Kulis.az tanınmış yazıçı Orxan Fikrətoğlunun “Jirinovskiyə məzəli görünməyək deyə yazılan tezislər”ini təqdim edir.
1 .Bu gün formalaşan pop mədəniyyət milli burjuaziyanın əxlaqı, milli düşünürlərin hirsidir.
2. Azərbaycan telekanalları dünya mediasından üç gün “fərqli ” işləyir.
3. Biz hələ Qarabağı geri almamışıq bu qədər şou qayırırıq, gör Qarabağı alandan sonra nələr edəcəyik.
4. Milli ideolojinin formalaşması mədəniyyətin fəlsəfi konsepsiyalarının müəyyən olunmasından başlaya bilərdi.
5. Ümümbəşəri mövcudolma taxçasında bizim real yerimiz və rolumuz başqa dövlətlər tərəfindən müəyyən olunmalıydı.
6. Tənqid hissi olmayan cəmiyyət inkişaf edə bilməz.
7. Dindən büt elementlərini çıxarmağın zamanıdır.
8. Yenilik ənənədədir.
9. Multikultural dəyərlər onurğası olan xalqların arealında tutarlıdır.
10. Dil elm deyil, prosesdir. Onu tənzimləmək cəhdi, axar suda ev tikmək cəhdi qədər düşüncəsizlikdir.
11. Yaltaqlıq artıq əxlaq deyil, siyasətdir.
12. Erməni millət deyil, türklərə qarşı ekspansiya layihəsidir.
13. İstənilən ölkənin elmi bazarından bəlli olur.
14. Axsaq ov itinin, axmaq sahibi olar.
15. Varlısansa, sənə can deyənə inanma, qan deyənə inan. Kasıbsansa sənə qan deyəndən qorxma, can deyəndən qorx.
16. Ziyalısına zamanında sosial sifariş verməyən xalqın gələcəyi olmaz.
17. Kəndlinin kəndə qayıtması sərhədlərin bərpası deməkdir.
18. Elmi var-dövlət bilməyən, dövləti elm bilməz.
19. Cəmiyyətdə bankirlər deyil, filosoflar dəbdə olmalıdır.
20. Mövsümü vətənpərvərlik saxta gülüş qədərdir.
21. Taxta qılıncdan öləni mən yenə birtəhər başa düşürəm, öldürəni başa düşmürəm.
22. Maşa ilə Ayı Cırtdanı cırtlayıb!
23. “Əti” elə olanın, qəssabı da elə belə olar.
24. Bu gün orta təhsil müəssisələrində tədris vasitəsi kimi istifadə olunan dərsliklərin hamısı bizim üçün dərsdir.
25. Görəsən, bu gün Azərbaycanda nə qədər alim olar? Kitab qədər olar?
26. Kişisən Azərbaycanı içindən sev!
27. Nərdi “şeş-beş” atan deyil, “du-bir” atıb “şeş-beş” oynayan aparır.
28. Ətrafında ağıllı adam görmək istəməyən, ən azı ətrafında ağıllı adam olmadığı üçün ağıllı adam kimi görünə bilməz.
29. İgid abrından qorxar.
30. Sən sələmnən, mən salamnan!
31. Cəmiyyətdə “Ana romantikası” “oğru romantikası” ilə əvəz olunandan südümüz də kriminallaşdı.
32. İntihar xəbər portallarının inhisarıdır.
33. Bu günün gəncliyi “elektron sayğac” kimidir. Saymağı düz saysa da “zaryadkası” tez qurtarır.
34. Qabaq Əlinin papağını Vəlinin başına, Vəlinin papağını Əlinin başına qoymaq olurdu. İndi olmur. Əlinin papağı daha Vəlinin başına tən gəlmir. Vəlinin də elə!
35. Müstəqil olmaq üçün müstəqil düşünmək şərtdir.
36. Ən müasir silah belə insan iradəsini yenə bilməz.
37. Rusiya bizim fantom ağrımızdır. Avropa üzüyümüzə saxta dəyərlər döyən zərgərimiz. Amerika suyun başında oturan nağıl divimiz.
38. Özümüzün özümüzdən başqa heç kəsimizin olmadığını hələ özümüz bilmirik.
39. Son zamanlar ədəbiyyat aləmində təsis edilən mükafatlar ədiblərin özlərindən çoxdur.
40. Bütləri qıranın Allah kimi inandığı olmalıdır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
