news-inner
clock12:28 calendar-gray 19 Aprel 2018 view-gray407 dəfə oxunub
view-gray407 dəfə oxunub

Babək haqqında yeni film çəkilir - VİDEO

Azərbaycanın tarixi qəhrəmanı Babək haqqında yeni film çəkilir. APA TV-nin məlumatına görə, ötən il anonsu verilən ekran işinin hazırlıqlarına yaxın zamanda start veriləcək.

Nizami Kino Mərkəzində təşkil olunan mətbuat konfransında yaradıcı heyət bir çox nüanslara aydınlıq gətirib. “Azərbaycan Film Akademiyası”nın istehsalı olan ekran işinin çəkilməsində məqsəd Babəki tarixi şəxsiyyət olaraq olduğu kimi təqdim etməkdir. “Babək 2020” filminin rejissoru Zaur Tahirsoy bildirib ki, 1979-cu ildə çəkilən “Babək” filmində əsas qəhrəman sovet ideologiyasına uyğun çəkilib, bəzi məqamlarda təhriflərə yol verilib. “Bizim filmdə isə tamaşaçılar Babəki əsl döyüşçü kimi görəcəklər. Babəkin İslama qarşı deyil, ərəb zülmünə qarşı vuruşduğunu vurğulayacağıq” deyə rejissor qeyd edib.

Ssenari müəlliflərinin kimliyi Babəkşünaslar və tarixçilərlə məsləhətləşmələr bitəndən sonra bəlli olacaq.

Zamanında Babək obrazı ilə sevilən xalq artisti Rasim Balayev bu filmdə də olacaq, amma balaca Babəkin atası rolunda. Ekran işində məşhur türk aktyorlarının, o cümlədən "Kurtlar Vadisi"ndə Memati obrazını canlandıran Gürkan Uyqunun yer alacağı bildirilir. O ki qaldı əsas obraza, Babək əl-Xürrəmini məşhur şanson ifaçısı Ceyhun Bakinski canlandıracaq.

Babək haqqında çəkilən ilk film o zaman Azərbaycan SSR-də ən bahalı film idi. Tarixi döyüş janrında çəkiləcək növbəti ekran işinin büdcəsi də kifayət qədər yüksəkdir: “Filmi ərsəyə gətirəcək komandanı xaricdən dəvət etsək, qat-qat ucuz başa gələcək. Qrafikanın imkanları büdcəni minimuma endirməyə imkan verir. Məsələn, “Game of Thrones” filminin ilk bölümünün büdcəsi 5-6 milyon manatdır. Tarixi film üçün bu, böyük rəqəm deyil. Tam büdcəni açıqlamaq istəmirəm, təxminən bu civarda rəqəm olacaq”.

Döyüş səhnələrində “Nomad Stunts” beynəlxalq kaskadyorlar birliyinin üzvü, peşəkar idmançı, aktyor Sain Fərhad Fərmanlı və komandası da iştirak edəcək. O bildirib ki, Azərbaycanda ən uğurlu işlərindən biri “Ali və Nino” filmidir. Peşəkar kaskadyor “Babək 2020” filmində həm kütləvi, həm də kiçik döyüş səhnələrinin öhdəsindən yüksək səviyyədə gələcəklərinə əmin olduğunu vurğulayıb.

Filmdə qrafik elementlərdən bol istifadə olunacaq. Bu iş peşəkar qrafist Famil Əsədova həvalə olunub.

“Babək 2020” filminin xronometrajı 90 dəqiqə olacaq. Hazırlıqlar 2019-cu ilə qədər bitəcək. Ekran işinin təxminən 2 il sonra təhvil verilməsi planlaşdırılır. Elə ad seçimində də bu nüans nəzərə alınıb.

news-inner-user

18694 məqalə

Oxşar xəbərlər

Xəbər lenti

Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla - Kamal Abdulla yazır...
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021
Xalq şairi Musa Yaqub dəfn olunub - Fotolar
12:37 08 May 2021
Şeir yazmağa Stalinə görə başladı, evli ola-ola bir qadına vuruldu, arvadı sevgilisinə yazdığı şeirləri gizli oxudu – Musa Yaqubun nağıl kimi həyatı
12:30 08 May 2021
Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021