news-inner
clock09:58 calendar-gray 13 Aprel 2018 view-gray204 dəfə oxunub
view-gray204 dəfə oxunub

“Uçan xalça” Avstriyada

Vyanada fəaliyyət göstərən Azərbaycan Mədəniyyət Mərkəzində Azərbaycan və Avstriyanın gənc rəssam-tələbələrini birləşdirən “Uçan xalça” sərgisinin açılışı olub. Sərginin təşkilatçıları ölkəmizin Mədəniyyət və Turizm Nazirliyi, Azərbaycan Xalça Muzeyi, Avstriyadakı Azərbaycan Mədəniyyət Mərkəzi və Vyana Tətbiqi Sənət Universitetidir.

Kulis.az Azərtaca istinadənxəbər verir ki, açılış mərasimində Vyanada akkreditə olunmuş diplomatik korpusun nümayəndələri, Avstriyadakı səfirliyimizin təmsilçiləri, Azərbaycan Xalça Muzeyi, Vyana Tətbiqi Sənət Universiteti və Azərbaycan Dövlət Rəssamlıq Akademiyasının rəhbərləri, incəsənət xadimləri, ekspertlər və sənətsevərlər iştirak ediblərlər.

Tədbiri giriş sözü ilə açan Avstriyadakı Azərbaycan Mədəniyyət Mərkəzinin direktoru Leyla Qasımova iki ölkənin ali təhsil müəssisələri arasındakı məhsuldar əməkdaşlığı, tələbə mübadiləsini, birgə layihə və sərgilərin təşkilini yüksək qiymətləndirib. Rəhbərlik etdiyi qurumun Avstriyada təkcə Azərbaycan mədəniyyət və incəsənətini təbliğ etməklə kifayətlənmədiyini vurğulayan mərkəzin rəhbəri hər iki ölkənin incəsənət xadimləri, xüsusilə də gənc sənətçilər və tələbələr arasında əməkdaşlıq əlaqələrinin gücləndirilməsinin diqqət mərkəzində dayandığını bildirib. Məhz bunları nəzərə alaraq, Azərbaycan Mədəniyyət Mərkəzi böyük məmnuniyyətlə “Crossing” (“Kəsişmə nöqtəsi”) kreativ incəsənət layihəsini dəstəkləyib.

L.Qasımova qeyd edib ki, rəhbərlik etdiyi mərkəz gələcəkdə də Azərbaycan və Avstriya arasında mədəni körpünü möhkəmləndirməyə xidmət edən bu kimi layihələrdə yaxından iştirak edəcək.

Layihə haqqında danışan Azərbaycan Xalça Muzeyinin direktoru, ICOM Azərbaycan Milli Komitəsinin sədri, sənətşünaslıq üzrə fəlsəfə doktoru Şirin Məlikova bildirib ki, muzey tərəfindən keçən ilin oktyabr ayında Bakıda “Ənənələr və innovasiyalar” mövzusunda Azərbaycan xalçası üzrə V Beynəlxalq Simpozium təşkil olunub. “Bu tədbir ölkəmizin mədəni həyatında böyük və əlamətdar hadisə olaraq tarixə yazıldı. Simpozium Azərbaycan Respublikasının Prezidenti İlham Əliyevin 14 noyabr 2016-cı il tarixli Sərəncamına əsasən keçirilib. Mötəbər tədbirə qatılmaq üçün dünyanın qabaqcıl xalça və tekstil üzrə ekspertləri, rəssamlar, kolleksiyaçılar, jurnalistlər və s. Azərbaycana təşrif buyurublar. Simpozium Azərbaycan xalça sənətinin ölkəmizin Birinci vitse-prezidenti Mehriban Əliyevanın böyük səyi nəticəsində UNESCO-nun Bəşəriyyətin Qeyri-Maddi Mədəni İrs üzrə Reprezentativ Siyahısına daxil olunmasından sonra keçirilən ən mühüm hadisələrdən biri oldu. Beynəlxalq tədbirin keçirilməsi ilə əlaqədar Xalça Muzeyi “Ənənələr və innovasiyalar” mövzusunda bir sıra layihələr hazırlamışdır. Onların sırasında “Uçan xalça” sərgisi xüsusi olaraq təqdirəlayiqdir”.

Muzeyin direktoru layihənin əhəmiyyətli dərəcədə böyük marağa səbəb olduğunu da deyib. “Kəsişmə nöqtəsi” adlandırdığımız bu layihədə ən əhəmiyyətli cəhət tələbələrin birgə işdən, ənənələrlə tanışlıqdan əldə etdikləri təcrübədir. Onlar ornament sənətinin tarixi ilə yaxından tanış olaraq, ekspozisiyada xalçalara baxır, kitablar oxuyur, birgə müzakirələr aparır, kəsişmə nöqtələri axtarır və tamamilə gözlənilməz qərarlara gəlirdilər. Eksperiment inkişafın əsasıdır və məsuliyyət hissi ilə demək olar ki, biz məqsədimizə nail olduq. Bu eksperiment nəticəsi olan “Uçan xalça” sərgisi 2018-ci ilin yanvar ayınadək Azərbaycan Xalça Muzeyində böyük uğurla nümayiş edildi. Üç ay ərzində sərgi ilə ümumilikdə 20 mindən çox qonaq tanış olub”, – deyə Şirin Məlikova bildirib.

Vyana Tətbiqi Sənət Universitetinin prorektoru, Tekstil kafedrasının rəhbəri, doktor Barbara Putz-Pleçko qeyd edib ki, təmsil etdiyi ali təhsil müəssisəsi beynəlxalq tərəfdaşlarla mədəniyyətlərarası əməkdaşlıq və birgə layihələrin həyata keçirilməsində hər zaman maraqlıdır. O, mədəniyyətlərarası dialoqun incəsənətə çevrilişini əks etdirən və beş ay ərzində tələbələrin birgə fəaliyyəti nəticəsində ərsəyə gələn “Uçan xalça” sərgisinin Bakıda olduğu kimi, Vyanada da sənətsevərlər tərəfindən böyük maraqla qarşılanacağına əminliyini ifadə edib. Həmçinin qeyd edilib ki, Azərbaycan Dövlət Rəssamlıq Akademiyası ilə Vyana Tətbiqi Sənət Universiteti arasında incəsənət layihələri bundan sonra da davam etdiriləcəkdir.

Sonra hər bir layihə iştirakçısı tədbir iştirakçılarına öz əsəri barədə məlumat verib, onları maraqlandıran sualları cavablandırıb.

Qeyd edək ki, sərgi mayın 10-dək Vyanada fəaliyyət göstərən Azərbaycan Mədəniyyət Mərkəzində davam edəcək.

news-inner-user

15823 məqalə

Oxşar xəbərlər

Xəbər lenti

Mübariz Örəndən yeni hekayə: İlıq
21:00 13 İyul 2020
Nərgiz İsmayılovanın yeni monoqrafiyası nəşr olundu
18:44 13 İyul 2020
Bollivud ulduzu koronavirusa yoluxdu
18:02 13 İyul 2020
Payızda vağzala getməyəsən... - Poetik etüdlər
17:36 13 İyul 2020
Mirmehdi Ağaoğlunun Türkiyədə hekayələr kitabı çap olundu
17:18 13 İyul 2020
On beş ilin salamı – Kənan Hacı yazır
16:39 13 İyul 2020
Bu gün “Vətən borcu” filminin premyerası olacaq
15:51 13 İyul 2020
Tənqidin sərhədləri - Qismətin Tomas Eliotdan tərcüməsi...
15:10 13 İyul 2020
Məşhur müğənni kitab yazdı
14:25 13 İyul 2020
Koronavirusa həsr olunan film çəkilir
13:37 13 İyul 2020
Elvis Preslinin nəvəsi intihar etdi
12:56 13 İyul 2020
Qanıyla torpağa “Qarabağ” yazan, son nəfəsdə şikəstə oxuyan, mina ilə tankın altına sürünən Azərbaycan əsgəri – Müharibə əhvalatları
12:15 13 İyul 2020
Ötən günün müharibə həyəcanı - Samirə Əşrəf yazır...
11:37 13 İyul 2020
Gevorkovun bacısı qızı ilə gəzən azərbaycanlı – Mahir yazır...
11:05 13 İyul 2020
Məşhur rəsm əsəri 22 milyon dollara satıldı
10:30 13 İyul 2020
Yazıçımızın hekayəsi Gürcüstan ədəbiyyat portalında
09:34 13 İyul 2020
“Mücrü” jurnalının baş redaktoru: “Ayağım nəşriyyata düşərli olmadı” – Müsahibə
09:00 13 İyul 2020
Xalq artisti koronavirusa yoluxdu
14:28 12 İyul 2020
Qızını ölən qızının həyat yoldaşına verdi, oğlu intihar etdi, nəvəsi güllələndi... – Axundov haqqında inanılmaz faktlar
12:15 12 İyul 2020
Anar özünün ən uğurlu hekayəsini seçdi – Mətn
11:44 12 İyul 2020