Şəfiqə Məmmədova Beynəlxalq Kinofestivala dəvət edilib

Kino

Ana səhifə
Kino

Şəfiqə Məmmədova Beynəlxalq Kinofestivala dəvət edilib

26 iyul 2012

12:16

Azərbaycan Respublikası Kinematoqrafçılar İttifaqının sədri, SSRİ və Azərbaycan Dövlət mükafatları laureatı, xalq artisti Şəfiqə Məmmədova noyabr ayında Minskdə keçiriləcək "Listopad" Beynəlxalq Kinofestivalına fəxri qonaq kimi dəvət edilib. İttifaqdan APA-ya verilən məlumata görə, qurum rəhbərinə bu dəvət Belarus Kinematoqrafçılar İttifaqı tərəfindən olunub. Səfər çərçivəsində Ş.Məmmədovanın Belarus Kinematoqrafçılar İttifaqının 50 illiyinə həsr edilmiş yubiley tədbirlərində iştirakı nəzərdə tutulur.

Xatırladaq ki, Belarus və Azərbaycan Respublikası Kinematoqrafçılar İttifaqı arasında qarşılıqlı tədbirlərlə bağlı razılıq əldə olunub. Səfər çərçivəsində bu barədə ətraflı müzakirələr aparılacaq.