“İsanın əzabları” filminin davamı çəkilir

Mel Gibsonun 2004-cü ildə ekranlara çıxan “İsanın əzabları” (The Passion of the Christ) filminin davamı olan “The Resurrection”un çəkilişləri davam edir.

Kulis.azın türk mətbuatına istinadən verdiyi xəbərə görə birinci filmdə olduğu kimi bu dəfə də rejissor kreslosunda Mel Gibson oturacaq.

Həzrəti İsa rolunda 49 yaşlı aktyor Jim Caviezeli görəcəyik.

“Cəsur ürək”in ssenaristi Randall Wallace da Gibsonla əməkdaşlıq edəcək.

Filmdə Həzrəti İsanın çarmıxa çəkilməsindən sonrakı müddətdən və yenidən dirilməsindən bəhs ediləcək.

Birinci film 30 milyon büdcə ilə 611 milyon dollar gəlir gətirmişdi. Təkcə Şimali Amerikada 371 milyon dollar gəlir gətirərək yaş məhdudiyyəti prinsipiylə ən çox kassa hasilatı olan film rekord qırmışdı.

Yeni filmin 2019-da ekranlara çıxması gözlənilir.