“Port Baku Mall” rəsm qalereyasında 18 xanım rəssamın əsərlərindən ibarət sərgi açılıb.
APA-nın məlumatına görə, “Təbiət, qadın və gözəllik” mövzusunu əsas konsepsiya olaraq seçən rəssamlar öz işlərində müxtəlif üslub və texnikalardan istifadə ediblər.
Sərginin açılış mərasimində çıxış edən argentinalı rəssam Marta de Quesada tədbir haqqında fikirlərini bölüşüb. O, 18 qadın rəssamın təqdim olunan əsərlərinin bir konsepsiyaya xidmət etdiyini deyib.
Tədbirin təşkilatçılarından biri və rəssam Turan Muxtarzadənin sözlərinə görə, sərgidə Azərbaycanla yanaşı Türkiyə, Argentina, Xorvatiya rəssamları iştirak edir: “Ümumilikdə 60 əsər təqdim olunur. Sərgi aprelin 19-dək davam edəcək. Ekspozisiyadan da göründüyü kimi əsas mövzumuz qadın və təbiətdir. Sərgidəki əsərlər həm də satış məqsədilə nümayiş olunur. Sənətsevərləri dəvət edirik ki, həm ekspozisiyadan həzz alsınlar, həm də ürəkləri istəyən əsəri evlərinin divarlarında görsünlər. Sərgi istedadlı fırça ustalarının şəhərimizin mədəni palitrasına daha bir töhfəsi olacaq”.
Təşkilatçı Ellada İsmayılova çıxış edərək, sərginin maraqla qarşılanacağına inandığını qeyd edib. O, əlavə edib ki, sərgidə gənc xanım rəssamlar - Turan Muxtarzadə, Ellada İsmayılova, Kəmalə Əliyeva, Lalə Şükürova, Səadət İsayeva, Marta de Quesada, Jasmin Frakassetti, Jalə Həsənova, Kübra Vəliyeva, Nərmin Sadıqova, Samirə Ağayeva, Ayla Ağayeva, Məryəm Şirin, Gülnar Əliyeva, Pakizə Kılınc, Aidə Ağayeva, Aişə Qurbanova və Fidan Zeynalovanın əsərləri yer alıb.
Qeyd edək ki, “Art Gallery Turan”ın və Ellada İsmayılovanın təşkilatçılığı ilə reallaşan sərginin dəstəkçiləri “HOMS” Qrupu Səfir Xanımları Cəmiyyəti və Beynəlxalq Qadınlar Klubu (IWC) xeyriyyə təşkilatlarıdır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər