayır - Səxavət Kəlbəcərli
• Mərakeşdə Azərbaycanı tanıtım tədbiri keçirilib
• "Bu hekayə AYB-dəki hadisələrə və şəxslərə etiraz ruhunda yazılmışdısa..." - Müzakirə