Türkiyədə yaşayan və işləyən istedadlı aktrisa, həmyerlimiz Nəsrin Cavadzadə “Womens Fitness” jurnalı üçün kameralar qarşısına keçib. Dərginin suallarına cavab verən Cavadzadə özüylə bağlı tamaşaçıların bilmədiyi məqamlardan bəhs edib.

“Pərəstişkarlarınızın fikrincə, siz cəsur, seksual və özünüzdən əmin görünürsünüz” fikrinə aktrisa belə qarşılıq verib: “Bu imici sevirəm. Belə libaslar geyinməyə üstünlük verirəm. Amma “tam olaraq Nəsrin budur?” deyə soruşsanız, cavabım “yox” olar.”

“Bu imic sadəcə xoşuma gəlir. Bu imicin sayəsində həm güclü oluram, həm də qorxularımın üstünə gedirəm. Bu imiclə eləcə də qadınlara cəsur olmağı aşılayıram. Yetər ki, məni yanlış anlamasınlar və mənə acıqları tutmasın.”

Məşhur aktrisa “Seksual görünməkdən narahat olduğunuz vaxtlar olurmu?” sualına belə cavab verdi:

“Heç vaxt olmayıb! Qadınları cazibəli göründükləri üçün o qədər sıxışdırırlar ki. Dörd bir yanımız senzuradır. Ona görə cazibəsini gizləməyə məcbur olmayan qadın mənim üçün qürur mənbəyidir”.

“Qadın olaraq yolumuz hamar deyil. Feminist kimi davranmaq mənim üçün çox dəyərlidir. Qadınlar qadınlığına sahib çıxmalı, qadın kimi görünməkdən qorxmamalıdır.”

“Sizi digər aktrisalardan fərqləndirən özəlliklər nələrdir?” sualına Nəsrindən maraqlı cavab gəlib:

“Məncə öz zəmanəsinin ən cazibədar qadınlarından biriyəm. Bu da çalışqan olmağımın bir nəticəsidir əslində. Mən Sovetlər Birliyində doğulub böyüdüm. Balet müəllimimin xətkeşi kürəyimdə qırılırdı”.

“Çox nizam-intizamlı bir uşaqlıq dövrü keçirdim. Belə bir təhsil sisteminə alışdığım üçün özümü və iradəmi idarə edə bilirəm.”

• Muzeyin divarına zərər vuran şəxslər saxlanıldı
• Tanınmış azərbaycanlı rəssam Kannda mükafatlandırıldı
• Ədəbiyyat məsələlərinə aid müzakirə keçirildi