news-inner
clock13:32 calendar-gray 23 Fevral 2018 view-gray279 dəfə oxunub
view-gray279 dəfə oxunub

Utanasan, üstəlik, qızarasan bir az da... - Fərid Həsənzadənin yeni şeirləri

Kulis.az gənc şair Fərid Həsənzadənin yeni şeirlərini təqdim edir.

Elə çox istəyirdim

Ki, sən məni səvəsən.

Mən səni gözləyirdim,

Gec gəlirdin evə sən.

Bizim pəncərəmizdən

Sizin həyətə giriş

Görünürdü apaydın.

Elə hey istəyirdim,

Yerdən nəsə tapaydın.

Ləngiyəydin azacıq,

Yayınaydı diqqətin.

Yubanaydı addımın,

Belə baxıram, çətin.

Yolunu gözləməyin

Dadı-duzu başqadı

Və lazımdı arada.

Bu tərəfdə bir bağ var,

Səndən bir az bəridə.

O bağdan sənin üçün

Gizlicə gül dərməyin

Xəyalını qururam.

Yersiz çox düşünürəm,

Özümü çox yoruram.

Nəyə lazım bu təhər

Sənin dərdini çəkmək

Deyən kimi dolaşır

dilim,

dolaşır dilim.

Bu vaxt zəng eləyirsən,

- O biri həyətdəki

mağaza açıqdırmı?

Ay qız, mən hardan bilim...

***

Səbr edib yorulasan,

Daşmayasan hələ ki.

Özününkü sayasan,

Etmədiyin qələti.

Utanasan, üstəlik,

Qızarasan bir az da.

Qorxma, qorxma, rahat ol,

Nə olacaq bir azla?

Bu fikirlə yol gedib,

Öz içində azasan.

Nəfəsini dərməmiş,

Mənə məktub yazasan.

Mən də ki, tərsin biri,

Cırıb atam məktubu.

Durum çay süzmək üçün,

Sən aldığın fincanın

Görəm qırıqdı qulpu.

***

Bir güllə sıxıram alnıma indi,

Biri də cibimdə növbə gözləyir.

Düzülüb sırayla bütün günahlar,

Hərəsi bir cürə tövbə gözləyir.

Hər günah yaşayır öz taleyini,

Qoyma kimsə desin söz günahına.

Necə qoruyursan sənin olanı,

Elə də sahib çıx öz günahına.

Dayan, güzgüyə də bax arada bir,

Qorxma, güzgüdəki hələ özünsən.

Etdiyin yaxşılıq mərhəmətindir,

Etdiyin günahlar elə özünsən.

Hər oğrun günahın içində düzlük,

Hər doğru içində min günah yatır.

İndi icazənlə mən çıxım gedim,

İkinci güllənin növbəsi çatıb...

news-inner-user

17075 məqalə

Oxşar xəbərlər

Xəbər lenti

Fikircil – Rafiq Tağıdan hekayə
21:00 23 Noyabr 2020
Üzeyir bəyin, Səməd Vurğunun, Əliağa Vahidin sevdiyi qadın – Leyla Bədirbəyli haqqında maraqlı faktlar
20:00 23 Noyabr 2020
Koronavirusla mübarizəyə həsr olunmuş beynəlxalq fotomüsabiqə elan olunub
18:49 23 Noyabr 2020
V Buktreyler Festivalının qalibləri mükafatlandırıldı
18:12 23 Noyabr 2020
Cümhuriyyət qadınları haqqında kitab çap olundu
18:00 23 Noyabr 2020
Aqil Abbas: "Oğlum dedi, ata, səni heç vaxt xoşbəxt görmədim"
17:20 23 Noyabr 2020
Berlin Film Festivalından 2021- ci il qərarı
16:45 23 Noyabr 2020
Xalq şairi: “Ad günümü unutmuşdum, uşaqlarım yadıma saldı” – Müsahibə
16:02 23 Noyabr 2020
Bob Dilan yəhudi olduğunu niyə gizləyirdi? – Yeni sənədlər
15:21 23 Noyabr 2020
Polad Həşimova həsr olunan kitab anasına təqdim olundu - Fotolar
14:41 23 Noyabr 2020
Qatillərinə baş daşından gülən adam
14:00 23 Noyabr 2020
Azərbaycanlı feministlərin sülh anlayışı - Güneydən yazrılar...
13:32 23 Noyabr 2020
Yavaş-yavaş ötür yaşım - Salamdan yeni şeir
12:52 23 Noyabr 2020
Rejissor Şuşadan film çəkmək üçün müraciət etdi
12:20 23 Noyabr 2020
Teatrdan qovuldu, heç vaxt evlənmədi, ruhi dispanserdə yatdı: Səməndər Rzayevin üç gün öncə intihar edən aktyor oğlu
12:10 23 Noyabr 2020
Məşhur serialların ulduzu vəfat etdi
11:35 23 Noyabr 2020
Maşınla qovaladğımız erməni qız
11:03 23 Noyabr 2020
Hazır ol qayıdışa - Şəhriyar Şuşaya şeir həsr etdi
10:30 23 Noyabr 2020
Qazax şairin bütün poetik yaradıcılığı Azərbaycan dilində
09:51 23 Noyabr 2020
Natəvanın kötücəsi: “Qohumları var-dövlət üstündə onu çox incidirdilər” – Müsahibə
09:00 23 Noyabr 2020