news-inner
clock11:55 calendar-gray 03 Aprel 2018 view-gray1227 dəfə oxunub
view-gray1227 dəfə oxunub

Dediklərinin hamısı şeir olan adam - Zakir Fəxri 70

Bu gün şair Zakir Fəxrinin 70 yaşı tamam olur. Kulis.az bu münasibətlə şairin qələm dostlarının təbriklərini təqdim edir.

TEYXA ŞAİR

Salam, Zakir Fəxri, salam!!!

Keçdik ilanlı yolları,

Daşlı, tikanlı yolları,

Bazar-dükanlı yolları –

Bir az da gəldik yaxına...

Qədim Roma şairi Ovidinin bir misrası var, təxminən belə səslənir: nə yazmağa başlasam, hamısı şeir alınır...

Azərbaycanda tanıdığımız bir neçə şair var ki, nə deyirlərsə, necə danışırlarsa, hamısı şeirdi. Məsələn, Ramiz Rövşəndi, Vaqif Bayatlıdı, Əlisəmid Kürdü...

Və Zakir Fəxridi.

Belələrinə, adətən, “təpədən-dırnağacan şair” deyirik. Onlar yeriyəndə də hər addımlarından şeir tökülür yola. Mübaliğə deyil, doğrudan da belədi.

Zakir Fəxrinin şeirlərini oxuyanda özünü şəxsən tanımırdıq. Sonra özünü də gördük və anladıq ki, şeirlərindəki dil duruluğu da, düşüncə aydınlığı da elə belə deyilmiş, varlığındakı, mahiyyətindəki saflıqdan irəli gəlirmiş. Adam başdan-ayağa enerjidi – daim səs-küylü, qaynar, maraqlı, mehriban aurasıyla. Bir insan kimi sən onun xarakterinə, mərdliyinə, qəlb genişliyinə arxayınlıqla söykənə bilərsən.

Yetmiş yaşını təbrik edirik, əziz Zakir Fəxri, teyxa şair!

Salam Sarvan, Mahir Qarayev

HƏMİŞƏKİ ZAKİR FƏXRİ

Bu gün sənətkar Zakir Fəxrinin 70 yaşı tamam oldu, səkkizinci onilliyə qədəm qoydu.

Bir az bayağı çıxsa da deyəcəyəm: ona bu yaşı vermək olmaz - maşallah, qıvraqdır!

Yəni həmişəki Zakir Fəxridir – gözlərinin dibindəki kədəri şaqraq gülüşüylə pərdələməyi, üstəlik dost-tanışa həyan olmağı, çətinə düşənə ürək-dirək verməyi bacaran, sədaqətli, vəfalı Zakir Fəxri.

Ona uşaqlı-böyüklü «sən» deyə müraciət edirik. Amma bu, onun xüsusi bacarığından irəli gəlmir, sadəcə, təbiəti belədir – uşaqla uşaqdır, böyüklə böyük…

Zakir Fəxri dünyanın hər üzünü görmüş, bərkə-boşa düşmüş, amma əyilib-sınmamış adamdır. Bu mənada o, çoxlarını süpürüb aparmış zamanın, daha doğrusu, zəmanənin yox, özünün layihəsidir. Bu yaxınlarda onun ömrünü tərəddüd içində keçirən bir nəfər haqqında dediyi sözləri xatırlayanda, gülüşümü saxlaya bilmirəm: “Filankəs filan yaşa çatıb, amma hələ də böyüyəndə kim olacağı barədə düşünür”.

Onun şair kimliyi haqqında çox şeylər deyilib, yazılıb, hələ bundan sonra çox yazılar yazılacaq, deyiləcək... Hamı kimi, mən də fikirləşirəm ki, sənətkarı ən yaxşı xarakterizə eləyən onun öz yaradıcılığıdır. Zakir Fəxrinin dillər əzbəri olan “Qalmaz belə, qalmaz dünya” şeiri kimi.

Zakir Fəxri onun yaşındakı bir çox şairlər kimi onlarla şeir toplusunun müəllifi deyil. Rus yazar Eduard Sevrus necə deyir:

“Bir ucdan üyüdüb-tökür,

Səfeh şair hədər-hədər:

Ağlı nə qədər azdırsa,

İlhamı çoxdur o qədər.”

Yəni əsas çox yazmaq deyil – necə deyərlər, az yaz, saz yaz! Zakir Fəxri sayağı!

Doğum günün mübarək, Sənətkar! Yaşa, var ol!

İnşallah yüz yaşını qeyd eləyək!

Etimad Başkeçid

news-inner-user

20044 məqalə

Oxşar xəbərlər

Xəbər lenti

Tərəf müqabili ilə üçaylıq sevgi yaşayan, evi olmadığı üçün qarajda qalan, iki dəfə intihara cəhd edən Xalq artisti
21:00 28 Sentyabr 2021
Vətən Müharibəsi qəhrəmanı haqqında film çəkilir
18:50 28 Sentyabr 2021
Bakı Beynəlxalq Kitab Sərgisində nələr olacaq?
18:15 28 Sentyabr 2021
Sahilənin Sənanı və "Şeyx"i
17:28 28 Sentyabr 2021
Onun geridəqalmışlığı mükafata layiqdir – Aqşin Yenisey yazır
16:44 28 Sentyabr 2021
Filmimiz beynəlxalq festivalın ən yaxşısı oldu
15:59 28 Sentyabr 2021
Üzeyir bəyə tələ quran erməni musiqiçilər - Tarixin gizlinləri
15:10 28 Sentyabr 2021
Baydarovun filmi nufuzlu festivalda - Foto
14:22 28 Sentyabr 2021
Osmanlı sultanlarının portretləri satışa çıxarılacaq
13:35 28 Sentyabr 2021
Qarabağ mövzusunun dələduzları – Şərif Ağayar yazır...
12:54 28 Sentyabr 2021
Əri ola-ola Telman Adıgözəlov ona evlilik təklif etdi, kişi aktyorlarımızın arasına qısqanclıq davası saldı – “Bəyin oğurlanması”nın məşhur siması kim idi?
12:09 28 Sentyabr 2021
Ölməyə vətən yaxşı... - Onlar niyə qürbətdə öldülər?
11:32 28 Sentyabr 2021
Nazirlikdən bəstəkara cavab: “Beş min verdik, götürmədi” - Özəl
11:01 28 Sentyabr 2021
Məşhur şair Fərid Hüseynin tərcüməsində - Yeni kitab
10:25 28 Sentyabr 2021
Universitetin dördüncü mərtəbəsindəki it – Yeni hekayə
09:01 28 Sentyabr 2021
"Anam deyir ki, o, ayaqqabılarını çıxarmaq istəyəndə, birinci katib qoymadı" - Səməd Vurğunu belə görməmisiniz - Foto
21:02 27 Sentyabr 2021
Tağıyevin heykəli yaxın günlərdə açılacaq - Rəsmi
18:55 27 Sentyabr 2021
Məşhur ingilis tədqiqatçının Nizami yanlışı – Vilayət Quliyev yazır...
18:20 27 Sentyabr 2021
Yazıçıların qaranlıq həyatı kitab oldu – Yeni nəşr
17:40 27 Sentyabr 2021
Müharibə xəbərinə özünü itirən taksi sürücüsü
16:53 27 Sentyabr 2021