news-inner
clock15:40 calendar-gray 15 Yanvar 2018 view-gray196 dəfə oxunub
view-gray196 dəfə oxunub

Uşağının qatilini bağışlayan polis - HEKAYƏ

Kulis.az Təranə Məmmədlinin “Velosipedli uşağın atası” hekayəsini təqdim edir.

Rayonun ən yaxşı mehmanxanasında gecələdim. Ertəsi gün ünvanını təxmini bildiyim o yaşlı qadının evinə getdim. Bakıdan gəldiyimi bilib məni içəri dəvət etdi. Yaşı çox olmasına baxmayaraq qadın xeyli gümrah idi. Mənə qəşəng çay süfrəsi açdı, üzbəüz oturub gəlişimin səbəbilə maraqlandı. Özümü jurnalist kimi təqdim edib illər öncə bu rayonda baş vermiş bir qəza haqda ətraflı məlumat toplamaq üçün gəldiyimi söylədim.

Qəzanın nə olduğunu anlayanda qadın - həəə, başa düşdüm - deyib, danışmağa başladı:

- Kişi ölənə qədər yuxusunda görürdü o uşağı. Oğlum neçə dəfə getdi həmin uşağın anasının yanına. Ehhh, ay bala... Kaş mən öləydim o vaxt! - deyib ağladı qadın.

- Xala, sən mənə hər şeyi necə var elə danış. Əhvalatı olduğu kimi yazmaq istəyirəm - dedim.

Qadın gözlərini örpəyinin ucuyla silib davam etdi:

- O gün kişi işdən tez qayıtmışdı. Dedi ki, dostlarıyla yığışırlar, maşına oturub həyətdən çıxdı. Elə təzəcə getmişdi ki, küçədə hay-küy düşdü. Mən də çıxdım. Gördüm camaat tökülüşüb məhəlləyə. Dedilər, bax, bu evin qabağındakı yolda bir uşağı maşın vurub. Uşaq velosipedlə yolu keçəndə olub hadisə. Bir də gördüm bizim kişi gəlir. Əlləri əsir, rəngi qaçıb. Dedi ki, evimiz yıxıldı, arvad. Uşağı mən vurdum.

Ay Allah! Uşaq elə yerindəcə keçinmişdi. Mənim qulaqlarım batdı. Heç nə eşitmirdim, heç nə görmürdüm. Bütün rayon tökülmüşdü bura. Camaatın qışqırığından bir onu eşitdim ki, uşaq polis rəisinin oğludu. Sonrasını bilmədim. Ordaca ürəyim gedib sən demə. Su verib ayıltdılar məni. Nə isə, ölmədim, bala, amma, həyatımızın bitdiyini hiss edirdim o anlarda. Uşaq elə bizim oğlumuzla yaşıd imiş. Adamların danışığından bildim. Birdən, elə bil güc gəldi mənə. Durdum, oğlumun əlindən tutub getdim rəisin evinə. Girdim rəis olan otağa, dedim, bax, bu mənim oğlumdur. Övlad itkisi böyük dərddi. Al, sən də mənimkini öldür! Öldür ki, anasının ürəyi soyusun!

Kişi üzünü çevirib otaqdan çıxdı. Allahım! O gün mən ölmək istəyirdim. Dözə bilmirdim bu dərdə. Rəhmətlik bizim kişi lap ölmüşdü, dili tutulmuşdu, əlləri dayanmadan əsirdi.

Nə isə... Gecə gəlib kişini apardılar. Səhərə kimi nə mən, nə oğlum yatdı.

Səhər tezdən gördüm qapı açıldı, kişi girdi içəri. Başladı ağlamağa. Ağlaya-ağlaya dedi ki, məni bağışladılar. İnanmadım. Amma sonradan bildim ki, rəis deyib, mən şikayətçi deyiləm, uşağı atasız qoymayın, buraxın, getsin.

Bilirsən, bala, bilmirəm mən elə hərəkət edə bilərdimmi? Yəqin ki, yox. Edə bilməzdim. Amma o, elədi. O, oğlunun qatilini bağışlaya bildi. O, çox böyük insan idi. Biz qərara gəldik ki, köçüb gedək buralardan. Amma onlar köçdülər. Uşağın qırx mərasimindən sonra ərizəsini yazıb işdən çıxdı kişi, Bakıya köçdülər. Bilmirəm sağdı, ya ölüb. Bu əhvalat çoxdan olub. Hər halda, Allah ona rəhmət eləsin! Deyirlər, diriyə də rəhmət var, ölüyə də. Bax belə, a bala. Bizim rəhmətlik kişi ölənə kimi o ailəyə dua edirdi. Elə mən də...

Bu hadisəni təxmini bilirdim. Amma təfsilatıyla bu gün öyrəndim. Ailəmizdə bu barədə heç kim danışmır, keçmişə qayıdıb o illəri yenidən yaşamaq istəmirlər.

Mehmanxanadan çıxıb maşına oturdum. Bakıya qayıdırdım. Çox surətlə sürürdüm maşını. Evə, ömrünü cinayətlərin açılmasına, canilərin, qatillərin cəzalandırılmasına həsr edən, lakin, oğlunun qatilini bağışlayan atamın əllərindən öpməyə tələsirdim...

news-inner-user

17090 məqalə

Oxşar xəbərlər

Xəbər lenti

Tank lüləsində striptiz- Dahiyanə filmlər
21:00 24 Noyabr 2020
“Zorla erməniləşdirmə” sənədli filmi təqdim olunub
19:40 24 Noyabr 2020
Bakı Kitab Mərkəzinə 100-dən çox ərəb dilində kitab hədiyyə olunub
19:37 24 Noyabr 2020
Xalq artisti Əjdər Həmidov vəfat etdi
18:50 24 Noyabr 2020
Xocalı haqda film Tehran festivalının əsas müsabiqəsində
18:21 24 Noyabr 2020
Azərbaycandakı dini rəhbərlər dağıdılan abidələrimizlə bağlı bəyanat verib
17:33 24 Noyabr 2020
Ermənilərin "əl gəzdirdiyi" Əsgəran qalası
17:05 24 Noyabr 2020
48-ci Beynəlxalq "Emmi" mükafatının qalibləri açıqlandı
16:23 24 Noyabr 2020
İbrahim İlyaslının yeni kitabı nəşr edildi - Foto
15:57 24 Noyabr 2020
Rəssamlar İttifaqı beynəlxalq müsabiqə elan etdi
15:21 24 Noyabr 2020
Rus qadınla gizlin evləndi, anasının ölümünə səbəb oldu, otel otağında huşsuz tapıldı– Kinomuzun Əhmədinin faciəvi həyatı
14:42 24 Noyabr 2020
Ağam şəhərim! Adam şəhərim! - Qulu Ağsəsdən Ağdam şeiri
14:01 24 Noyabr 2020
Məsciddə çəkilən fotoda ən incə məqam
13:16 24 Noyabr 2020
Sosial media mütəxəssisi: “Laykdan asılı vəziyyətə düşmək xəstəlikdir” – Müsahibə
12:40 24 Noyabr 2020
Muğam Mərkəzindən növbəti təqdimat
12:05 24 Noyabr 2020
Tanınmış həkimdən koronavirus xəbərdarlığı: “Vəziyyət çətindir”
11:35 24 Noyabr 2020
Boşana bilmirəm, nə edim? – Fəridə yazır...
11:04 24 Noyabr 2020
Serbiyada Üzeyir bəyin xatirəsi anıldı - Foto
10:30 24 Noyabr 2020
Xanımını əmisi oğlu ilə tutdu, baltalamaq istədi – Şukşinin hekayəsi – Dilimizdə ilk dəfə
09:01 24 Noyabr 2020
Fikircil – Rafiq Tağıdan hekayə
21:00 23 Noyabr 2020