writer1

Ayxan Ayvaz

Məqalə sayı

528
clock10:52 calendar-gray 12 Aprel 2018 view-gray3513 dəfə oxunub
view-gray3513 dəfə oxunub

Mənim fahişə dostum

Ayxan Ayvaz

“Nə yaşın var” deyib müdrikcə gülümsəmə,

Körpəsini uşaq evində atıb fahişəlik edən

16 yaşlı qadının da “nə yaşı var’’ elə .

Fəridə Uğur

Sizin fahişə dostunuz olub? Qəribə səslənir deyilmi? Hətta bəzilərinizin dodaqaltı mızıldandığını da eşidirəm: “Fahişədən dost olar?”

Keçən gün bərbərim saçımı qırxa-qırxa mənə əbədi-əzəli bir sual verdi.

- Fahişələrə necə baxırsan?

Açığı, danışmaq, hədər yerə özümü yormaq istəmədim, amma bərbər dostumuz yaxamdan əl çəkmədi.

- Fahişələr olmasa, o əli qız əlinə dəyməmiş oğlanlar bilirsən nə qiyamət eləyərdilər? Aqressiyaları birə beş artardı.

Bərbərim diqqətlə mənə baxdı, hiss elədim ki, oxum hədəfə dəyib, verdiyim cavab xoşuna gəlib. Və bu an qəfil yazımın girişində sizə ünvanladığım sualı mənə verdi:

- Fahişə dostun olub heç?

Çiynimi çəkdim.

- Dost deyə bilmərəm, amma tanıyırdıq bir-birimizi.

- Məndə də elə olub e. – dedi. – Amma bir fahişəyə dost deyə bilərsən?

- Deyərəm...

Yeniyetmə vaxtlarımda Dostoyevski aşiqi idim və onun romanlarını oxuyandan sonra fahişələrə qarşı içimdə qəribə duyğular baş qaldırmışdı. Hətta hiss edirdim ki, onları sevə də bilərəm.

Fahişələr haqqında hüznlü cümlələr qurub özümü sentimental aparmaq fikrindən uzağam. Onların yalançı olduqlarını da görmüşəm. Danışdıqları əhvalatları özlərindən quraşdırdıqlarını da. Yazıçılığa oxşar bir xətt vardı fahişələrdə. Bəlkə də məni onlara çəkən buydu. Hətta bir dəfə dostum zarafatla fahişələrə “hamımızın toyunda” deyəndə bərk qəzəblənmişdim.

O günlər bir fahişə ilə bərbər dostumun təbiri ilə desək, tanış oldum. Təfərrüata varmaq istəmirəm. Adı məndə gizli qalsın. Bir-birimizin nömrələrini almışdıq. Hərdən danışırdıq, hərdən də görüşürdük. Ancaq bu görüşlərdə, bu söhbətlərdə məni fahişəylə bağlayan dost telləri görürdüm. Məni onun hekayəsi çəkmişdi. Bəlkə də quraşdırdığı hekayə. Tələbə vaxtı rəfiqəsi intihar edibmiş. Tez-tez mənə ondan danışırdı. Onu sevdiyi oğlan aldatmışdı, bakirəliyini alıb çıxıb getmişdi uzaqlara. Məncə, qızın sonrakı halını təsvir etməyə dəyməz. Evdə qırğın-dava, ona “fahişə” gözü ilə baxmaq və bunun kimi çəkilməz bir həyat. Axırda qız öz otağındakı çarpayıya bağladığı iplə özünü boğub öldürmüşdü. Fahişə dostum onun gündəliyindən danışırdı. Deyirdi, başına gələnləri yazıb: “Bir gün sənə verəcəm. Ondan yazarsan”. Ancaq heç vaxt o gündəliyin üzünü görmədim.

İndi bilmirəm hardadır. Əlaqəmiz çoxdan üzülüb. Bu hekayəsi isə məni həmişə yerindən oynadır. Bilirsiniz niyə? Düşünürəm ki, onun danışdığı hekayə əslində öz hekayəsidir. Sadəcə o qızın adından danışır. Bircə intihar hekayənin fantaziya hissəsidir.

Öz hekayəsini başqasının adı ilə danışan fahişə mənə kəndimizdəki əyyaşı xatırladır. O əyyaşdan uşaq vaxtı çox qorxurdum. Həmişə onu görəndə dabana tüpürürdüm. O kişi həmişə özü haqqında üçüncü şəxs kimi danışırdı: “O, bu dünyaya gəldi, atasını müharibədə itirdi...”

Məncə, fahişə dostum da özü haqqında üçüncü şəxs kimi danışırdı: “Onu aldatdılar. Bir dəfə qolunu doğradı. Kişilərə inanmaq istədi”.

Sentimental bir türk filmi kimi görünə bilər, bəziləriniz bu hadisəni düşük hesab edə bilər. Bəlkə də siz haqlısınız. Biz yaradıcı adamlar məsələni çox şişirdirik. Bəlkə sizdən daha həssasıq deyə belədir? Bilmirəm.

Və biz də özümüz haqqında hekayəni başqasının adı ilə danışırıq. Hamımızın içində öz hekayəsini danışmaq yanğısı var. Biri bu hekayəni dinləsin deyə. Və bütün hekayələrin altında qəmli bir nəğmə gizlənib.

REKLAM

Yazarın digər yazıları

Xəbər lenti

Əhli-kef
11:01 20 İyun 2021
Kamyunun arvadı bu ssenariyə etiraz etdi – “Yad” filmində baş verənlər
16:31 19 İyun 2021
Müğənni Sılanın kitabı çap olundu
15:41 19 İyun 2021
"Qırmızı papaq" onlayn nümayiş olunacaq
13:46 19 İyun 2021
Gəlinini iş yoldaşına qısqanan “Qoçu Əsgər” – Xalq artistindən maraqlı faktlar
12:29 19 İyun 2021
Fərəc Fərəcov haqqında monoqrafiya çap olunub
11:25 19 İyun 2021
Devid Quetta musiqilərini satdı
10:25 19 İyun 2021
Bu mahnı gənc alimi cəsarətləndirmək üçün yazılmışdı: Dünyanı gəzdi - İllərin mahnısı
09:01 19 İyun 2021
Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021