writer1

Saqif Zeynal

Məqalə sayı

1
clock14:30 calendar-gray 19 Mart 2018 view-gray584 dəfə oxunub
view-gray584 dəfə oxunub

Yad planetdən gələn Kosa

Saqif Zeynal

Adı Talış idi, boydan balaca, arıq və cılız. Özünə Kosa Talış deyirdik. Həm onu çox istəyər, həm də özündən qorxurduq.

Uşaqlığımız Kosa Talışın yolunu gözləməklə keçdi.

O vaxtı Kosa Talışdan başqa ümidlə yolunu gözləyəcək kimsəmiz yox idi... Səbəb idi ki, novruz bayramı, o, ildə bir dəfə üzümüzə gülümsəyən xoş gün gəlmək bilməzdi, başını yelləyə-yelləyə, ağır-ağır, tısbağa ayaqları ilə gələrdi...

Kosa Talış bayram axşamları özünə kömürdən bığ-saqqal düzəldib başına qəzetdən konusvari papaq qoyar, ürəyi vətən, yurd həsrəti ilə titrəyən adamların, üzlərinin təbəssüm yeri qəribsəmiş evlərinə gələr, çırtma vurub oxuyar, deyib-gülər, ağzında müxtəlif oyun havalarını yamsılayıb oynayar, adamları əyləndirərdi. Adamlar da şaqqanaq çəkib gülər, dinclik tapa bilməyən əllərini bir-birinə vurub aranı bir az da qızışdırardılar. Bir gecəlik də olsa sinələrinin qapısını açıb dərdlərindən çölə çıxardırlar.

Kosa Talışın atası ilə atam traktorçu yoldaşı idi. Burda da qəribə bir doğmalıq vardı. Kosa Talış bizə gələndə atamla görüşər, məni tutub öpər, dişləyərdi...

O, hər məni öpəndə qürrələnir, o sevgini içimdə bir az da böyüdürdüm. Bir dəfə mənimlə yumurta da döyüşdürmüş idi, yerə-göyə sığmırdım! Ömrümdə o qədər qorxub, o qədər xoşbəxt olmadım heç. O xoşbəxtlik hələ də yaşayır içimdə.

Nənəmin qorxduğunu yaxşı bilirdi Kosa Talış. Necə deyərlər, arvadı qaralamışdı. Həmişə özünə bir az da əcaib görkəm verib, ağzını-burnunu əyib nənəmə tərəf oynayardı. Nənəm də “bismillah, bismillah” eyləyib, “çıxardın, çıxardım bu şeytanı çölə” deyib yaylığını gözünün üstünə endirib üzünü arxaya çevirər, dodağının altında nəsə dua mızıldayardı.

Tamaşa bitəndən sonra anam Kosa Talışın torbasına qoz-fındıq, şəkərbura, paxlava qoyub yola salardı. Kosa Talış oynaya-oynaya qapıdan çıxıb gedərdi.

Kosa Talışdan qorxmağımız da qəribə idi, o qorxunun içində bir sehrli sevgi, gənc bir ümid vardı.

Biz uşaqlara görə bayramı Kosa Talış gətirirdi. Onda qoz-fındıq bol olar, arvadlar Nabat xalagildə toplaşıb şəkərbura, paxlava bişirər, yumurta boyayardılar.

Uşaqlığımız o zaman bitib-tükəndi ki, Kosa Talışgil köçüb getdilər. Bir neçə il Kosa Talış gələcək deyə gözlədik, amma gəlmədi ki, gəlmədi.

Kosa Talışdan sonra sanki bayram da gəlməz oldu. Əslində, gəldi, lap tez-tez gəldi, quş qanadlarında gəldi, biz də sürətli böyüdük, amma, bayramda nə o əvvəlki dad, nə də o əvvəlki duz oldu.

Bayram axşamlarında Kosa Talışın boşluğu bizi qüssələndirməyə başladı. Və belə-belə bayram əhval-ruhiyyəsini itirdik.

Daha köhnə paltarlardan şar düzəldib neftə qoymadıq, dirədöymə oynamadıq, qapı-qapı düşüb evlərə papaq atmadıq, qız-gəlin axır çərşənbədə qulaq falına çıxmadı, biz yenə küçələrdə toplaşıb yumurta döyüşdürmədik. Yadımdadır, axırıncı dəfə Habil adlı qohumum rekord vurmuşdu sivri uclu yumurta ilə, hələ də rekord olaraq qalır.

Elə bil Kosa Talış o müqəddəs bayramı da torbasına qoyub özü ilə getdiyi uzaqlara apardı.

Bir dəfə atamdan soruşdum ki, Kosa Talış hara getdi, bir də gəlməyəcəkmi?! Atam da “O yadplanetli idi, getdi öz yurd-yuvasına, gəlməyəcək.” Atamın zarafatını həqiqət bilib inanmışdım.

Atamın sözlərindən sonra daha Kosa Talışın yolunu gözləmədim.

O vaxtı Kosa Talış bizdən xoş gün kimi, ümid kimi getdi.

REKLAM

Yazarın digər yazıları

Xəbər lenti

BAFTA mükafatının təqdimetmə mərasimi keçirildi
18:54 12 Aprel 2021
Anar: "Çox istərdim ki, yazıçılarımız Şuşanı ziyarət etsin"
18:11 12 Aprel 2021
Səni aldatdım, bağışla! – Yazıçı vəfat etmiş həyat yoldaşına nələr etiraf etdi? – Mətn
17:30 12 Aprel 2021
“Brilliant əl” filminin aktrisası evində ölü tapıldı
16:45 12 Aprel 2021
Məşhur aktyor vəfat etdi
16:11 12 Aprel 2021
Kafkanın “Seçilmiş əsərləri” nəşr olunub
15:30 12 Aprel 2021
Nizami Gəncəvi haqda monoqrafiya nəşr edilib
14:50 12 Aprel 2021
17 yaşında Bakı meri ilə eşq yaşadı, 8 il həbs yatdı, rus qəbiristanlığında basdırıldı – Şalvar geyinən ilk azərbaycanlı qadın
14:22 12 Aprel 2021
Arzuları güllələnən uşaqlar – Yeni şeirlər
13:30 12 Aprel 2021
Azərbaycanlı şairə ağır itki üz verib
12:45 12 Aprel 2021
Kişilərdən çox qadınlara baxan qadın - Güneldən qısa hekayə
12:14 12 Aprel 2021
Niyaməddin Musayev xəstəxanaya yerləşdirildi
11:38 12 Aprel 2021
“Bəşir gəlir” meyxanasına əsəbləşən saxtakarlar
11:30 12 Aprel 2021
Ölüm şeirləri ilə ömür sürən Xalq şairi - Gənc yazar Ramiz Rövşəni sərt tənqid etdi
10:57 12 Aprel 2021
Xalq rəsamımız Türkiyə televiziyasında
10:23 12 Aprel 2021
Entoni Hopkins BAFTA mükafatına layiq görüldü
09:45 12 Aprel 2021
Üçrəngli bayraq niyə ilk dəfə ingilis generalın qarşısında dalğalandı? – Tariximizin “Qara Kitab”ı - Yeni layihə
09:01 12 Aprel 2021
"Yeddi oğul istərəm" filminə çəkildiyinə görə peşman olub ağlayan Xalq artisti - Maraqlı faktlar
10:30 11 Aprel 2021
Rejissorumuzun filmləri beynəlxalq festivalda nümayiş olunacaq
17:01 10 Aprel 2021
Ax tı maşennik - Haqverdiyevin hekayəsi
16:39 10 Aprel 2021