news-inner
clock09:00 calendar-gray 07 Aprel 2018 view-gray336 dəfə oxunub
view-gray336 dəfə oxunub

Gürcü rejissorun Berlin festivalında mükafat alan filmi - ƏSL KİNO

Kulis.az “Əsl kino” layihəsində gürcü rejissoru Otar İoselianinin “Bazar ertəsinin səhəri” (2002) və amerikalı Tom Diçillonun “Başdanxarab” (2006) filmlərini təqdim edir.

Otar İoseliani 1984-cü ildən Fransada yaşayır. Müsahibələrindən birində isə 2006-cı ildə Gürcüstana köçdüyünü desə də filmlərini Fransada çəkir.

Rejissor Kann, Berlin, Venesiya festivallarının mükafatçısıdır. Fransa və İtaliya istehsalı olan “Bazar ertəsi səhər” filmi isə 2002-ci ildə Berlin festivalında “Ən yaxşı rejissor” işinə görə “Gümüş ayı” mükafatına layiq görülüb.

Süjet: Fransanın əyalətlərindən birində yaşayan Vensan (Jak Bidu) həyatın yeknəsəqliyindən yorulub. O, hər gün səhər tezdən işə gedir, gün batanda qayıdır. Oğullarının öz maraq dairəsi var, arvadının başı ev qayğılarına qarışıb. Qoca anası isə öz dünyasında yaşayır.

Vensan vaxtı olanda rəsmlər çəkir. Günlərin birində o, ailəsindən xəbərsiz Venesiyaya yola düşür...

İoseliani həyatımızın monotonluğu haqda poetik tragikomediya çəkib. Onun qəhrəmanı mənasızlıqda məna axtaran biridir.

Rejissor maraqlı obrazlar kaleydoskopu ilə həyatın eyniliyini, sıxıcılığını daha qabarıq göstərir: Qoca hər gün eyni marşrutla gəzintiyə çıxır. Poçtalyon başqalarının məktubunu oxuyur. Şorgöz keşiş qadın görəndə ağzı sulanır. Yazmağı bilməyən qaradərili fermer başqasına sevdiyi qadın üçün məktublar yazdırır. Uşaqlar darıxmamaq üçün cürbəcür oyunlar uydurur.

Müəllif amansız bir həqiqəti anladır. Bizə həmişə elə gəlir ki, xoşbəxtlik hardasa biz olmayan uzaqlıqdadır. Vensan da belə düşünür, ona görə də xoşbəxtliyinin axtarışına çıxır, amma Venesiyada da özünə yer tapa bilmir. Onun evinə dönməyi bir şeyi ifadə edir: hər yer eynidir, hər yerdə həyat sıxıcıdır, günlər bir-birinə bənzəyir.

Rejissor gündəlik məişətin yoruculuğunu təmkinlə, tələsmədən təsvir edir, darıxmağın, cansıxıcılığın tablosunu yaradır. Bu emosiyasız filmdə nəsə baş vermir.

Rejissor film haqda deyir: “Bu kədərli komediyada hər şey öz təcrübəmə əsaslanır. Film bu dünyada xoşuma gəlməyən şeylər haqdadır. İnsan ona görə doğulur ki, hər gün monoton işi görsün və bu mənasızlığa bütün həyatını xərcləsin. Bu fikir mənim üçün dözülməzdir”.

Yeri gəlmişkən, rejissor özü də filmdə oynayır. O, saxta aristokrat obrazını yaradıb.

***

“Başdanxarab” komediyasına görə amerikalı Tom Diçillo San-Sebastyan festivalnda “Gümüş balıqqulağı” mükafatını alıb.

Süjet: Gənc Tobi (Maykl Pitt) bomj həyatı sürür. Onun anası ilə münasibəti alınmadığından evdən gedib və küçələrdə yaşayır. Tobinin arzusu aktyor olmaqdır. O, küçədə veyllənəndə bir qrup paparazzi ilə rastlaşır. Onlar gənc müğənni Karmanı (Elison Loman) çəkmək üçün qapısı ağzında toplaşıblar. Şərait elə gətirir ki, Tobi paparazzilərdən birinə - Lesə (Stiv Buşemi) yardım etməli olur. Sonra onun evində gecələmək üçün icazə istəyir. Əsəbi, emosional Les Tobini özünə köməkçi götürür. Tobi ziyafətlərdən birində müğənni Karma ilə yaxından tanış olur və onların arasında eşq macərası başlayır. Les isə Tobinin şou dünyasına asanlıqla daxil olmasına qısqanclıqla yanaşır....

Film paparazzilər və şou-biznes dünyası haqda çəkilmiş ən yaxşı filmlərdən biridir. Müəllif paparazzilər ilə şou aləminin qarşılıqlı münasibətini, onların mətbəxini, görünməyən tərəfləri göstərir. Bu dünyanın psixoloji portretini təsvir edir. Özəlliklə də Lesi bu dünyanın ümumiləşmiş obrazı kimi təqdim eləyir. O, məşhurlaşmaq üçün hər cür murdarlığa əl atır. O qədər abırsızdır ki, xeyriyyə tədbirlərindən hədiyyələri də oğurlayır. Və müəllif paparazziliyi xəstəlik kimi yozur. Les inanır ki, o, ciddi sənətlə məşğuldur. Konservativ ata-anasının iyrənc işlə məşğul olduğunu deməsini isə heç cürə qəbul edə bilmir.

Bir realiti-şouda məşhurlaşan Tobi isə tədricən şou dünyasının çirkinliklərinə bulaşır. Final səhnəsində müsahibə verən Tobinin fonda dumana bənzər, gözləri qamaşdıran işığa bürünməsi onun gələcək taleyinin vizual ifadəsidir.

Ərindən gizli abort etdirən yazıçı arvadı – “Əsl kino”

Depressiyaya meylli adamlar bu filmə baxmasın -VİDEO

Sallaqxanada eşq macərası – “Əsl kino”

Üzü əməliyyatla dəyişən yəhudi müğənninin əri ilə oyunu

Ərinin sevgilisi ilə birlikdə yaşamağına razı olan məşhur telejurnalist

Bu il Oskar alan ilk transseksual qadının filmi – ƏSL KİNO

Bu film Kamyunun hekayəsi əsasında çəkilib

Çin rejiminə etiraz edən film -“O qız çinlidir”

Kann festivalında qalib olan iki film – “Buraxılış” və “Şəxsi alıcı”

Oxşar xəbərlər

Xəbər lenti

Gələn il Ağdamda özümə toy edəcəm – Aqil Abbas yazır...
21:49 03 Dekabr 2020
Aktrisa evində ölü tapıldı
18:57 03 Dekabr 2020
İşğaldan azad edilmiş rayonların kitabxanaçıları ilə görüş keçirildi
18:22 03 Dekabr 2020
Əməkdar rəssam vəfat etdi
17:54 03 Dekabr 2020
Vudi Allen yeni film çəkməyə hazırlaşır
17:19 03 Dekabr 2020
Azərbaycanlı aktyora ağır itki
16:58 03 Dekabr 2020
Qarabağa ilk dəfə topu o gətirdi, dostu kürəyindən vurdu, Atatürk ona malikanə bağışladı - Adranikə qan udduran Sultan bəydən maraqlı faktlar
16:40 03 Dekabr 2020
Pançevin əsəri əsasında səhnələşdirilən tamaşa onlayn göstəriləcək
16:01 03 Dekabr 2020
“Netflix” platformasının İstanbulda ofisi açılır
15:19 03 Dekabr 2020
Məşhur aktyor transseksual olduğunu açıqladı - Adını dəyişdi
14:34 03 Dekabr 2020
İspaniyada Əhmədiyyə Cəbrayılovun şərəfinə poçt markaları buraxıldı
13:41 03 Dekabr 2020
Kamal Abdullaya yaraşmayan söz - Aydın Talıbzadə yazır...
12:58 03 Dekabr 2020
Koronavirusa yoluxan Mehriban Ələkbərzadə danışdı: "Nəfəs ala bilmirəm"
12:20 03 Dekabr 2020
Ölən arvadının telefonundan özünə zəng edən Həmid kişi – Yeni hekayə
11:55 03 Dekabr 2020
Fəxrəndə Həsənzadə Tağıyev adına qızıl medalla təltif edildi
11:48 03 Dekabr 2020
Xudayarın nəğmə ilə layla çaldığı məzar – Fəridə yazır...
11:10 03 Dekabr 2020
Qar tutan yollarına qurban olum – Laçınlı şairdən qələbə şeiri
10:30 03 Dekabr 2020
"Dəli Maks"ın İmmortal Cosu vəfat etdi
10:01 03 Dekabr 2020
Azərbaycanlı aktyora ikinci dəfə ağır itki üz verdi
09:12 03 Dekabr 2020
Peraşki satan, taksiçilik edən, özünə qız istəyən əsgərlərimiz – Ən kreativ görüntülər
08:56 03 Dekabr 2020