Azərbyacanlı aktrisa Fatimə Abbasquliyeva rus teatr rejissoru Mark Rozovskinin 12 il əlvvəl onu zorladığını bildirib. Aktrisa bunları dəvət aldığı verilişlərdən birində deyib.
Bəs görəsən Fatimə Abbasquliyeva kimdir?
O, Azərbaycanda doğulub. Atası yazıçı, anası skripka ifaçısıdır.
O, 15 yaşında “Miss Azərbaycan” müsabiqəsinin qalibi olub. 17 yaşında iki nominasiyada “Qızıl mikrafon” musiqi mükafatının qalibi olaraq estradaya gəlir. Müxtəlif kliplər çəkdirir, şou baletlər təşkil edir. 19 yaşında Moskvaya gəlir, Moskva teatr sənəti institutuna daxil olur...
Fatimə məlum verilişdə “U Nikitinskix vorot” teatrının rəhbəri Mark Rozovskinin 12 il əvvəl onu zorladığını bildirib. Onun sözlərinə görə, bu hadisə o, tələbə olanda baş verib.
Aktrisa rejissorun cəzalandırılmasını istədiyini söyləyib.
80 yaşlı Rejissor Rozovski isə ittihamı rədd edib. O, belə bir şey olmadığını, nə əvvəl nə sonra bu aktrisa ilə bir yerdə təklikdə qalmadığını söyləyib. O, aktrisanın yalnız dördüncü kursda onun dərslərinə gəldiyini, baş rollar üçün xahişlər etdiyini, lakin xırda rollardan başqa heç vaxt rol almadığını, onun teatrının aktrisası olmadığını söyləyib: “Abasquliyeva mənim şəxsiyyətimlə bağlı kompromatlarla özünü TV də piar etmək istəyən biridir. Bu yaxınlarda mənim teatrıma gəlib şeir yazdığını bildirdi, işləmək arzusunda olduğunu söylədi. Biz imtina etdik.”
Fatimə Rozovskinin onu kimləsə qarışıq saldığını deyib. O, şeir yazmadığını son 6 ildə teatra getmədiyini söyləyib.
Sözügedən verilişdə Fatiməni özünü piar məqsədilə yalan danışmaqda ittiham edənlərlə yanaşı, ona dəstək olanlar və inananlar da olub.
Vaxtilə Rozovskinin teatrında işləmiş aktrisa Yekaterina Kmit rejissorun rol qarşılığında intim həyat təklif etdiyini söyləyib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər