writer1

Mirmehdi Ağaoğlu

Məqalə sayı

559
clock11:47 calendar-gray 09 Fevral 2018 view-gray329 dəfə oxunub
view-gray329 dəfə oxunub

Qara Qarayevlə Azərbaycan xalqı arasındakı uçurum

Mirmehdi Ağaoğlu

Bir neçə gün öncə görkəmli Azərbaycan bəstəkarı Qara Qarayevin 100 yaşı qeyd olundu. Qara Qarayev haqqında hər zaman dəyərli fikirlər eşitmişik, onun adı həmişə Azərbaycan bəstəkarlığı ilə yanaşı çəkilib. Azərbaycan bəstəkarlığı deyəndə Qara Qarayev yada düşüb. Qara Qarayev Azərbaycan bəstəkarlığını modern səviyyəyə, intellektual mərhələyə qaldıran şəxs sayılıb.

Doğrusu yuxarıda səsləndirdiyim fikirlər mənim şəxsi qənaətim deyil. Qara Qarayev haqqında müxtəlif zamanlarda müxtəlif yerlərdə rast gəldiyim sözlərdir, öz adımdan dilə gətirdim.

Bəs mənim üçün Qara Qarayev kimdir?

Açığı bir neçə bəstəsinə, bəzi əsərlərinə qulaq assam da Qara Qarayev mənə çatmayıb. Hər dəfə onun bəstələrini dinləməyə cəhd göstərsəm də özümdə heç bir təsir hiss etməmişəm. Daha dəqiqi; əlbəttə mənə təsir edən bəstələri olub, ancaq bunlar bütövlükdə Qara Qarayev dühasını dərk etmək üçün bəs etməyib. Onun yaradıcılığı haqqında deyilənlərlə onun musiqisindən duyduqlarım arasında müqayisəyə gəlməyəcək dərəcədə fərq olub. Sanki özümlə onun arasında bir baryer hiss etmişəm. Onun yaradıcılığı, dünyası ilə kontakta keçə bilməmişəm. Aramızda dərin uçurum olub.

Bunu təbii ki, özüm üçün böyük naqislik hesab edirəm. Ancaq yeri gəlib deyim; əgər bu naqislikdirsə o zaman Fikrət Əmirovun bəstələrini niyə duya bilirəm, onlar mənə niyə təsir edir?

Mənə elə gəlir, içi özüm qarışıq Azərbaycan xalqı ilə Qara Qarayev yaradıcılığı arasında böyük uçurum var. Onun yüz yaşını qeyd etməyimizə baxmayın, biz ondan dünyasından kilometrlərcə uzaqdayıq.

Qənaətimi dəqiqləşdirmək üçün zövqünə inandığım bir neçə dostumun da fikrini öyrəndim. Onlar da Qara Qarayev musiqisini bir o qədər anlaya bilmədiklərini dedilər. (Düzdür, arada içimə şübhə düşdü ki, bəlkə səbəb heç bizdə deyil... Sonra gözü çıxmış qardaşlarımdan çəkinib dərhal da fikrimdən daşındım).

Bunu özümüzün faciəmiz hesab edirəm. Hətta bir dəfə eşitmişdim ki, öz dövründə belə Qara Qarayevin musiqisi artıq dünyada modern hesab edilmirdi, keçilmiş mərhələ sayılırdı. İndi gör biz nə gündəyik ki, Qara Qarayevin musiqisi bizim üçün ultramodern hesab olunur, yad gəlir, başa düşə bilmirik.

Görəsən, Qara Qarayev musiqisini anlamaq üçün nə edək?

Hardan başlayaq, nə oxuyaq, nə öyrənək?

Necə edək ki, onu yaxından duya bilək?

Yoxsa elə həmişə belə qalacağıq?

Qara Qarayev öz Everestində, biz öz Marianamızda.

REKLAM

Yazarın digər yazıları

Xəbər lenti

Ondan qorxurduq – Bacısı qızı Kafkadan yazır...
17:47 03 İyul 2020
Mehriban Vəzirdən yeni kitab
16:58 03 İyul 2020
Koronavirusa həsr olunan film çəkilir
16:13 03 İyul 2020
"Sehrbaz qadın" onlayn nümayiş olunacaq
15:21 03 İyul 2020
Xarici İşlər Nazirliyi nota göndərməlidir - Kino adamları od püskürdü
14:30 03 İyul 2020
Uşaqlar üçün tamaşa
13:57 03 İyul 2020
Anar yeni ssenarisini çəkməyə vəsait tapmır
13:15 03 İyul 2020
Hoşcakal, İrfan bey! – Ayxan Ayvaz yazır...
12:33 03 İyul 2020
Dünya ilə oynayan iki qadın - Mehman Qaraxanoğlu yazır...
12:07 03 İyul 2020
Qəmli-qəmli sevişmək – Oğuz Ayvaz yazır...
11:41 03 İyul 2020
Türkiyənin Azərbaycandakı keçmiş müşaviri vəfat edib
11:16 03 İyul 2020
Günün şeiri Küçük İsgəndərdən - Mətn
10:58 03 İyul 2020
Orxan Pamuk qızına çap qadağası qoydu
10:26 03 İyul 2020
İstəyirdim kimsə məni itələyib küçənin ortasına yıxsın - Bircənin romanı
09:00 03 İyul 2020
Azərbaycanlı fotoqraflar beynəlxalq fotomüsabiqədə 4 qızıl medal qazandılar
18:41 02 İyul 2020
Eşşək obrazına görə ərini tərk edən qadın – Əyyub Qiyasdan yeni hekayə
18:04 02 İyul 2020
Kosmosun qoxusu necədir? - NASA-dan 2 il əvvəl bunu düşünən azərbaycanlı
17:23 02 İyul 2020
Səməd Vurğunun şeirlər kitabı Türkiyədə nəşr olundu
16:41 02 İyul 2020
“Durna balığı” onlayn göstəriləcək
15:48 02 İyul 2020
Bakıda böyüyən yazıçının Avropada bestseller olan romanı - O, rus çarına niyə "dünyanın ən bədbəxt adamı" deyirdi?
15:02 02 İyul 2020