news-inner
clock09:48 calendar-gray 02 Mart 2018 view-gray207 dəfə oxunub
view-gray207 dəfə oxunub

“Bir ailə” filmi təqdim olunub

Nizami Kino Mərkəzi və “Ədibin Evi” Mir Cəlal Paşayevin 110 illik və Qara Qarayevin 100 illik yubileyləri münasibətilə Azərbaycan mədəniyyətinin görkəmli xadimlərinin birgə ərsəyə gətirdiyi “Bir ailə” bədii filminin təqdimat mərasimini keçirib. APA -nın məlumatına görə, tədbirdə Azərbaycanın birinci vitse-prezidenti Mehriban Əliyeva, Heydər Əliyev Fondunun vitse-prezidenti Leyla Əliyeva, mədəniyyət və ictimaiyyət xadimləri iştirak ediblər.

Filmin nümayişindən əvvəl çıxış edən Nizami Kino Mərkəzinin rəhbəri Leyli Mirzəyeva və “Ədibin Evi”nin nümayəndəsi Elnur İmanbəyli ekran əsəri və “Ədibin Evi” haqqında məlumat veriblər.

Azərbaycan Respublikası Kinematoqrafçılar İttifaqının icraçı katibi, əməkdar incəsənət xadimi Cəmil Quliyev ekran əsərinin çəkilmə tarixi haqqında danışıb: “Bu il “Bir ailə” filminin 75 illik yubileyidir. Bu yubiley çox əlamətdar bir dövrə düşür. Bu il biz görkəmli ədib, alim, istedadlı pedaqoq Mir Cəlal Paşayevin 110 illik yubileyini, böyük bəstəkar Qara Qarayevin 100 illik yubileyini keçirir, həmçinin Azərbaycan kinosunun 120 illik yubileyini qeyd edəcəyik. Bu tədbirlərlə bağlı Azərbaycan Respublikası Prezidentiİlham Əliyevmüvafiq sərəncamlar imzalayıb”.

C. Quliyev bildirib ki, film 2008-ci ildə akademik Nərgiz Paşayevanın təşəbbüsü ilə bərpa olunub. Azərbaycan Mədəniyyət və Turizm Nazirliyinin köməyi ilə Rusiyadan gətirilmiş bu film artıq Dövlət Film Fondunun qızıl fondunda qorunub saxlanılır: “Filmin çəkilişləri 1942-ci ildə - çox çətin bir dövrdə, müharibə dövründə başlanıb. O zaman Bakıya təxliyə olunmuş sovet rejissorları Qriqori Aleksandrov və Aleksandr İvanov gəlmişdilər. Bakı Kinostudiyasında üç film - “Xəzər dənizçiləri” sənədli filmi, “Bir ailə” və “Sualtı qayıq T9” bədii filmləri çəkildi. Əfsuslar olsun ki, bu filmlərin taleyi ağır oldu. Çünki onlarda Azərbaycan xalqının şücaəti, qəhrəmanlığı, Böyük Vətən müharibəsinə misilsiz xidmətləri göstərilirdi. Təbii ki, bu, Moskvada, Kremldə əyləşən yoldaşların xoşuna gəlmədi. Ona görə də bu filmlərə qadağa qoyuldu”.

Daha sonra film nümayiş olunub.

Rollarda Xosrov Məlikov, Mərziyyə Davudova, Lyubov Orlova, Hökumə Qurbanova və digərləri çəkiliblər. Filmin ssenari müəllifi Mir Cəlal, bəstəkarı Qara Qarayev, rejissorları Mikayıl Məmmədov, Rza Təhmasib və Qriqori Aleksandrovdur.

“Bir ailə” bədii filminin çəkilişləri müharibənin ən çətin və qızğın dövründə Bakıda aparılsa da, film sonra ekranlara buraxılmayıb. SSRİ Dövlət Film Fondunun Vətən filmləri şöbəsinin rəfində qalan filmə Sovet senzurası belə rəy verib: “Film Sovet xalqının alman işğalçıları ilə mübarizəsini zəif əks etdirir”.

news-inner-user

18103 məqalə

Oxşar xəbərlər

Xəbər lenti

“Baku” jurnalı “Yandeks dzen” platformasında təqdim olunur
18:55 05 Mart 2021
Qadınlar Gününə həsr olunmuş sərgi keçiriləcək
18:01 05 Mart 2021
Qadına görə özünü yandıran məşhur meyxanaçı - Məşədibaba Elçini niyə öldürmüşdü? - Video
17:09 05 Mart 2021
“Oyaq gözəl” tamaşası onlayn nümayiş ediləcək
16:22 05 Mart 2021
Yanlış tanıdığımız Amerika – Cavid Ramazanov yazır
15:30 05 Mart 2021
Qodar kinodan gedir
14:40 05 Mart 2021
Türkiyəli yazıçı vəfat etdi
13:50 05 Mart 2021
Dahi şairin çap olunmamış şeiri tapıldı
13:01 05 Mart 2021
Ona qarşı “vnimatelni” olmadılar - Yaşar Nurinin fəxri ada həsrət qalan atası - Maraqlı faktlar
12:30 05 Mart 2021
Nənəsi şal örtən, qızı şort geyinən dostum – Şərif Ağayar yazır...
11:44 05 Mart 2021
Lal deyil, amma ömrü boyu danışmır...
11:01 05 Mart 2021
Berlin Film Festivalında Azərbaycan düzəlişi
10:14 05 Mart 2021
Erməni generalını boğan şəhid haqqında roman - İlk hissə
09:00 05 Mart 2021
Acından kirpikləri tökülən, evlənməkdən qorxan, mənzilində yiyəsiz ölən Əməkdar artist
21:00 04 Mart 2021
O, ölümə qaçdığının fərqində deyildi – Cavanşir Yusifli yazır…
18:11 04 Mart 2021
İsa peyğəmbər öldürülməyib: Bunu Quran da təsdiq edir
17:34 04 Mart 2021
Xalça Muzeyi fəaliyyətini dayandırır
16:47 04 Mart 2021
Milli Dram Teatrının mart repertuarı
16:08 04 Mart 2021
Tağıyevin gənc arvadının soyadını götürdü, Nağıyev evini əlindən aldı, bığını qırxdığı üçün nəsli ilə düşmən oldu - Ərəblinskini kim güllələyib?
15:02 04 Mart 2021
Cavanşir Məmmədovun çırtması, pampersli quzu
13:10 04 Mart 2021