İstanbul Aydın Universitetinin tərcüməçilik fakültəsinin bölmə rəhbəri, şair Ataol Bəhramoğluna Avropa Elm, İncəsənət və Ədəbiyyat Akademiyasının fəxri üzvü adı verilib.
"MediaBookBub”ın xəbərinə görə YUNESKO tərəfindən dəstəklənən akademiya uzun müddətdir apardığı seçimlərdən sonra bu ada ən çox Bəhramoğlunun layiq olduğuna qənaət gətirib. Üzvlük sənədi ustad şairə Parisdə təşkil edilən təntənəli mərasimdə akademiyanın qurucusu Nikol Lemar Aqaqio tərəfindən təqdim olunub. Bir çox ölkədən qatılan yüzə yaxın şair, elm və incəsənət xadimi arasından bu ada bir də ukraynalı fizik, bu ilin Nobel namizədi olmağa çalışan Oleksandr Karotko layiq görülüb.
Mərasimdə çıxış edərkən "şeir, fəlsəfə və texniki elmlər” arasında qurulan əlaqənin uzunömürlülüyünə diqqət çəkən Ataol Bəhramoğlu "Körpələrin irqi yoxdur” şeirinin fransız dilində tərcüməsini səsləndirərək, minnətdarlığını bildirib.
Məlumat üçün bildirək ki, 1980-ci ildə qurulan Avropa Elm, İncəsənət və Ədəbiyyat akademiyasının əsas hədəfi profil sahələri üzrə çalışan, bu işlərə əmək verənləri bir araya gətirdiyi konfrans və panellərlə Avropa ölkələri arasında yeni bir intellektual-mədəni şəbəkə yaratmaqdır./artkaspi.az/
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər