news-inner
clock12:13 calendar-gray 12 Mart 2018 view-gray262 dəfə oxunub
view-gray262 dəfə oxunub

Onlar nə yazırlar? – SORĞU

Getdikcə yaz fəsli özünü büruzə verir. Təbiət təzələnir. Bəs bu təzələnmə yazarlar arasında baş verirmi? Hazırda hansı əsər üzərində çalışırlar, yeni yazdıqları əsər varmı? Yaradıcılıqlarında nə yeniliklər var?

Adalet.az bu barədə sorğu keçirib. Cavabları təqdim edirik.

Səfər Alışarlı:"Əlimdə olan yazılardan birini dünən martın 11-də, nəhayət, yekunlaşdırdım. Bu, həmin yazının 15-ci, 20-ci, bəlkə də 30-cu oxunuşu idi. Hər oxunuşda redaktə, düzəliş və amansız ixtisar işi gedir. İndi 15 səhifəlik yeni bir hekayə oxucuya doğru yola düşməyə hazırdır. Yəqin bu həftə biz onun məsələsini həll edərik.”

Nəriman Əbdülrəhmanlı:"Hazırlıq mərhələsindəyəm, o əsəri beynimdə "bişirirəm”, hazır olan kimi, yazmağa başlayacağam. Bu da yəqin ki, çox çəkməz. Çünki tanış, məhrəm mövzudu, illərlə içimdə gəzdirmişəm. Elə bilirəm ki, payızda oxuculara təqdim eləyə biləcəyəm.”

Etimad Başkeçid:"Üzərində işlədiyim kitabı hardasa iki il, iki il yarıma bitirəcəyəm. Bu mənim ikinci və yəqin ki, axırıncı romanım olacaq. Ona qədər hekayələr kitabımı və köşə yazılarımdan ibarət toplunu çap etdirməyi düşünürəm.Belə isə, hazırda Qoqolun əsərlərini dilimizə çevirirəm.”

Şərif Ağayar:"Dörd hissəli roman düşünürəm. Və qəribədir ki, roman dördüncü. axırıncı hissədən yazılmağa başlanıb.Dörd hissənin hər biri ayrılıqda povest olacaq."

Aqşin Yenisey:"Türkəyədə şeir kitabı hazırlayırıq. Əlavə üç roman var, sadəcə, vaxt qıtlığı imkan vermir ki, ortaya çıxaraq. 5-6 hekayə də hazırdı. Fürsət yaranan kimi kitab halında oxuculara təqdim edəcəyik.”

Mirmehdi Ağaoğlu:"Heç bir əsər üzərində çalışmıram.Hazırda əlimdə bir kitab var. Onun tərcüməsi ilə məşğulam. Çox güman onu bitirməyincə heç nə yazmayacam.”

Alpay Azər:"Hal-hazırda dini mövzuda bir hekayəni yazmaqdayam. Hekayənin məni və peşəkarlarını qane etməsini çox istəyirəm deyə, sonda bitirəcəyim mətnə indidən xüsusi məsuliyyətlə yanaşıram. Qaldı ki, yeni yazdıqlaırıma, keçən il "Azərbaycan" jurnalında çıxan "Həyat epikrizi" romanım yeni əsər sayıla bilər.”

Cavid Zeynallı:"İndi məni dramaturgiya daha çox maraqlandırır. Akademik Milli Dram Teatrında çalışmağım, rejissor və aktyorlarla tez-tez ünsiyyətdə olmağım məndə bu marağı yaratdı. "Tanrı quşu gəlmədi" adlı pyes yazmışam. "Azərbaycan" jurnalına göndərdim, ümid edirəm, bəyəniləcək və aprel sayında çıxacaq. Hazırda Azərbaycanın istiqlal şairi Əhməd Cavadın həyat yoldaşı Şükriyyə xanım haqqında pyes yazıram. Xeyli material oxumuşam, araşdırmışam. Şükriyyə xanım Qazaxıstandakı Akmol düşərgəsində 8 il sürgün həyatı yaşayıb. Dəhşətli hadisələr gəlib başına. Artıq pyesin yarıdan çox hazırdır, yəqin ki, iki aya bitəcək. Daha sonra bir neçə hekayə yazıb, kitab çıxarmaq istəyirəm. Planlar çoxdur. İlk kitabım olan "Günəşi gözləyənlər" romanını təzədən çap etdirmək istəyirəm. Daha sonra tammetrajlı iki film üçün ssenari yazmaq fikrim var. Sağlıq olsun."

Narıngül Nadir:"Hazırda "Professor” adlı bir hekayə üzərində işləyirəm. Uzun hekayədir, povest də adlandırmaq olar. Əslində, bir neçə ay bundan əvvəl yazmağa başlamışam. Yazıb bitirəndən sonra yenidən redaktə edirəm. Artıq neçənci redaktədir... Bir yazar dostuma oxumuşam, çox bəyənib, amma özümü tam qane etmir. Bəlkə də ilk dəfədir yazının üzərində bu qədər dayanıram. Ümid edirəm ki, uğurlu bir nəsr əsəri alınacaq. Ovqatıma görə şeir də yazıram. Çap olunmamış bir neçə şeirim var."

Sahilə İbrahimova:"Uzun zamandır üzərində işlədiyim romanı bitirmişəm. Çapı ilə bağlı nəşriyyatla danışıqlar mərhələsindəyəm. Adını açıqlamayım hələ:"

news-inner-user

18103 məqalə

Oxşar xəbərlər

Xəbər lenti

“Baku” jurnalı “Yandeks dzen” platformasında təqdim olunur
18:55 05 Mart 2021
Qadınlar Gününə həsr olunmuş sərgi keçiriləcək
18:01 05 Mart 2021
Qadına görə özünü yandıran məşhur meyxanaçı - Məşədibaba Elçini niyə öldürmüşdü? - Video
17:09 05 Mart 2021
“Oyaq gözəl” tamaşası onlayn nümayiş ediləcək
16:22 05 Mart 2021
Yanlış tanıdığımız Amerika – Cavid Ramazanov yazır
15:30 05 Mart 2021
Qodar kinodan gedir
14:40 05 Mart 2021
Türkiyəli yazıçı vəfat etdi
13:50 05 Mart 2021
Dahi şairin çap olunmamış şeiri tapıldı
13:01 05 Mart 2021
Ona qarşı “vnimatelni” olmadılar - Yaşar Nurinin fəxri ada həsrət qalan atası - Maraqlı faktlar
12:30 05 Mart 2021
Nənəsi şal örtən, qızı şort geyinən dostum – Şərif Ağayar yazır...
11:44 05 Mart 2021
Lal deyil, amma ömrü boyu danışmır...
11:01 05 Mart 2021
Berlin Film Festivalında Azərbaycan düzəlişi
10:14 05 Mart 2021
Erməni generalını boğan şəhid haqqında roman - İlk hissə
09:00 05 Mart 2021
Acından kirpikləri tökülən, evlənməkdən qorxan, mənzilində yiyəsiz ölən Əməkdar artist
21:00 04 Mart 2021
O, ölümə qaçdığının fərqində deyildi – Cavanşir Yusifli yazır…
18:11 04 Mart 2021
İsa peyğəmbər öldürülməyib: Bunu Quran da təsdiq edir
17:34 04 Mart 2021
Xalça Muzeyi fəaliyyətini dayandırır
16:47 04 Mart 2021
Milli Dram Teatrının mart repertuarı
16:08 04 Mart 2021
Tağıyevin gənc arvadının soyadını götürdü, Nağıyev evini əlindən aldı, bığını qırxdığı üçün nəsli ilə düşmən oldu - Ərəblinskini kim güllələyib?
15:02 04 Mart 2021
Cavanşir Məmmədovun çırtması, pampersli quzu
13:10 04 Mart 2021