writer1

Şərif Ağayar

Məqalə sayı

477
clock11:38 calendar-gray 06 Mart 2018 view-gray138 dəfə oxunub
view-gray138 dəfə oxunub

Mirşahinin həqiqəti

Azərbaycanın istedadlı telejurnalistlərindən olan Mirşahin Ağayevin yeni layihəsi qeydiyyatdan keçdi.

Sahənin mütəxəssisi olmasam da bu xəbər məni sevindirdi. Çünki, bütün ziddiyyətlərinə baxmayaraq Mirşahin doğrudan da istedadlı mütəxəssisdir.

Yaxşısa da, pissə də olanımız budur!

Kənardan yekə danışmaq, adamı yarğılmaq asandır. Xoca Nəsrəddinin əmmaməsini götürüb onu tənqid edənin başına qoyaraq “Kəramət əmmamədədirsə, buyur” dediyi kimi, mikrofonu qəfil Mirşahindən alıb onu tənqid, bəzən təhqir edən istənilən bir adama versən, gözlərini döyə-döyə qalacaq.

Bu xəbər məni sevindirdi, amma sevindirməzdən əvvəl Mirşahinin efirlə bağlı internetdə yayılan məşhur çıxışını yadıma saldı. Qəribə etiraflar eləmişdi: “Mən “Təmiz söhbət”, “Milli metr” layihələrini reytinq vermədiyi üçün bağladım!”

Onun yana-yana etdiyi bu çıxışın səbəbi o idi ki, məsələnin məğzini bilən də, bilməyən də tənqid edir, yıxıb-sürüyür. Niyə filan verilişi verirsiniz? Niyə filan adamı efirə çıxarırsınız?

Cavab sadədir:

Sənin kimi adamlara görə!

Sənin kimi düşünənlərə görə!

Sən məhdud bilgilərinlə filan verilişin efirə layiq olmadığını bilirsən, mən bilmirəm?

Bilirəm, əlbəttə!

Lakin insanların əksəri sənin kimi danışıb, sənin kimi tənqid edib, pultu fırladaraq yenə həmin verilişə baxdığı üçün çarəsizəm. Sən səmimi qəlbdən mənim yanımda deyilsən. Sən deyirsən, mən başqa verilişə baxım, sən başqa veriliş göstər.

Mən bunu yeyərmiyim?

O qədər xammıyım?

Analoji hal yazılı jurnalistikada da var. Bu yanda zamanın ən ciddi yazıçılarından olan Səfər Alışarlının yeni hekayəsini qoyursan, o yanda zorlamadan bəhs edən yazını, oxunma sayı birin yüzə nisbəti ilə ikincinin xeyrinədir.

Mən bundan gileylənmirəm. Çünki kütlənin maraq dairəsini bilirəm. Hər yazının öz oxucusu və oxunma sayı var. Di gəl, istedadı və dünyagörüşü, kütləyə hesablanmış o yazıdakı say çoxluğunu təşkil etməkdən başqa heç nəyə çatmayanlar razılaşmır bu reallıqla. Özünün yaratdığı acı gerçəkliyə görə səni ittiham edir.

Ən son Amerika nəsrini narahat edən başlıca mövzular bilirsinizmi hansıdır: ölüm və reklamçılıq.

Təsəvvür edirisniz?

Ölüm və...

Ölümə çarə yoxdur...

Reklama, şouya da!

Kütlənin buna maraq göstərməsinə də!

Kütlənin marağı bu çarəsizliklə düz mütənasibdir.

Bəs xoşnud isəniz qovğa nədir?

Özünüzü göstərirsiniz?

Bir az səmimi olun və nəyi çox oxuyub-izləyirsinizsə onu da oxuyub-izləyin.

Günahkar axtarmaq nəyə lazım?

Paylaş

REKLAM

Yazarın digər yazıları

Xəbər lenti

Brodski: sürgündə xanımı ilə, mühacirətdə xanımsız
21:00 19 Avqust 2019
Qazaxda Xalq şairi Mirvarid Dilbazinin xatirəsi anılıb
18:52 19 Avqust 2019
“Sonuncu Pərdə” filminin ilk tizeri yayılıb - Video
18:31 19 Avqust 2019
“Sosium” yenidən APA TV-nin efirində
17:44 19 Avqust 2019
Cinə inanan adam Nəsimini anlaya bilməz – Yazarlardan Firudin Qurbansoya sərt cavab
17:07 19 Avqust 2019
Maestronun xatirəsi anılacaq
16:22 19 Avqust 2019
Fikir qaşınması
15:29 19 Avqust 2019
Fikrət Qoca: “Nəsimini öz yazıçılarımız soyub” – Müsahibə
14:52 19 Avqust 2019
Rasim Balayev onu tənqid edən alimə cavab verdi: “50 ildən sonra səhv tuturlar”
14:01 19 Avqust 2019
Öpsün ciyərindən tüstülər, adam! – Orxan Bahadırsoydan Yeni Şeirlər
13:12 19 Avqust 2019
Rüstəm İbrahimbəyovun sədrliyi təsdiq olunub
12:34 19 Avqust 2019
Özünü döydürən qadınlar
12:00 19 Avqust 2019
Yeni çoxseriaylı film gəlir: "Kür nəğmə" - Fotolar
11:33 19 Avqust 2019
Fərid Hüseynin kitabı Serbiyada çap olundu
11:02 19 Avqust 2019
Oqtay Rzanın son müsahibəsi: “Yaradıcı adamlar 80 yaşında dünyadan köçürlər”
10:12 19 Avqust 2019
Məşhur pianoçu Bakıda konsert verəcək
09:51 19 Avqust 2019
“Rasim Balayevin filmdə Nəsimidən oxuduğu şeir biabırçılıqdır” – Müsahibə
08:47 19 Avqust 2019
Sərhədçinin tapılan iti... - Hekayə
14:01 18 Avqust 2019
Oqtay Rza vəfat etdi
13:32 18 Avqust 2019
38 yaşında güllələnən şairin şeiri – Bazar Oxusu
12:18 18 Avqust 2019