news-inner
clock11:30 calendar-gray 08 Yanvar 2018 view-gray604 dəfə oxunub
view-gray604 dəfə oxunub

İstəyirəm müqəddəs bakirə olasan – Sonuncu Orxandan YENİ ŞEİRLƏR

Kulis.az gənc şair Sonuncu Orxanın yeni şeirlərini təqdim edir.

Dieqo Armando Maradonaya

Gözəl bir qadın olsaydı

Dəli kimi sevib evlənsəydim.

Körpəm olsaydı qucağında

Baxıb-baxıb xoşbəxt olsaydım.

Sonra bir əndamlı iblis məni yoldan çıxarıb,

Ailəmdən soyudub aramıza daş qoysaydı

Soyuyub qadınımdan da, körpəmdən də

Hamını, hər şeyi buraxıb

Boş bir otaqda dinməzcə

içib-içib içimi yesəydim...

Həmdəm olmağa bir əl, bir qucaq, bir sığal olmasaydı...

Yox, özümü bu sonsuz boşluqdan atmazdım

Özümü dəli olmağa da qoymazdım.

Evimə qayıdıb arvadımın ayaqlarını qucaqlayardım

və “bağışla məni” deyərdim.

Bilirəm, o da sakitcə gətirib qabağıma çay qoyub

gülümsəyərdi...

Məni bağışladığından deyil.

Həyatında daha bir alçaq sifəti tanıdığına görə gülümsəyərdi.

Yadınızda qalsın

Gözəl qadınların həyatında alçaq adamlar daha çox olur...

Bağışla, qısqanıram

istəyirəm daş olub düşəsən

arxanca ağzının seliyini axıdan

kişilərin başına.

İstəyirəm şaxlığından yorulub belə asan

bir kişinin baxışına axmayasan

ayaqlarını əllərinə verməyəsən

körpücük sümüyündə şərab içməsin

“Səni sevirəm” deyib boynuna atılmaq istəyən kişilər.

quru bir daş olasan istəyirəm

özünə sirdaş olasan istəyirəm

istəyirəm müqəddəs bakirə olasan

ətəyində namaz qılam.

Mən çox şey istəmirəm

Bircə qadın olma...

Dostum Voşevə

qollarını qoynunda çarpazlayan adam düşün

darıxmır... ağrımır... kədərsizdir...

sakitdir

xoşbəxt deyil

laqeyddir

hərdən çarəsizdir

hərdən də çox ümidli.

hərdən sinəsinin altında vətən sevgisi çiçəkləyir

hərdən dilinə şeir də gəlir, zəhər də.

hərdən də boğazından qalstuku boşaldıb

mahnı oxuyur darıxdığı adamlardan ötrü.

qollarını qoynunda çarpazlayan adam

gözlərini bir nöqtəyə zilləyir hərdən.

və nöqtə boyda yer kürəsində

nəyə lazım olduğunu dərd eləyir.

***

Çox boylanma geriyə

toxunma səni ağrıdan heç nəyə

özünü öldürmə keçmiş deyilən əsir düşərgəsində.

hər şeyi alt-üst elə bir də

möhkəm çığır, möhkəm sevin yenə də.

boylanma geriyə

səni ağrıdan hər şeyin üstünü toz basıb indi.

elə bu zamanın ortasında qal

elə bu dünyanın ortasında qal.

gələcəyə dırmanma

dost kimi deyirəm: evlənmə

hər yataqda birini qucaqla

kitab oxu, şeir yaz

qəmə ağlama, gül

uzan yaşıl otların arasında

gözünü yum

dünya sənindir.

Sadomazoxist

Günün birində - günorta çağı

Evimdən çıxarıb məni təpikləsələr

Ağzımda torpağın tamını hiss etsəm

Məni tənhalıqdan bir az uzaq tutsalar

hər gün gəlib döysələr

döyülməyimi bilib sevinsəm.

tənhalıq da bir azardır

nərdtaxta oynamaq kimi

təsbeh çevirmək kimi

göyərçin uçurtmaq kimi

o da bir xəstəlik növüdür.

Məni tənhalıqdan bir az uzaq tutsalar

hər gün gəlib döysələr

döyülməyimi bilib sevinsəm

hədiyyə almağı gözləyən uşaq kimi...

Oxşar xəbərlər

Xəbər lenti

“Azərbaycan–ispan danışıq kitabçası” çap olunub
18:18 12 May 2021
Azərbaycan bəstəkarlarının əsərlərinin toplusu Şuşada təqdim olundu - Foto
17:41 12 May 2021
"Xarıbülbül" musiqi festivalı başlandı
15:00 12 May 2021
Mənim Tanrım gözəllikdir, sevgidir - Hüseyn Cavidin şeirləri
14:24 12 May 2021
Ağadadaş Ağayev əməliyyat öncəsi fotosunu yaydı
13:09 12 May 2021
30 ilin ən gözəl müjdəsi
12:04 12 May 2021
Tanınmış aktyor vəfat etdi
12:00 12 May 2021
Bu gün Şuşada «Xarıbülbül» müsiqi festivalı başlayır
10:12 12 May 2021
İrəvandan yük maşınında qaçan, özündən 24 yaş böyük direktorla evlənən, İran şahının sevimlisi olan Xalq artisti
09:03 12 May 2021
Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021
İntəhasız acı nəğmə - Qorki haqqında esse
13:25 11 May 2021
Sevgiliyə gül uzadan əllərin tənhalığı - Ramil Əhməddən yeni şeirlər
12:00 11 May 2021
Tom Kruz mükafatlarından imtina etdi - Qalmaqal
11:30 11 May 2021
“Qarabağa sülh, sevgi və ümid” adlı xeyriyyə konserti keçiriləcək
10:26 11 May 2021
II Nikolayın qızı onun şəklini istədi, çar öz sarayına qonaqlığa çağırdı - Azərbaycanlı qaçağın film kimi həyatı
09:00 11 May 2021
Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021