news-inner
clock11:01 calendar-gray 13 Fevral 2018 view-gray349 dəfə oxunub
view-gray349 dəfə oxunub

O dünyadan bu dünyaya, gələn qoyub gedir bizi Anar Aminin şeirləri

Kulis.az Anar Aminin yeni şeirlərini təqdim edir.

Göydə pəncərələr sınır...

Sən də, mən də yağış, dolu

istəyirik düşə, düşmür...

Göydə pəncərələr sınır,

yerə niyə şüşə düşmür?..

Yazda xeyir, yayda şərdik,

qırx payıza sinə gərdik...

Sürüşüb çoxdan gedərdik,

gedişimiz qışa düşmür...

Yoldan yola qoşa düşdük,

yolda bərkə-boşa düşdük...

Biz dünyanı başa düşdük,

dünya bizi başa düşmür...

Azadlıq – hava kimidi

O dünya bilmirəm, necə,

bu dünya yuva kimidi...

Gəlib bizim aramıza

o salan dava – kim idi?..

Dağın yolun, dərə bağlar,

çayları göz yaşı ağlar...

Üz-üzə dayanan dağlar

yorulmuş dəvə kimidi...

Nə istərik, nə dilərik,

ömrümüz şardı, pülərik...

Udmasaq, ölə bilərik,

azadlıq – hava kimidi...

Aysel Əlizadəyə məktub

Ocaq yanıb közü qalıb,

külək gedir, kül aparır...

Küləyin də sevdiyi var;

sevdiyinə gül aparır...

Hərdən bax Günəşə, Aya,

şükür Tanrı verən paya!

Hamımızı bu dünyaya

əl gətirir, əl aparır...

...Pəncərədən düşdü şölə,

yerdən qalxdım ölə-ölə...

Gecə yarı çıxdım çölə,

gördüm Ayı sel aparır...

Xuda azadlıq istəyir

Azadlıq onun haqqıdı –

o da azadlıq istəyir...

Yumruğun göyə qaldırıb

bu da azadlıq istəyir...

Nə istəyir qu dənizdən,

azalmır ki, su dənizdən...

Min illərdi bu dənizdən

ada azadlıq istəyir...

Göydən yerə səpələnən,

dənizlərdə təpələnən,

dalğalanan, ləpələnən

su da azadlıq istəyir...

...Payız yarpaqları yolub,

ağaclar kövrəlib dolub...

Dualara məhkum olub,

Xuda azadlıq istəyir...

Nəsə olacaqdı, nəsə...

Nəsə solub, nəsə solur,

nəsə solacaqdı, nəsə...

Nəsə qalıb, nəsə qalır,

nəsə qalacaqdı, nəsə...

Çay axır, dənizə dolur,

qəlbin yaşı gözə dolur...

Nəsə dolub, nəsə dolur,

nəsə dolacaqdı, nəsə...

Əyriyə yox, düzə olur,

nə olursa, bizə olur...

Nəsə olub, nəsə olur,

nəsə olacaqdı, nəsə...

Atalar yazıb-yaradır...

Biz dünyaya niyə gəldik,

düşündürən nədir bizi?!

O dünyadan bu dünyaya

gələn qoyub gedir bizi...

...Verən verib bizə aman,

yaşayırıq yaxşı, yaman...

Biz kimisə güdən zaman

kimsə nəsə güdür bizi...

...Orda yolumuz haradı,

burda günümüz qaradı...

Atalar yazıb-yaradır,

analar çap edir bizi...

Bəxtimiz

Bəxtimiz bəxt üzüyündən

qaş kimi düşdü, bilmədik.

Qismətimiz göydən yerə

quş kimi düşdü, bilmədik.

Gəlməsə də xoşumuza,

gələn gəldi tuşumuza,

yağış, dolu başımıza

daş kimi düşdü, bilmədik.

Taqətimiz dizimizdən,

sevincimiz üzümüzdən,

dünya bizim gözümüzdən

yaş kimi düşdü, bilmədik…

Nə qədər ki, şələ vardı…

Bu şair də öz ömrünü

belə yaşayır dünyada.

Haçan öləcək bilmir ki,

hələ yaşayır dünyada.

Olumun ölümdü ardı,

ölüm də oluma yardı.

Nə qədər ki, şələ vardı,

Lələ yaşayır dünyada.

…Alır-alsın bac alırsa,

aldığından güc alırsa…

Hər kim necə bacarırsa,

elə yaşayır dünyada…

Səhrada

Göz gördükcə qəbirlər var,

saymağa başdaşı yoxdu.

Baxıb-baxıb gözlərini

qıymağa başdaşı yoxdu.

...O göz qıyıb, bu bel əyib,

yağış döyüb, ya yel əyib...

Ölənləri hiss eləyib,

duymağa başdaşı yoxdu.

Hissə aşiq, duyğuya yar,

dünya, sənə ar olsun, ar!

Məhə də var, tişə də var,

oymağa başdaşı yoxdu.

Tufan qopdu, yenə də qum,

gözünü aç... gözünü yum...

Bu səhrada ölmə, dostum,

qoymağa başdaşı yoxdu!..

news-inner-user

19989 məqalə

Oxşar xəbərlər

Xəbər lenti

Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
21:00 21 Sentyabr 2021
Pekində beynəlxalq film festivalı başlayıb
18:55 21 Sentyabr 2021
Gənc yazarın ilk şeirlər kitabı nəşr edildi
18:15 21 Sentyabr 2021
Aqşin Yenisey: “Bu, milli biabırçılıqdır” – Müsahibə
17:47 21 Sentyabr 2021
Seviş mənimlə, gecədir! – Məlihə Əzizpurun şeirləri
17:30 21 Sentyabr 2021
Ailə dəyərləri, qadın azadlığı və fahişəlik
16:44 21 Sentyabr 2021
Bizi zibilə salanlar - Sevda Sultanova yazır...
15:50 21 Sentyabr 2021
Rejissor öz ölümündən film çəkdi
15:10 21 Sentyabr 2021
Məktəb oxumayan yazıçı Nobeli necə aldı?
14:12 21 Sentyabr 2021
Fotoqraflar arasında müsabiqə elan olundu
13:02 21 Sentyabr 2021
Qardaşının ölümünü ondan gizlədilər, həkimlər övlad qadağası qoydu, “Ağlama, Zaur” şeirini yazdı - Anar Təhminəni onun həyatından götürmüşdü?
12:10 21 Sentyabr 2021
Şəhid anasının əli ilə veriliş bağlayan Tolik
11:33 21 Sentyabr 2021
Səməd Vurğuna görə ianə toplanır – Foto
11:01 21 Sentyabr 2021
Laçında teatr açmaq istəyən aktyor – Müzakirə
10:33 21 Sentyabr 2021
Çingiz Abdullayev Vətən müharibəsindən hekayə yazdı – Mətn
10:05 21 Sentyabr 2021
Məşhur müğənni əməliyyat olundu
09:31 21 Sentyabr 2021
Toy gecəsi mahnıya görə döyülən gəlin – Yeni hekayə
09:01 21 Sentyabr 2021
Vyetnam prezidenti ilə dostluq edən, 4 qardaşını vaxtsız itirən, Türkan Şorayı filmə çəkən Xalq artistimiz - Maraqlı faktlar
21:00 20 Sentyabr 2021
Qarabağda 15 tarix-memarlıq abidəsi pasportlaşdırılıb
18:59 20 Sentyabr 2021
Pikassonun əsərləri Fransa hökumətinə bağışlanacaq
18:31 20 Sentyabr 2021