news-inner
clock09:00 calendar-gray 20 Fevral 2018 view-gray589 dəfə oxunub
view-gray589 dəfə oxunub

Moşuyla Söylü 27 il sonra... – “Bəxt üzüyü - 2”

Ayxan Ayvaz

KVN Parni iz Baku Teatrının rəhbəri, Əməkdar artist Tahir İmanovla müsahibə üçün görüşmüşdüm, o, məni yeni çəkdikləri “Bəxt üzüyü - 2” filminin imza gününə dəvət etdi.

Dəvəti xoş qarşıladım və yadıma Vaqif Səmədoğluyla bir söhbətimiz düşdü.

Onda bərk içmişdim, sərxoşdum. Toyda rastlaşdım Vaqif Səmədoğluyla. Əyri-üyrü yerişimlə Vaqif Səmədoğlunun hüzuruna çıxıb gülümsündüm. Və onun siqarına tərəf əyilib bir gilə götürmək istədim.

- Bunu çəkmək üçün nə yazmısan? – Vaqif Səmədoğlunun gözlərində yıxıla-dura gəzən bir adam gördüm.

Gülüşdük. Sonra söhbət hərlənib-fırlanıb “Bəxt üzüyü” filminə gəldi.

- Sizcə, çox mənasız film deyil, Vaqif müəllim? – bu mənim sərxoş atmacam.

- Filmdi də... Çəkiblər.

- Siz yazmısınız axı.

- Əşşi, yazmışam da...

- Vaqif müəllim, Moşu Səməd Vurğun deyil ki?

Eynəyinin arxasından gözləri bərəldi. Amma özünü ələ vermədi:

- Dədəmi qatma... – şəhadət barmağını yuxarı qaldırdı.

Təbii, bütün bunları beynimdəki duman çəkilib gedəndən sonra unutmuşdum. Yəqin heç Vaqif Səmədoğlu da xatırlamazdı o söhbəti.

İndi “Bəxt üzüyü - 2” filminə baxanda da o an gözümün qabağında təzədən canlandı.

Film nostalgiya kimi yaxşıdır. Bizə nələrisə xatırladır. Keçmiş günləri, yaşanmışları.

Hər şey həmişəki kimidir. Moşu həmişəki kimi şeir yazır. Qafiyə axtarışındadır. Söylü də yır-yığışla məşğuldur. Aralarındakı dialoq ilk filmdəki kimi diridir.

Rasim qaqa biznes fəaliyyətini genişləndirib, deyəsən. Filmdəki dəbdəbəli villadan bunu hiss etmək elə də çətin deyil. Moşunun ailəsinə öz villasında yer, Söylü demiş, “həm də əppək” verib.

Moşunun oğlu Xoşu yaşı keçməsinə baxmayaraq, hələ də “bakirdir”, əli bir qız əlinə dəyməyib. Və filmdə onun tüstüsünün təpəsindən çıxması ətraflı göstərilir. Gözəl əndamlı qızlara “blinçik” deməyi məni bir az itələdi. Düşünürəm ki, bu sözə çoxdan gülünüb.

Köhnə heyəti mümkün qədər saxlayıblar. Afaq Bəşirqızı, Valeh Kərimov, Rafael Dadaşov... Hətta mən Sedanın öldüyünü düşünmüşdüm. Çünki film boyu gözümə dəymirdi. Sonlarda üzə çıxdı. Sedanı canlandıran Firəngiz Rəhimbəyli bu filmə görə Amerikadan bura təşrif buyurubmuş.

Deməli, hər şeyin qaydasında getdiyi bir zamanda “Rasim qaqa” Moşu ilə Söylünü çağırır yanına və deyir ki, qızım Almaniyadan qayıdır, özü də yanında sevgilisi var. Oğlanın atası alman, anası azərbaycanlıdır. Qızı istəməyə gəlirlər. Təbii ki, məsələyə Moşu ilə Söylü öz rəngarəng münasibətlərini bildirirlər.

Hazırlıqlar başlayan ərəfə Söylünün qardaşı Fedot Moskvadan durub gəlməzmi? Yəqin Rasim qaqadan biznes qurmaq üçün aldığı pulu batırıb, təzədən üzüsulu qayıdıb yanlarına.

Hə, Rasim qaqanın qızı Dəniz, öz gələcək həyat yoldaşı Emil və onun əlil arabasındakı atası Adolf villaya təşrif buyururlar.

Moşunun gözündə Emilin atası Hitler kimi canlanır. Tez-tez onu Hitler qiyafəsində görüb qeyzlənir.

Söylünün qardaşı Fedot bu izdivacı pozmaq niyyətindədir. Planını Söylüyə danışır. Deyir, Dənizi Emildən aralayıb özü alacaq və beləliklə, Rasim qaqanın mirası ona qalacaq.

Hər şeyin yaxşı getdiyi bir vaxtda qəfil Seda ortaya çıxır. Məlum olur ki, Seda 27 ildir həmin bu almanla evlidir. Böyük qonaqlıq dəhşətli xəbərlə silkələnir. Bu yerdə Rasimin oğlundan maraqlı replika: “Lap Meksika filmidi ki...” Rasimlə Sedanın aralarının niyə dəydiyini bilmirik. Emil də, Dəniz də bu xəbərə çox təəccüblənirlər. Rasim evliliyə razı olmadığını deyir və qızını özü ilə aparmaq istəyir. Lakin Dəniz Emillə qalır. Onlar otelə gedirlər.

Gəldik, yazımızın “bəxt üzüyü” yerinə. Məncə, burda “bəxt üzüyü” məsələsi o qədər də ruslar demiş, “udaçni” alınmayıb. Rasim qaqa gəlib ev əhlinə məsələni danışır və qızını o oğlana verməyəcəyini açıqlayır. Söylünün qardaşı Fedot plan qurur: Dənizin bəxt üzüyünü oğurlayacağıq və beləcə, onlar ayrılacaq. Səbəb: oğlan bu cür mistik hadisələrə çox bağlıdır və bu bəxt üzüyünün yoxa çıxmasını bədbəxtliyə yozacaq.

Bura qədər yaxşıdır. Söylü, Moşu, Fedot, Xoşu komandası bəxt üzüyünü oğurlayırlar. Və qızla oğlanın arası da dəyir. Dəniz qayıdır evə. Ondan sonra çox tez zamanda barışıq yaranır. İzdivaca narazı olan Rasim qaqa fikrini dəyişir. Və “Happ end”.

Sadəcə dostca iradım var: məncə, bu “bəxt üzüyü” məsələsini bir az daha genişləndirmək olardı. Sona qədər də bu düyün açılmamış qalardı.

Hər halda maraqlı bir iş görülüb. Aktyorlara təşəkkür düşür. Ən azından bizə nostalji hislər yaşatdılar...

news-inner-user
Ayxan Ayvaz

464 məqalə

Oxşar xəbərlər

Xəbər lenti

Filmimiz Parisdə nümayiş olundu
18:49 19 Oktyabr 2020
Rəssamlar İttifaqı Silahlı Qüvvələrə Yardım Fonduna ianə edib
18:11 19 Oktyabr 2020
Niyə inşa edilmişdi, üstündən kimlər keçdi? - Xudafərin körpüsü
17:28 19 Oktyabr 2020
Azərbaycanlı yazıçı koronavirusa yoluxdu
16:52 19 Oktyabr 2020
Az qalıbdır, Qarabağı qucmağa - Ordumuz haqda şeirlər
16:07 19 Oktyabr 2020
Məşhur meyxanaçılar Qarabağa klip çəkdi - Video
15:28 19 Oktyabr 2020
Atalığı onu zorla diləndirdi, əri ona görə dinini dəyişdi, səhnədə dirijoru söydü – Xalq artistinin film kimi həyatı
14:51 19 Oktyabr 2020
Zamin Hacı Füzulinin azad edilməsindən danışdı: “Sürpriz oldu”
14:10 19 Oktyabr 2020
Şərif Ağayarın romanı Fransada çap olundu
13:30 19 Oktyabr 2020
Cəbhəyə şəkil çəkdirməyə gedən məşhurlar
12:44 19 Oktyabr 2020
Türk ulduzlardan Azərbaycana qardaş dəstəyi: “Hər zaman yanınızdayıq”
12:10 19 Oktyabr 2020
Qadınlar ağlaya-ağlaya bizdən imdad diləyir - Tolstoyun qızı erməni vəhşiliyindən yazır
11:20 19 Oktyabr 2020
Məşhur rus yazıçısı vəfat edib
10:45 19 Oktyabr 2020
Nuri Bilge Ceylanın filminə 470 min avroluq dəstək
10:02 19 Oktyabr 2020
Rus aktyor: “Rusiya TV-ləri erməniləri müdafiə edən yalanlar danışır” – Müsahibə
08:58 19 Oktyabr 2020
Azərbaycan bayrağı – Günün şeiri
11:03 18 Oktyabr 2020
Dostu üzünə durdu, şərlənərək həbs olundu, yaddaşını itirdi... - Məşhur yazıçımızdan maraqlı faktlar
16:30 17 Oktyabr 2020
Şərqli atanı cəzalandıran olacaqmı?
15:33 17 Oktyabr 2020
Dağlar buludlardan uca olardı - Rayonu azad olunan şairdən şeir
14:36 17 Oktyabr 2020
Anası Füzulidə, atası Bakıda dəfn olunan aktyor: "Onları qovuşduracağam"
13:51 17 Oktyabr 2020