Azərbaycan Dövlət Akademik Opera və Balet Teatrında Novruz Novruzlunun “Hicaz” qrupu ilə birlikdə konserti keçiriləcək.
Novruz Novruzlunun APA-ya verdiyi məlumata görə, martın 18-də keçiriləcək “Uzun, incə bir yoldayam” adlı konsert proqramında müxtəlif illərdə oxunan mahnılarla yanaşı, yeni ifalar da təqdim olunacaq: “Konsertdə təkcə Azərbaycan bəstəkarlarının mahnıları yox, eyni zamanda rus, italyan, hind musiqiləri, təsəvvüf musiqiləri də səslənəcək”.
Konsert saat 19:00-da keçiriləcək. Biletləri mərkəzləşdirilmiş kassalardan, ASAN Xidmətin kassalarından və iticket.az saytından əldə etmək olar.
Qeyd edək ki, "Savalan" qrupunun bədii rəhbəri Novruz Novruzlu 1960-cı ildə Ordubad şəhərində anadan olub. İncəsənət Universitetinin musiqili-komediya aktyorluğu fakültəsini bitirib.
O, hazırda Azərbaycan Dövlət Akademik Opera və Balet Teatrının solistidir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
