news-inner
clock11:55 calendar-gray 16 Aprel 2018 view-gray420 dəfə oxunub
view-gray420 dəfə oxunub

Millət vəkilinin ölümünə sevinmək – Nifrət, yoxsa naqislik?

Ayxan Ayvaz

Həyat faciə janrındadır, çünki sonu ölümlə bitir. Bizim bütün hərəkətlərimiz, yaşadıqlarımız ölümümüzə hazırlıqdır. Hər şey bizi ölümə doğru aparır. Ölümə tələsirik.

Yazıya bu cür pessimist tonda başlamaq istəməzdim. Amma əbədi-əzəli mövzu olan ölümün indiki mənzərəsi ürəkaçan deyil.

Biz ölümü hər an xatırlayırıq. Onu bəzən bir filmdə görürük, bəzən hansısa əsərdə, bəzən hansısa şeirdə.

Ölüm sevinməsin qoy! Ömrünü vermir bada

Yaxud:

Öləsən, bir düşmən sevindirəsən.

Ölüm bizim camaat üçün dəhşətlidir. Ağlaşmağa həssas insanlar ölkəsindəyik. Yas mərasimlərimiz çox ağır şəraitdə keçir.

Bizim üçün ölüm hər şeyin sonu deməkdir. Düşünürük ki, o adam bir daha gəlməyəcək və bir neçə ildən sonra tamamilə unudulacaq.

Bir az mistik düşünənlər də var. Başqa bir həyatın olduğuna bütün qəlbi ilə inananlar.

Onlar digərlərinə baxanda ölümü rahat qarşılayırlar. Bunu dünyanın təbii halı kimi izah edirlər.

Bir də var buddist yanaşma: nə vaxtsa ölən adam başqa bir canlı kimi həyata qayıdacaq.

Hər nə olur-olsun, bütün ölümlər erkən ölümdür. Və insanda kədər oyadır.

Amma bəzən ölümün kədəri basdırdığı, sevincə xeyli yer ayırdığı olur. Necə deyirlər? Kədər səni nə qədər dərindən oyursa, içində o qədər çox sevinc saxlaya bilərsən.

Mən ölümə sevinənlər görəndə sözün həqiqi mənasında şoka düşürəm. Qəribə mənzərədir.

İlhamə Quliyeva öləndə sanki ölkə toy-bayram keçirirdi.

İndi də “otxod” sözü ilə əbədiyaşarlıq qazanan deputat.

İnsanların bu ölümlərə sevinməyinin altında qisas, intiqam duyğusu baş qaldırır. Bəzən gücün çatmayan birinin ölümü səni uğurlu günlərə səsləyir. Həmin adamlar düşünür ki, yaranan vəziyyət insanı ölümə sevindirir. Ölüm bir anlıq qəhrəman kimi qabağımıza çıxır. “Həmişə yaxşı adamlar gedir” düşüncəsini özündə daşıyan insanlar “pis adam”ın ölümünə sevinməyə bilmir.

Amma bu sevinc indi içdən-içə getmir, gün işığına çıxır, hamının gözünü deşir.

Bayram edən kim, yumor hissinə söykənib kef çəkən kim...

Bu nifrətin, aqressiyanın əsaslı səbəbləri var. Burası aydındı.Başa düşürsən ki, ölən adama münasibət birmənalı deyil, di gəl, yenə hamıya car çəkə-çəkə sevinməyi anlaya bilmirsən.

Bu bizim cəmiyyətin naqisliyi olmaya?

Ya bədbəxtliyi?

Ya çox zəif və aciz olmağı?

Səbəb nə olur-olsun, mən ölümə sevinməyin altında iblisanə bir məkr duyuram. Ölümə sevinmək insanı neqativ göstərir, onu gözümüzdə çirkinləşdirir. Bəli, bəzən elə adam görürsən, deyirsən, o niyə həyatdadır, ölsə daha yaxşıdır. Ancaq o adamlar da olmalıdır axı. Və var. Həyat birtərəfli deyil. Pisi də olmalıdır, yaxşısı da.

O başqa söhbət ki, insan gərək elə hərəkət etsin, sabah arxasınca danışmasınlar. Bu da aydındır. Ancaq bəlkə elə ölüm o adamın xilasıdır.

Bəlkə ölümdən o yanası doğrudan da yoxdur. Nəyə sevinirik axı? Bəlkə hamımızın ölümünü gözləyən, o ölümə baxıb üzündə təbəssüm yaradacaq adamlar var? Niyə özümüzü kimdənsə yüksəkdə tuturuq ki? Bəlkə elə sənin baş daşının üstündə ağlayan qarapaltarlı qadın həm də sənə irad tutacaq ki, zamanında kimlərinsə ölümünə sevinirdin?

Nə qədər çıxılmaz bir vəziyyətdə olasan ki, birinin ölümünə sevinəsən. Həqiqətən, o adamlara baxanda qəribə bir hüzn dolur içimə. “Biz zəifik, zəif”. Bir “pis”in ölümünə sevincək qədər zəif...

Mən ölümə ancaq zırhazır ağlamağın da tərəfdarı deyiləm. Yanlış anlaşılmasın. Hətta bununla dəfələrlə zarafatlaşmışam. Ölümlə ironiya etmək, onu yumor hədəfinə çevirmək olar. Yerində işlənmiş bənzətməyə canım qurban. Lakin...

Ölüm insanı ibliscəsinə sevindirirsə, o zaman çox böyük təhlükədir. O ölümün heç bir günahı yoxdur. Adam yaşayır, kiməsə pisliklər edir və bir gün adı dəyişib olur ölüm. Vəssalam. O artıq sənin lağa qoyduğun adam deyil. Onun adı ölümdür.

Ölümə sevinməzlər.

Çünki sənin də adın nə zamansa ölüm olacaq.

news-inner-user
Ayxan Ayvaz

487 məqalə

Oxşar xəbərlər

Xəbər lenti

"Sənin bu “qadın travmandan” xeyli həzz aldım" - Seymurla Aygün Aslanlının söhbəti
18:40 19 Yanvar 2021
"Simpsonlar"ın ssenaristi öldü
17:56 19 Yanvar 2021
Orxanı yenə polis apardı – Əsgərlikdəki şairlə söhbət
17:12 19 Yanvar 2021
Balacalar üçün onlayn tamaşa
16:31 19 Yanvar 2021
“Qarabağ hekayələri” qırğız dilinə tərcümə olundu
15:53 19 Yanvar 2021
“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021
Nizami yenidən tədqiq edilməlidir - İradə Musayeva yazır...
10:52 19 Yanvar 2021
Tanınmış aktyor vəfat etdi
10:20 19 Yanvar 2021
Haaqada “20 Yanvar uşaqların gözü ilə” adlı virtual sərgi açıldı
09:55 19 Yanvar 2021
Müasir monqol hekayəsi: Portret - Orijinaldan tərcümə
09:00 19 Yanvar 2021
Nizaminin əsərləri ilə bağlı müsabiqə elan olundu
18:54 18 Yanvar 2021
“Şəhərin qış gecələri” tamaşası onlayn nümayiş ediləcək
18:22 18 Yanvar 2021
İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021