news-inner
clock15:45 calendar-gray 09 Aprel 2018 view-gray447 dəfə oxunub
view-gray447 dəfə oxunub

Fahişə bədənini güllələyir dodaqlarım - Tural Turandan YENİ ŞEİRLƏR

Kulis.az gənc şair Tural Turanın yeni şeirlərini təqdim edir.

Unutmağın formulu

Yenə ağarmağa başlayır ayrılığın dan yeri,

Mamır basmış evlər oriental oynayır önümdə.

Qarşımdakı kilsə arxasını çevirir ayaqlarıma.

Yolunu dəyişirəm, əlikəsik gecənin,

yorğunluğun göbək atdığı bir tinə yaxınlaşıram.

Gözündən içki tökülür kafelərin, barların.

Bir də ayılıram ki, gözü göyərmiş ağrılarla

fahişə bədənini güllələyir dodaqlarım...

Artıq qaranlığın başına xına qoyur

əli güzgülü və lampalı günəş.

Mənsə gedirəm yatmağa,

yata-yata bu günü də ərə verəcəyəm...

Min illərdir beləcə

hələ də qabıq qoyur, unutmağın formulu.

Ovucda qarıyan dualar

(Ayxan Ayvaza)

Xoşbəxtliyin dişləri tökülür bu şəhərdə.

İnancların yanaqları batıb məbəd divarlarında.

Rahibə örtüklərində kirlənir tanrılar.

Dualar bir ovuc şam işığında qaranlığa bürünür.

Adamların başlarından çiyinlərinə

üçbucaq sərhəd cızır müqəddəslik...

Keşiş zınqırovları qəhqəhə çəkir

möminlərin şikəst günahlarına.

Tanrıya çatana qədər

ovuclarınızda qarıyan

dualarınızın sağlığına içirəm bu gecə.

Daha içkilər də dayəlik eləmir,

ərköyün və gözü eynəkli ağrılara.

On dörd gecəlik ay köməyiniz olsun,

aşağı faizlə pensiyaya çıxmış

dua təqaüdçüləri...

Dili kirayə vermək olmur…

Adam var ovcundan,

Adam da var cibindən atır özünü.

Ağrının nişan üzüyüdür intihar kəndiri.

Tanrı, çadrasından bir cüt göz ağardır deyə,

Hər adam ölümlə kəbin kəsdirə bilmir.

…İplə ağac arasında ölüm böyüdürük indi.

Başa düşün, dili kirayə vermək olmur,

Bu dünyada bircə kirayə var –

Yaradanın son mənzili…

Hər intihar xəbərinin başlığında

Bir vətən asılır dar ağacından.

Bütün şairlər ipə gözütox gedir,

Yerində qalan qələmlər ölür “acından”.

Şairlər özünü asdığı yerdən,

Aparın ölkənin bayrağın asın.

***

Hələ üç aylıqkən kəsdik

eşqimizi ana südündən.

Tənhalığın uşaq evinə verdik

bir cüt yalnızlığımızı.

Anlamadıq ki, ayrılıq

ölümün boy ölçüsüdü.

İndi bütün ayrılıqlar pəncərələrdə,

indi bütün yalnızlıqlar şəkillərdə böyüyür.

Bütün yanağı solmuş fotolar,

xoş günlərimizin

sinəsindən çıxarılmış gilizlərdi.

Sənli anlarımı soyuducu çərçivələrdə

süvinir saxlayıram, yonca qoxulum.

Ayrılığın əkin yeridi yanaqlarım,

gözlərim suvarır səpdiyin toxumları.

Sən gedəli kökü üstündə qarıdı çiçəklər,

qoxuları sarılıq keçirdi yasəmənlərin...

Qovuşmağın himnini yazıram tikanlı məftillərə.

2018

news-inner-user

20044 məqalə

Oxşar xəbərlər

Xəbər lenti

Tərəf müqabili ilə üçaylıq sevgi yaşayan, evi olmadığı üçün qarajda qalan, iki dəfə intihara cəhd edən Xalq artisti
21:00 28 Sentyabr 2021
Vətən Müharibəsi qəhrəmanı haqqında film çəkilir
18:50 28 Sentyabr 2021
Bakı Beynəlxalq Kitab Sərgisində nələr olacaq?
18:15 28 Sentyabr 2021
Sahilənin Sənanı və "Şeyx"i
17:28 28 Sentyabr 2021
Onun geridəqalmışlığı mükafata layiqdir – Aqşin Yenisey yazır
16:44 28 Sentyabr 2021
Filmimiz beynəlxalq festivalın ən yaxşısı oldu
15:59 28 Sentyabr 2021
Üzeyir bəyə tələ quran erməni musiqiçilər - Tarixin gizlinləri
15:10 28 Sentyabr 2021
Baydarovun filmi nufuzlu festivalda - Foto
14:22 28 Sentyabr 2021
Osmanlı sultanlarının portretləri satışa çıxarılacaq
13:35 28 Sentyabr 2021
Qarabağ mövzusunun dələduzları – Şərif Ağayar yazır...
12:54 28 Sentyabr 2021
Əri ola-ola Telman Adıgözəlov ona evlilik təklif etdi, kişi aktyorlarımızın arasına qısqanclıq davası saldı – “Bəyin oğurlanması”nın məşhur siması kim idi?
12:09 28 Sentyabr 2021
Ölməyə vətən yaxşı... - Onlar niyə qürbətdə öldülər?
11:32 28 Sentyabr 2021
Nazirlikdən bəstəkara cavab: “Beş min verdik, götürmədi” - Özəl
11:01 28 Sentyabr 2021
Məşhur şair Fərid Hüseynin tərcüməsində - Yeni kitab
10:25 28 Sentyabr 2021
Universitetin dördüncü mərtəbəsindəki it – Yeni hekayə
09:01 28 Sentyabr 2021
"Anam deyir ki, o, ayaqqabılarını çıxarmaq istəyəndə, birinci katib qoymadı" - Səməd Vurğunu belə görməmisiniz - Foto
21:02 27 Sentyabr 2021
Tağıyevin heykəli yaxın günlərdə açılacaq - Rəsmi
18:55 27 Sentyabr 2021
Məşhur ingilis tədqiqatçının Nizami yanlışı – Vilayət Quliyev yazır...
18:20 27 Sentyabr 2021
Yazıçıların qaranlıq həyatı kitab oldu – Yeni nəşr
17:40 27 Sentyabr 2021
Müharibə xəbərinə özünü itirən taksi sürücüsü
16:53 27 Sentyabr 2021