news-inner
clock11:30 calendar-gray 05 Yanvar 2018 view-gray454 dəfə oxunub
view-gray454 dəfə oxunub

Əyyaş qonşumuz evini yandıran gün... – Hikmət Orhundan YENİ ŞEİRLƏR

Kulis.az gənc şair Hikmət Orhunun yeni şeirlərini təqdim edir.

***

salam, daş hasar, salam...

...yüz ildir salam almırsan, salam.

sən sağ ol,

elə mən də almıram,

almıram,

almıram.

eynimə də almıram.

indi kimsə kimsənin gözünün içinə baxmır,

indi adamların gözləri bumbuz,

üzləri bomboz.

indi adamlar səndən də daş, daş hasar.

salam, daş hasar, salam.

***

biz müharibənin göbəyində doğulduq,

müharibənin göbəyində...

özgə şəhərlərin

arxa məhəllələrində böyüdük

yıxıla-dura...

yaşamağı

biri-birimizin səhvinə baxıb öyrəndik,

ölməyi

yaşayanların iztirabına.

əyyaş qonşumuz evini yandıran gün

mən içkini atdım,

vüsal yaşamağın daşını...

***

birdən hamı üstünə gələr, üstünə,

birdən hər şey qəsdinə durar, qəsdinə

balaca boyunu,

yumruq boyda ürəyini nəzərə almazlar.

birdən böyümək istəyərsən,

yumruq boyda ürəyini qumbara əvəzi

atmaq istəyərsən adamların üstünə,

durarsan kainatın qəsdinə...

vecinə alan olmaz,

çünki sən balaca adamsan, balaca.

və onlar çoxdur, sən az.

***

qəfil gələcək ölüm -

mən gözümü qırpmadan,

sən qapıdan çıxmadan.

nə yatağımda qoxum,

nə qoxumda qoxun qalacaq.

yatağımı da götürüb

bir tərəfə atacaqlar.

yerinə ya bir kamod,

ya televizor altlığı qoyacaqlar.

beş gün,

uzağı on beş gün

köks ötürəcəklər,

sonra şəklimi də götürəcəklər

evin ən görkəmli yerindən.

***

gecə saat üç;

nə tanrı yatıb,

nə mən çimir almışam.

oturub dərdləşirik -

tanımaq istəyir,

ona səndən danışıram.

***

bəlkə də bulud bulud deyil - torpaq,

bəlkə də torpaq torpaq deyil - bulud.

Bəlkə də bulud torpağa deyil,

torpaq buluda yağır, bəlkə də...

bəlkə də yarpaq yarpaq deyil - torpaq,

bəlkə də torpaq torpaq deyil - yarpaq.

Bəlkə də yarpaq torpağa deyil,

torpaq yarpağa çökür, bəlkə də...

bəlkə də insan insan deyil - torpaq,

bəlkə də torpaq torpaq deyil - insan,

Bəlkə də insan torpağa deyil,

torpaq insana köçür, bəlkə də...

***

(N.... - ə)

bəlkə də söz olmasa

danışmağa ehtiyac olmazdı,

göz olmasa baxmağa...

küləklərin diliylə anlaşardıq,

suların gözüylə baxışardıq,

bəlkə də...

bəlkə də hər şey başqa cür olardı,

amma olmadı...

söz var...

indi deyirsən:

“zəng etmə, susaq”,

“mesaj yazma, baxışaq”.

yaxşı, zəng eləmərəm,

day mesaj da yazmaram

xoruz banına qədər...

bircə onu de, görüm,

necə biləcəm ki, sən mesajın o

üzündə susursan?

***

...hamı getmişdi,

bircə sən qalmışdın o küçənin tinində -

it ilində...

əsəbləşib ağzının payını vermişdim,

tanrının da, dinin də...

***

bəli,

sevirdim onu.

bəlkə, özünü deyil,

güllü-güllü donunu,

gülüşünü

sevirdim;

bəlkə, yerişini deyil,

eləcə duruşunu,

baxışını

sevirdim;

bəlkə də heç birini...

bəli,

sevirdim onu.

Oxşar xəbərlər

Xəbər lenti

Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021
Məşhur İspan yazıçısı vəfat etdi
18:15 17 Sentyabr 2021
Azadlıq qılıncların oxuduğu nəğmədi – Rüstəm Behrudinin şeirləri
17:30 17 Sentyabr 2021
Təşəkkür edirəm ayaqlarımın səsinə - Yeni şeirlər
17:07 17 Sentyabr 2021
Sezen Aksudan yeni mahnı - Video
16:55 17 Sentyabr 2021
Məşhur tarzənə ev verildi
16:17 17 Sentyabr 2021
Bir sıra mədəniyyət işçilərinə fəxri adlar verildi - Siyahı
15:50 17 Sentyabr 2021
Deşikli daş pirinin möcüzəsi: İnanaq, yoxsa gülüb keçək?
15:30 17 Sentyabr 2021
Sənubər İsgəndərli yeni veriliş açır
14:10 17 Sentyabr 2021
Sevgilisi: "Vüqara yaraşmayan qadınlar qəbrinin üstündə hoqqa verir"
13:01 17 Sentyabr 2021
Narkotikaya qurşandı, cibindən 11 min manat oğurladılar, küçədə ağlaya-ağlaya pul diləndi – Oğlunun faciəsində Səyavuş Aslanın günahı
12:30 17 Sentyabr 2021